Dibadika 14:9 - MUKANDA WA MYIDI MUKULU

⁹ Kadi, lekelayi kutombokela Maweja-Nangila. Kanutshinyi bena ditunga adi to. Netubabutule! Mvidie yabu ivuabu batekemene kayena kabidi ne bukole bua kubalama to! Kadi Maweja-Nangila udi netu. Nanku kanubatshinyi to.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kanuanji kutombokela Yehowa nansha, kanutshinyi bena buloba; bobo badi bu bintu bia tuetu kudia, bintu bidibo badisungila nʼabi biakumuka, ne Yehowa udi nʼetu; kanubatshinyi.

Dibadika 14:9 ပူးပေါင်းရင်းမြစ်များ

Genese 48:21

Pashishe Yakobe kulaya Yozefe, umuambila ne: — Nkadi mikolu ku tshiina. Kadi Mvidi Mukulu neanulame, anupingaje mu ditunga dia bankambua benu.

2 Kulondolola 13:12

Mpindiewu, Maweja-Nangila nkayende ke udi utulombola. Batuangaji bende apa badi bakeba kuela mpungi, bua kuleja tshimanyinu tshia mvita, bua kunuluisha. Nanku, nuenu bena Izrayele, kanuluishi Maweja-Nangila Mvidi Mukulu wa bankambua benu, bualu kanuakutshimuna mvita to.

2 Kulondolola 15:2

Kuyaye kumonangana ne Asa bua kumuambila ne: — Mukalenga Asa ne nuenu bonsu bena Yuda, ne bena Binyamine, nunteleje! Maweja-Nangila neikale nenu anu panuikala bamuitabe. Nuenu bamukebe, nenumupete. Nuenu bamubenge, yeye kabidi neanubenge.

2 Kulondolola 20:17

Kanuakuikala ne tshilumbu tshia kubaluisha muaba awu to. Nuenu bena Yerushalayime ne bena Yuda, nuimane amu muaba awu, numone mundi nnupikula. Kanutshinyi, kanupampakanyi. Malaba nuye kudibu. Nengikale nenu.”

2 Kulondolola 32:8

Yeye udi ne bantu badi bamuambuluisha bua kuluangana. Kadi tuetu tudi ne Maweja-Nangila Mvidi Mukulu wetu, udi utuambuluisha, utuluila mvita. Mukalenga Izkiya wamba miaku ayi, bantu bonsu ba mu tshimenga kupeta dikima.

Nehemya 4:14

Kadi muaba onsu unudi nuenza mudimu, panudi numvua mpungi, nudisangishe bonsu, nufike muaba undi. Nanku, Mvidi Mukulu wetu atuluile mvita!

Misambu 106:24

Pashishe kupetulabu ditunga divuabu bajinga, kubengabu kuitaba dilaya dia Mvidi Mukulu.

Misambu 121:5

Neakulame, neikale papuipi nebe, neikale tshisokomenu tshiebe.

Misambu 14:4

Maweja-Nangila udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Misambu 46:7

Padi Mvidi Mukulu wakula, bisamba bidi bizakala, makalenga atutakana, buloba bunyungakana.

Misambu 46:8

Maweja-Nangila wa bukole buonsu udi netu. Mvidi Mukulu wa Yakobe udi utulama.

Misambu 74:14

Uvua muzaze kabalubalu ka tshidika tshia Leviyatane, mutshidishe kudi nyama ya mu tshipela.

Misambu 91:1

Muntu udi usokomena kudi Mvidi Mukulu Muena kulu, ubutamine kudi Wa kukole buonsu.

Ekesode 14:13

Moshe kuandamuna bena Izrayele ne: — Nukoleshe muoyi. Kanutshinyi to! Nenumone mudi Maweja-Nangila unupandisha lelu. Bena Ejipitu banudi bamona aba, katshia kanuakubamona kabidi to.

Ekesode 33:16

Kabidi mmunyi mudi bantu mua kumanya ne: meme ne bena Izrayele tudi bapete diakalenga kuudi, paudi kuyi munkatshi muetu? Bua tuetu kushilangana ne bisamba bikuabu, anu wewe muikale munkatshi muetu.

Yeshaya 1:2

Maweja-Nangila udi wamba ne: “Diulu, teleja, buloba, teya matshi. Meme kukolesha bana. Kadi bobu bamane kukola, kuntombokelabu.

Yeshaya 32:2

Yonsu wa kudibu neenze amu bimpe, yonsu neikale bu muaba utudi mua kunyemena, padi lupepele ne mvula wa tshipupu bitukuata. Yonsu neikale bu musulu udi upueka mu buloba buume, bu dileji didi lubuebue lunene lufila mu ditunga dia luya lupite.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yeshaya 41:14

Izrayele, tshisamba tshia Yakobe, lekela kutshina. Bakuabu badi bakumona bu kantu kakese, bu kishi kadibu mua kudiata ku makasa. Kadi meme nkayanyi nenkuambuluishe. Meme Maweja-Nangila ndi njadika nanku. Meme Mvidi Mukulu wa tshijila wa bena Izrayele, nenkusungidile.

Yeshaya 63:10

Kadi bavua bamutombokela, bavua banyingalaja Mueyelu wende wa Tshijila. Nanku Maweja-Nangila kudienza muluishi wabu, kubanga kuluangana nabu mvita.

Yirmeya 1:19

Nebakuluishe, kadi kabena bakutshimuna to. Bualu meme ndi nebe bua kukusungidila. Meme Maweja-Nangila ndi njadika nanku.

Yirmeya 42:11

Kanutshinyi mpindiewu mukalenga wa bena Babilone. Meme Maweja-Nangila ndi nnuambila ne: kanutshinyi, bualu ndi nenu, bua kunusungidila, bua kumukandika, bua kankengeshi.

Yirmeya 48:45

Badi banyema mvita mbapungile. Badi bakeba muaba wa kuikisha mu tshimenga tshia Eshebone, tshivuabu balombole kale kudi mukalenga wa Sikone. Kadi kapia kavua kuosha ditunga dijima dia bilobu ebi, ku mikalu too ne munda mua ditunga.

Danyele 9:5

Tuvua babenge kuitaba diyi diebe. Tuvua benze malu mabi. Tudi bena tshibawu. Tuvua bakutombokele. Tuvua babenge mikenji yebe.

Danyele 9:9

Kadi wewe Maweja-Nangila, Mvidi Mukulu wetu, bu muudi utunanga, udi utufuila luse, nansha tuetu bakutombokele.

Dibadika 13:30

Batentekedi bakuabu kudiwula Moshe. Kadi Kalebe kubapuwisha, wamba ne: — Tuyayi mu ditunga adi! Netutshimune bantu bonsu abu. Netubanyenge ditunga.

Dibadika 17:6

Butshia dinda, bena Izrayele bonsu kujana Moshe ne Arone, bamba ne: — Nudi bafuishe bantu ba Maweja-Nangila.

Dibadika 20:2

Muaba awu kamuvua mayi a kunua to. Bena Izrayele kutombokela Moshe ne Arone.

Dibadika 24:8

Mvidi Mukulu ke udi mupatule bena Izrayele mu Ejipitu, mubapatule ne bukole bua bungi bu bua nyama wa mbowa. Nebabutule baluishi babu. Nebazaze mifuba yabu, babase mikete mipite bungi.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Dielulula 1:21

Tangilayi: Maweja-Nangila Mvidi Mukulu wenu mmunupe ditunga dinudi bamone edi. Nanku koleshayi muoyi, kanutshinyi. Yayi, nukuate ditunga edi, bu muvua Maweja-Nangila, Mvidi Mukulu wa bankambua benu, mumane kuamba.”

Dielulula 1:26

Kadi nuenu nuvua babenga diyi dia Maweja-Nangila Mvidi Mukulu wenu bua kuya mu ditunga adi.

Dielulula 1:29

Ke meme kunuambila ne: “Koleshayi muoyi, kanubatshinyi, kanupampakanyi.

Dielulula 31:6

Koleshayi muoyi, kankamanayi, kanutshinyi bena ditunga adi to. Bualu Maweja-Nangila Mvidi Mukulu wenu udi munkatshi muenu. Kakunulekela to.

Dielulula 31:8

Maweja-Nangila neende kumpala kuebe, neikale nebe, kayi ukulekela. Nanku kutshinyi, kuzakadi to, kutekeshi mu maboku.

Dielulula 32:42

Mikete yanyi neitampakane mashi, muele wanyi neukose munyinyi. Baluishi banyi bonsu nebabutuke, nembakuate; nebatapike mputa.’ ”

Dielulula 7:18

Kanubitshinyi! Nuvuluke muvua Maweja-Nangila Mvidi Mukulu wenu muenze ne mukalenga wa bena Ejipitu, ne bantu bende bonsu.

Dielulula 7:21

Kanutshinyi bisamba ebi to. Maweja-Nangila Mvidi Mukulu wenu udi nenu. Kakuena muntu udi mua kuambangana nende to.

Dielulula 9:7

Nuvuluke ne: mu tshipela nuvua bafikishe Maweja-Nangila Mvidi Mukulu wenu munda. Kanupu bualu ebu muoyi diba nansha dimue! Katshia numuka mu Ejipitu too ne munudi bafike muaba ewu, nutshidi amu numutombokela.

Filipe 1:27

Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Yoshua 14:12

Mpindiewu umpeshe panyi buloba bua mikuna buvua Maweja-Nangila mundaye ku kale. Mvua mukuambile diba adi ne: ndelanganyi ya Anake idi luseke alu. Mmiase bimenga binene, bivuabu bakolesha ne bimana. Kadi bu Maweja-Nangila mungambuluishe, nembipate muvua Maweja-Nangila nkayende mumane kuamba.

Balombodi 1:22

Ndelanganyi ya Efrayime ne ya Menashe, bana ba Yozefe, kuya kuluisha bena tshimenga tshia Betele, Maweja-Nangila kubambuluisha.