Dibadika 14:5 - MUKANDA WA MYIDI MUKULU

⁵ Moshe ne Arone kudiela panshi kumpala kua bena Izrayele bonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hashishe Mose ne Alona bakadikuma hanshi ku mpala kua tshisumbu tshionso tshia Bena Isalele.

Dibadika 14:5 ပူးပေါင်းရင်းမြစ်များ

Genese 17:3

Abrame kudiela mutu panshi. Mvidi Mukulu kumuambila ne:

1 Bakalenga 18:39

Bena Izrayele bamone nanku, kutuabu mpala panshi bonsu. Pashishe, kutuadijabu kuela mbila ne: “Anu Maweja-Nangila ke Mvidi Mukulu mulelela. Anu Maweja-Nangila ke Mvidi Mukulu mulelela!”

1 Kulondolola 21:16

Davide uvua umona mutumibue, uvua ubutula bantu, muimane pankatshi pa diulu ne buloba, mutume muele wende luseke lua Yerushalayime. Davide ne bakulu ba ditunga bavua bavuale bilamba bia madilu, batue mpala panshi.

Yezekiyele 9:8

Diba divuabu benda bashipa bantu, meme kushala nkayanyi mutue mpala panshi, ngamba ne: — Eyi! Maweja-Nangila Mvidi Mukulu, paudi mufikile bena Yerushalayime munda, ubashipa nanku, udi musue kubutula bena Izrayele bonsu batshidi bashale ne muoyi anyi?

Danyele 10:9

Meme kumvua muntu awu wakula. Amu ngumvua diyi diende adi, meme kufua tshipuka, kudishinda mutue mpala panshi.

Lewitiki 9:24

Diakamue kapia kufuma kudi Maweja-Nangila, kutema, kuosha milambu ya kuosha yonsu, ne mafuta a ku milambu mikuabu bivua pa tshilambuilu. Bantu bonsu bamone nanku, kuelabu tunkunduluila. Pashishe kudielabu mpala panshi.

Dibadika 14:6

Kadi batentekedi babidi, Yoshuwa, muana wa Nune, ne Kalebe, muana wa Yefune, kubungama, kudipanda bilamba.

Dibadika 16:22

Moshe ne Arone kudiela mpala panshi, bamba ne: — Kia! Mvidi Mukulu, wewe ke udi mufuke bintu bionsu, mubipeshe muoyi. Kuena mua kufikila bantu bonsu munda bua tshilema tshia muntu umue.

Dibadika 16:4

Moshe umvua nanku, kudielaye mpala panshi.

Dibadika 17:10

— Umukayi muaba udi bantu aba bimane. Ndi musue kubabutula bonsu amu mpindiewu. Moshe ne Arone kudiela mpala panshi.

Dibadika 20:6

Moshe ne Arone kumuka muaba awu, kuya kudiela mpala panshi mu mushiku wa ntenta wa kusambakena. Butumbi bua Maweja-Nangila kubamuenekela.

Matayi 26:39

Yezu kupengama katantshi, kudiela mpala panshi, utendelela, wamba ne: — Tatu wanyi, pikalabi mua kuenzeka, ungumushile dikopu edi dia dikenga. Kadi bienzeke muudi musue wewe, kabienzeki mundi musue meme.

Yoshua 5:14

Muntu awu kuandamuna ne: — Ntshidi mfika amu mpindiewu. Tshiena wa ku luseke luenu, nansha wa ku lua baluishi benu to. Ndi mfumu wa tshikulu tshia Maweja-Nangila. Nanku Yoshuwa kudiela mpala panshi, umuambila ne: — Meme ndi muena mudimu webe. Tshiudi untumina diyi bua meme kuenza ntshinyi?

Yoshua 7:10

Maweja-Nangila kuandamuna Yoshuwa ne: — Banduluka! Muudi mudiele mpala panshi mmunyi?

Didimanyisha 4:10

bakulu makumi abidi ne banayi badi badiela panshi kumpala kua udi musombe mu nkuasa wa butumbi, bakukuila udi ne muoyi kashidi. Badi bela bifulu biabu bia mpawungi kumpala kua nkuasa, bamba ne:

Didimanyisha 5:14

Bia muoyi binayi bivua bitshija ne: “Amene!” Ke bakulu kudiela panshi kukukuila.

Didimanyisha 7:11

Batumibue bonsu bavua banyungulukile nkuasa wa butumbi, bakulu, ne Bia muoyi binayi. Bavua badiela mpala panshi kumpala kua nkuasa wa butumbi, bakukuila Mvidi Mukulu,