Dibadika 14:34 - MUKANDA WA MYIDI MUKULU

³⁴ Nuvua batentekele ditunga adi matuku makumi anayi. Nenku, bua bubi buenu, ndi nnunyoke bidimu makumi anayi. Mmumue ne: dituku dimue nedienze tshidimu tshijima tshia tshibawu. Nenujadike ne: ki mbimpe kuntombokela meme Maweja-Nangila to.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Bungi bua matuku anuakutentekela buloba, matuku makumi anai mene, nebuikale bungi bua bidimu binudi nutuala bujitu bua bubi buenu, nenumanye ne mbualu bukole hangumuka kunudi.

Dibadika 14:34 ပူးပေါင်းရင်းမြစ်များ

1 Bakalenga 8:56

— Ndi ngela Maweja-Nangila tuasakidila. Yeye ke udi mufile ditalala kudi bantu bende bena Izrayele, bu muvuaye mubalaye. Maweja-Nangila ke udi muenze bionsu ebi bua kujikija bivuaye mulaye mukana mua muntu wende Moshe.

2 Kulondolola 36:21

Nanku, miaku ya Maweja-Nangila kukumbana, ivua muambi Yirmeya muambe ne: “Ditunga nedishale munda mutupu bidimu makumi muanda mutekete, too ne pajika matuku a Dikisha, avua bena Izrayele babenge kuikisha.”

Misambu 105:42

Bualu uvua muvuluke dilaya divuaye mubalaye, divuaye mulaye muntu wende Abrahame.

Misambu 38:4

Mubidi mmuntukakane onsu mujima, bualu udi munnyoke ne tshiji. Mifuba yanyi mmikoyoboke, bualu mvua muenze bibi.

Misambu 77:8

Maweja-Nangila neatubenge kashidi anyi? Kena kabidi netu bualu anyi?

Misambu 95:10

Bantu ba mu tshikondu atshi kuntonda, bidimu makumi anayi, meme kuela meji ne: Bantu aba mbatomboke, kabena bamanye tshimvua ntekemena kudibu.

Yezekiyele 14:10

Muambi wa nanku, ne muntu udi uya kumukonka malu, bonsu babidi mbena tshibawu tshia momumue. Nembanyoke.

Yezekiyele 23:35

Ndi ngamba ne: bu muudi mumpue muoyi, mumbenge, nenkunyoke bua tshiendenda ne bua buenzavi buebe.”

Yezekiyele 4:5

Ndi nteka bujitu ebu pambidi pebe matuku bungi bumue ne bidimu bivua bena Izrayele benza bibi. Nanku neushale mu dikenga matuku 390.

Yezekiyele 4:6

Ku ndekelu kua tshikondu atshi, ukudimuke ku lubadi lua dia balume. Bubi buonsu bua bukalenga bua bena Yuda, ubutuale pambidi pebe matuku makumi anayi. Ndi nteka bujitu ebu pambidi pebe, matuku bungi bumue ne bidimu bivua bena mu bukalenga bua Yuda benze bibi.

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Osheya 9:12

Nansha bobu bakolesha bana, nembumushe panu, kabayi banji kufika ku bantu. Pangikala mumane kubenga bena Efrayime, nebashale bena diakabi!

Lewitiki 20:19

“Kuena mua kubuelela mamuebe mukuabu nansha tatuebe mukaji mu nzubu to. Muntu udi ulala ne mulela wende, bonsu babidi mbena tshibawu.

Zekâya 11:10

Meme kuangata dikombu dimvua muinyike dina ne: bulunda, kuditshibula, bua kuupula ndondu uvua Maweja-Nangila mutue ne bisamba bionsu.

Dibadika 13:25

Matuku makumi anayi mamane kupita, batentekedi kujikija mudimu wabu. Kupinganabu

Dibadika 18:23

Bena Levi nkayabu ke badi mua kuenza mudimu mu ntenta wa kusambakena. Bilema bionsu bidibu benzamu, nebibakuate amu bobu. Nulame mukenji ewu kashidi. Bena Levi kabena ne tshiabu tshitupa tshia buloba, bu mudi bisamba bikuabu bia bena Izrayele natshi to.

Dibadika 32:13

Nanku Maweja-Nangila mmufikile bena Izrayele bonsu munda, mubaladike mu tshipela bidimu makumi anayi, bua bantu bonsu bavua bamutombokela abu babutuke.

Bienzedi 13:18

Uvua mubalame bidimu bu makumi anayi mu tshipela.

Dielulula 2:7

— Bualu Maweja-Nangila Mvidi Mukulu wenu mmunuendeshe diakalenga mu bionsu binuvua nuenza. Uvua nenu, munulame bimpe mu luendu mu tshipela tshinene atshi, bidimu makumi anayi, kanuyi nukengela tshintu.

Ebrewu 4:1

Mvidi Mukulu uvua mutulaye ne: nenubuele muaba undi munulongoluele bua nuenu kuikisha. Nanku tudimukayi, bua muntu wa kunudi kapangi kupeta muaba wa dikisha awu.

Yoshua 14:10

Mpindiewu kukadi bidimu makumi anayi ne bitanu, bidi Maweja-Nangila mumane kuambila Moshe mukenji ewu, tshikondu tshivua bena Izrayele bapitshila mu tshipela. Biangatshile mu tshikondu atshi, Maweja-Nangila utshidi mundame ne muoyi, amu muvuaye mulaye. Mona, nkadi ne bidimu makumi muanda mukulu ne bitanu.

Didimanyisha 11:3

Meme nentume bajadiki banyi babidi, bavuale bilamba bikayapale. Matuku tshinunu nkama ibidi ne makumi asambombu aa, nebamanyishe bantu bidi Mvidi Mukulu mubambile.

1 Samuele 2:30

Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.