Dibadika 14:2 - MUKANDA WA MYIDI MUKULU

² badiwula Moshe ne Arone, bamba ne: — Bivua bimpe tuetu kufuila mu Ejipitu, nansha mu tshipela emu!

Mukanda wa Nzambi Dihungila Dikulukulu ne Dihungila Dihia-dihia 2003

² Bena Isalele bonso bakatontolola Mose ne Alona, bakabambila ne, Biakadi bimpe tuafuila mu Ejipitu, anyi tuafuila mu tshihela etshi.

Dibadika 14:2 ပူးပေါင်းရင်းမြစ်များ

1 Bakalenga 19:4

Pashishe, kuendaye mu tshipela dituku dijima. Kuyaye kusomba muinshi mua mutshi wa ngenete, ujinga mua kufua, wamba ne: — Maweja-Nangila, mpindiewu biantondi! Unshipe, bualu meme tshiena mupite bankambua banyi to.

Yobe 3:11

Tshiena mudianze kufuila munda mua mamu wanyi bua tshinyi? Bu meme mudianze kufua ku tshilelelu bivua bimpe.

Misambu 106:24

Pashishe kupetulabu ditunga divuabu bajinga, kubengabu kuitaba dilaya dia Mvidi Mukulu.

Misambu 106:25

Kununganabu mu ntenta yabu, kubengabu kuteleja tshivua Mvidi Mukulu wamba.

Misambu 106:45

Kuvulukaye ndondu wende bu mudiye ne luse, kukudimunaye meji ende.

Ekesode 14:11

Kukonkabu Moshe ne: — Uvua mutupatule mu Ejipitu bua tuetu kuluila mu tshipela bua tshinyi? Mu Ejipitu kamuvua nkita anyi? Tshiuvua mutupatuile mu Ejipitu ntshinyi?

Ekesode 15:24

Bena Izrayele kunungana, bakonka Moshe ne: “Netunue tshinyi?”

Ekesode 17:3

Kadi bu muvua bantu bonsu bapungila ne nyota, bavua anu banungana, bamba ne: — Udi mutupatule mu Ejipitu bua tuetu kufua nyota ne bana betu ne bimuna bietu bua tshinyi?

Yona 4:3

Maweja-Nangila, mpindiewu ndi nkusengelela ne: ungumushe panu. Bualu mbimpe meme kufua pamutu pa kushala ne muoyi.

Yona 4:8

Diba dimane kubanda, Mvidi Mukulu kutuma lupepele lua luya, lufumine ku luseke ludi diba dipatukila. Kupulalu mutshi awu. Munya mukole kuosha Yona mu mutu. Kusuaye kufua tshipuka. Nanku Yona kujinga lufu, wamba ne: “Mbimpe meme kufua pa mutu pa kushala ne muoyi.”

Dibadika 11:1

Dituku dikuabu bena Izrayele bavua bajana Maweja-Nangila bikole. Maweja-Nangila umvua nanku, kufikaye munda. Kapia ka Maweja-Nangila kutema munkatshi muabu, kuosha tshitupa tshia mitanda.

Dibadika 11:15

Paudi musue kunkengesha nanku, mbimpe unshipe. Ke muudi mua kumfuila luse, tshiyi mmona kabidi dikenga dindi nadi edi to!

Dibadika 11:5

Mu Ejipitu tuvua tusanka! Tuvua ne biakudia bipite bungi: mishipa katuyi tusumba, bisekiseki bivule, mawoji, bimuma bia melone, matungulu a mishindu mishilangane ne ndungu.

Dibadika 14:1

Bena Izrayele bonsu kutshisha butuku ne mbila ya miadi,

Dibadika 14:22

muntu nansha umue wa ku ndelanganyi eyi kakubuela mu Kenaane to. Bualu bantu aba mbamane kumona butumbi buanyi, ne malu a dikema andi mubenzele mu Ejipitu ne mu tshipela. Kadi nansha bobu bamone nanku, kabavua bangitaba to. Bavua bantete misangu ne misangu!

Dibadika 16:13

Udi mumane kutupatula mu Ejipitu muvua biakudia bia bungi, mabele ne buitshi, bua kutufuishila mu tshipela emu! Mpindiewu ukadi uditeka kabidi mfumuetu!

Dibadika 17:6

Butshia dinda, bena Izrayele bonsu kujana Moshe ne Arone, bamba ne: — Nudi bafuishe bantu ba Maweja-Nangila.

Dibadika 20:2

Muaba awu kamuvua mayi a kunua to. Bena Izrayele kutombokela Moshe ne Arone.

Dibadika 20:3

Kutandishabu Moshe, bamba ne: — Bivua bimpe bua Maweja-Nangila kutubutula musangu umue ne bana betu.

Dibadika 20:4

Kadi tuetu, tshisamba tshia Maweja-Nangila, nuatufikishi mu tshipela emu bua tshinyi? Amu bua tuetu kufuilamu ne bimuna bietu anyi?

Dibadika 21:5

Kujanabu Mvidi Mukulu ne Moshe, bamba ne: — Nuvua batumushe mu Ejipitu bua tshinyi? Bua tuetu kufuila nzala mu tshipela! Apa katuena ne mampa, katuena ne mayi a kunua! Tudi tudia anu mana bua dikenga. Kadi akadi matutonde.

1 Korente 10:10

Kanuena ne bua kujana Mvidi Mukulu, muvua bamue ba kudibu benze. Mutumibue, uvuabu batume ne lufu, kubashipa.

Dielulula 1:27

Nuvua basombe mu ntenta yenu, numutombokela, nuamba ne: “Maweja-Nangila mmutupatule mu Ejipitu bua lukinu. Mmusue kutufila kudi bena Amore bua batushipe!

Dielulula 9:23

Kabidi ku Kadeshe-Barneya pavua Maweja-Nangila munutume bua kukuata ditunga divuaye munulaye, kanuvua batekemene kudiye to. Kanuvua bangate bionsu bivuaye munuambile ne mushinga.

Ebrewu 3:16

Bavua bumvue diyi dia Mvidi Mukulu, bamutombokele mbanganyi? Ke bantu bonsu bavua Moshe mupatule mu Ejipitu.

Yuda 1:16

Bantu aba kabena baleja disanka dituku nansha dimue, badi batontolodi ba kashidi. Badi benza malu amu mudi nkuka yabu. Badi bakula ne dipetu, balabidila bantu bua kupeta bintu.