Dibadika 14:14 - MUKANDA WA MYIDI MUKULU

¹⁴ Bena Ejipitu mbamane kulondela bena Kenaane malu aa. Nanku bena Kenaane mbamane kumvua muudi wewe Maweja-Nangila wenda ne tshisamba tshiebe tshia bena Izrayele, umonangana nabu mpala ne mpala. Badi bamanye muudi ubalama, bualu mu munya udi wenda kumpala kuabu mu divuba, butuku mu tshimunyi tshia kapia.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ bobo nebamanyishe bena buloba ebu Bobo bakunvua lumu ne, Wewe Yehowa udi munkatshi mua bantu aba, bualu bua wewe Yehowa udi umuenyibua mpala ha mpala, ne ditutu diebe didi dimana ku mutu kuabo, ne wewe utu waya ku mpala kuabo ne difutu didi ne diledi mu munya, ne difutu didi dikenka ne kahia butuku.

Dibadika 14:14 ပူးပေါင်းရင်းမြစ်များ

Genese 32:30

Yakobe kumuebeja ne: — Kadi wewe mene, dina diebe nnganyi? Kampande awu kumuandamuna ne: — Udi musue kumanya dina dianyi bua tshinyi? Pashishe kuelaye Yakobe lupemba.

Nehemya 9:12

Uvua mulombole bantu bebe, mu munya ne divuba dia muinshi, butuku ne dikunji dia kapia, divua ditokesha njila yabu.

Nehemya 9:19

Kadi nansha diba adi, bu mudi dinanga diebe kadiyi ndekelu, kuena mubalekele nkayabu mu tshipela. Kuvua mumushe divuba dia muinshi, divua dibaleja njila mu munya; nansha dikunji dia kapia, divua dibaleja njila butuku.

Misambu 105:39

Bua kubalama, Maweja-Nangila, kubabadila divuba dia muinshi, ne kapia bua kubatokeshila butuku.

Misambu 78:14

Mu munya uvua ubalombola mu divuba kumpala kuabu, butuku uvua ubakenkeshila tshimunyi tshia kapia.

Ekesode 15:14

Bantu kumvua lumu alu, kuzakala! Bena Peleshete kukuatshika bowa.

Ekesode 33:11

Maweja-Nangila uvua wakula ne Moshe bitangilangane bu muntu wakula ne mulunda wende. Kadi pavua Moshe upingana muaba uvua bantu bonsu basombe, Yoshuwa muana wa Nune, uvua umuambuluisha, uvua mushale anu mu ntenta.

Ekesode 33:16

Kabidi mmunyi mudi bantu mua kumanya ne: meme ne bena Izrayele tudi bapete diakalenga kuudi, paudi kuyi munkatshi muetu? Bua tuetu kushilangana ne bisamba bikuabu, anu wewe muikale munkatshi muetu.

Ekesode 40:38

Nanku, mu munya, Maweja-Nangila uvua umuenekela bena Izrayele mu divuba divua dibuikila muaba wa tshijila. Butuku, uvua ubamuenekela mu kapia kavua kakenka muaba awu. Ke muvua luendu lujima lua bena Izrayele nanku.

Dibadika 10:34

Divuba dia Maweja-Nangila divua dienda kulu kua bena Izrayele mu munya, pavuabu babanga luendu.

Dibadika 12:8

Ndi ngakula nende mudi bantu bayukidilangana, mmuambile malu onsu patoke, ndileja kudiye. Yeye udi umona tshimfuanyi tshianyi. Kadi nuvua nukimina kujana muntu wanyi Moshe bua tshinyi?

Yowanane 1:18

Muntu nansha umue kena muanji kumona Mvidi Mukulu. Amu Muana mulela umue, Mvidi Mukulu udi musombe pamue ne Tatu, ke udi mutumanyishe Tatu.

Yowanane 14:9

Yezu kumuandamuna ne: — Filipe, kudi matuku mulongulongu andi mushale nenu, kuena muanji kummanya anyi? Muntu mumane kummona, mmumane kumona Tatu. Muudi wamba ne: “Utuleje Tatu” mbishi?

1 Korente 13:12

Mpindiewu bitudi tumona bidi bifuanangane ne tshimfuanyi tshibuitshidile tshidi tshimueneka mu lumuenu. Kadi diba adi netumonangane ne Mvidi Mukulu mpala ne mpala. Lelu ndi mumanye amu nankunanku. Kadi diba adi nemmanye Mvidi Mukulu muonsu mudiye, mudiye mummanye kabidi muonsu mundi.

Dielulula 1:19

Tuetu kumuka ku mukuna wa Sinayi, bu muvua Maweja-Nangila Mvidi Mukulu netu muambe. Tuetu kupitshila mu tshipela tshipite bunene, tshikuatshishe bowa, tshinudi bamanye, tshidi mu njila wa ku mikuna ya bena Amore. Tuetu bamane kufika mu Kadeshe-Barneya,

Dielulula 34:10

Mu bena Izrayele, katshia kamuvua muambi mukuabu bu Moshe to. Bualu Maweja-Nangila uvua wakula nende mpala ne mpala batangilangane.

Dielulula 5:24

bamba ne: “Maweja-Nangila Mvidi Mukulu wetu, mmumane kutuleja butumbi ne bukole buende. Lelu tuakumumvua wakula munkatshi mua kapia. Nanku tuetu tudi bajadike ne: Mvidi Mukulu udi mua kuakula ne bantu, kabayi bafua to.

Dielulula 5:4

Nanku Maweja-Nangila uvua wakula, mutangilangane nenu, ku mukuna, munkatshi mua kapia.

Yoshua 5:1

Bakalenga bonsu ba bena Amore, bavua base luseke ludi diba dibuelela lua Yardene, ne bakalenga ba bena Kenaane bavua base ku muelelu wa Mayi manene a pankatshi pa matunga, kumvuabu lumu ne: Maweja-Nangila mmumishe mayi a musulu wa Yardene, bua bena Izrayele basabuke. Nanku bobu kupampakana bikole, kutshinabu bena Izrayele, kabayi kabidi ne dikima dia kubaluisha to.

1 Yone 3:2

Balunda banyi, mpindiewu tukadi bana ba Mvidi Mukulu. Kadi mutuikala pashishe ki mmuanji kumanyika patoke. Kadi tshitudi bamanye ngetshi: padi Kristu umueneka, netuikale bafuanangane nende, bualu netumumone muonsu mudiye.