Dibadika 14:11 - MUKANDA WA MYIDI MUKULU

¹¹ Maweja-Nangila kuambila Moshe ne: — Ndi muenzele bantu aba bishima bia bungi bua kubaleja bukole buanyi. Kadi nebambenge too ne ku diba kaayi? Nebabenge kashidi bua kungitaba anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yehowa wakambila Mose ne, Bantu aba nebampetule musangu bule munyi? Nebikale nʼanyi ne mpata musangu bule munyi bua malu a kukema onso anakenza munkatshi muabo?

Dibadika 14:11 ပူးပေါင်းရင်းမြစ်များ

Misambu 106:24

Pashishe kupetulabu ditunga divuabu bajinga, kubengabu kuitaba dilaya dia Mvidi Mukulu.

Misambu 78:22

Bualu bantu bende kabavua bamuitabe, kabavua bangata diambuluisha diende ne mushinga.

Misambu 78:32

Nansha mubashipe nanku, bena Izrayele kuenzabu kabidi malu mabi, kabena bitabe malu avua Mvidi Mukulu muenze a kukema nansha.

Misambu 95:8

“Kanubengi mua kumvua, bu muakenza bankambua benu ku Meriba, diba dia bualu buvua buenzeka ku Masa mu tshipela.

Ekesode 10:3

Moshe ne Arone kuya kudi mukalenga wa bena Ejipitu, kumuambila ne: — Maweja-Nangila Mvidi Mukulu wa bena Ebrewu, udi wamba ne: “Mbimpe udipuekeshe kumpala kuanyi. Ulekele bantu banyi bena Izrayele baye kuntendelela.

Ekesode 16:28

Maweja-Nangila kukonka Moshe ne: — Bena Izrayele nebabenge kuitaba meyi anyi ne mikenji yanyi too ne ku diba kaayi?

Ekesode 23:21

Kadi, nudimuke! Pafika mutumibue wanyi, nuitabe bionsu bidiye unuambila. Kanumufikishi munda, kanumutombokedi. Bualu kena mua kunufuila luse ku bubi buonsu bunudi nuenza. Bionsu bidiye wenza, udi ubienza mu dina dianyi.

Ekesode 32:9

Meme Maweja-Nangila mbajadiki ne: bena Izrayele bonsu mbantu ba tshitunu.

Nsumuinu 1:22

“Nuenu batshimbakane, nenushale amu batatakane too ne ku diba kaayi? Nuenu basekianganyi, nenunseke too ne ku diba kaayi? Nuenu bantu bapote, nenubenge kulonga malu too ne ku diba kaayi?

Yirmeya 13:10

Bualu ntshisamba tshibi tshidi tshibenga kuteleja malu andi ngamba. Badi anu ne tshitunu, benza malu a bupote. Badi balamate mvidie mikuabu, bayitendelela, bayinyikila mitu panshi. Nanku bantu aba bikale bu mukaba ewu, udibu kabayi mua kukuata nawu kabidi mudimu!

Yirmeya 4:14

Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Yezekiyele 20:13

Kadi bena Izrayele bavua bantombokela mu tshipela. Bavua balengulula mikenji yanyi. Bavua bapepeja meyi anyi adi afikisha muntu udi walama ku muoyi. Bavua banyange bikole dituku dia Dikisha. Nanku meme kuela meji tshiakabidi a kubajikijila tshiji tshianyi mu tshipela bua kubabutula.

Osheya 8:5

Nuenu bena Samariya, mbimpe numushe mvidie wenu wa kana ka ngombe ka tshiamu tshia mpawungi. Nuenu nudi banjule tshiji. nTshikondu kaayi tshinualekela buenzayi?

Zekâya 8:14

Maweja-Nangila wa bukole buonsu udi wamba ne: “Pamvua mujadike bua kunukengesha, bualu bankambua benu mbamfikishe munda, tshivua mushintulule diyi dianyi.

Dibadika 14:23

Nanku, muntu wa kudibu nansha umue uvua muntombokele kena mua kufika mu ditunga dia Kenaane, dimvua mulaye bankambua babu to.

Dibadika 14:27

— Bantu babi aba nebangele mpata kashidi anyi? Ndi mumvue mudibu banjane.

Dibadika 32:10

Dituku adi, Maweja-Nangila kubafikila munda, wamba ne:

Matayi 17:17

Yezu kuandamuna ne: — Nuenu nudi bantu babi, badi kabayi bitaba Mvidi Mukulu! Nenshale nenu kabidi matuku bungi munyi? Nengikale amu ndengulula malu enu too ne ku diba kaayi? Semenayi ne muana kundi apa.

Marke 9:19

Yezu kubambila ne: — Nuenu bantu kanuena ne ditaba! Ndi ne bua kushala kabidi nenu matuku bungi munyi? Ndi mua kulengulula malu enu too ne ku diba kaayi? Luaku ne muana.

Yowanane 10:38

Kadi pandi nyikuata, nansha kanuyi nungitaba meme, itabilayi nansha bua midimu, bua mimanye amu ne: Tatu udi munda muanyi, meme kabidi ndi munda muende.

Yowanane 12:37

Nansha muvuaye muenze bishima bia bungi bobu batangila, kabavua bamuitaba to.

Yowanane 15:24

Bu meme tshiyi muenzele munkatshi muabu midimu idi katshia muntu nansha umue kayi muanji kuenza, kabatua mua kupila nansha. Kadi mpindiewu mbamone midimu yanyi, kabidi badi batukina, Tatu wanyi ne meme.

Dielulula 1:32

Kadi tshikondu atshi, kanuvua batekemene kudi Maweja-Nangila Mvidi Mukulu wenu to.

Ebrewu 3:16

Bavua bumvue diyi dia Mvidi Mukulu, bamutombokele mbanganyi? Ke bantu bonsu bavua Moshe mupatule mu Ejipitu.

Ebrewu 3:18

Pavua Mvidi Mukulu muditshipe ne: “Bantu aba kashidi kabena babuela mu ditunga, dimvua mubalongoluele bua kuikisha,” bavuaye wamba nanku mbanganyi? Uvua wamba bua bonsu bavua batomboke.

Ebrewu 3:8

kanupapiji mioyi yenu bu tshikondu tshinuvua bamutombokele, dituku dinuvua bamutete mu tshipela.