Dibadika 14:10 - MUKANDA WA MYIDI MUKULU

¹⁰ Bena Izrayele bonsu kukeba mua kubasa mabue, kubashipa. Kadi diakamue butumbi bua Maweja-Nangila kumuenekela bena Izrayele kulu kua ntenta wa kusambakena.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kadi bantu bonso bakamba ne, Tubakume ne mabue Butumbi bua Yehowa buakamueneka mu ntenta wa kusambakena kudi Bena Isalele bonso.

Dibadika 14:10 ပူးပေါင်းရင်းမြစ်များ

Ekesode 16:10

Patshivua Arone wambila bena Izrayele malu awu, bena Izrayele batangila ku tshipela, kumonabu butumbi bua Maweja-Nangila mu divuba.

Ekesode 16:7

Kadi dinda nenumone butumbi buende, bualu mmumane kumvua munudi numujana. Tuetu katuena bakumbane nansha bua nutujane.

Ekesode 17:4

Moshe kuebeja Maweja-Nangila ne: — Bantu aba badi bakeba kungasa mabue bua kunshipa, mbenzele tshinyi?

Ekesode 40:34

Diba adi divuba divua dibuikila ntenta wa kusambakena. Butumbi bua Maweja-Nangila kuwulabu muaba wa tshijila.

Lewitiki 9:23

Nanku Moshe ne Arone kubuela mu ntenta wa kusambakena. Bobu bamane kupatukamu, kuelabu bantu lupemba. Nanku Maweja-Nangila kudileja kudi bena Izrayele ne butumbi buende.

Dibadika 16:19

Kora kubikila bena Izrayele bonsu muaba uvua Moshe ne Arone bimane, pabuipi ne mushiku wa ntenta wa kusambakena. Diba adi, bena Izrayele bonsu kumona butumbi bua Maweja-Nangila.

Dibadika 17:7

Bena Izrayele kudikunguja muaba uvua Moshe ne Arone. Kadi pavuabu batangile ku ntenta wa kusambakena, kumonabu muvua divuba dileja butumbi bua Maweja-Nangila dibuikila ntenta.

Dibadika 20:6

Moshe ne Arone kumuka muaba awu, kuya kudiela mpala panshi mu mushiku wa ntenta wa kusambakena. Butumbi bua Maweja-Nangila kubamuenekela.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Bienzedi 7:52

Kudi muambi uvua bankambua benu kabayi bakengeshe anyi? Bavua bashipe bantu bavua babamanyishe ne: Muena buakane neafike. Ke Yeye unudi bapangile, bashipe kabidi mpindiewu!

Bienzedi 7:59

Pavuabu bamuasa mabue apu, Stefane uvua utendelela Mvidi Mukulu, wamba ne: — Mfumu Yezu, angata muoyi wanyi!

1 Samuele 30:6

Davide uvua ne kanyinganyinga kakole. Bualu bantu bavuaye nabu bavua basue kumuasa mabue bua kumushipa. Muntu yonsu uvua unyingalala, wela meji kudi bana bende ba balume ne ba bakaji. Kadi ku diambuluisha dia Maweja-Nangila Mvidi Mukulu wende, Davide kupeta bukole.