Dibadika 13:32 - MUKANDA WA MYIDI MUKULU

³² Nanku batentekedi abu kubipisha ditunga dia Kenaane, bamba ne: — Mu Kenaane bantu benyi kabena mua kusombamu to. Nebafue amu kufua. Kabidi bantu bonsu badimu mbantu bale!

Mukanda wa Nzambi Dihungila Dikulukulu ne Dihungila Dihia-dihia 2003

³² Bakalua kudi Bena Isalele ne lumu lubi lua buloba buakatentekelabo, bakamba ne, Buloba abu butuakutentekela buta buadia bantu badi bikalamu, bantu bonso batuakamonamu badi bantu ba mibidi minene.

Dibadika 13:32 ပူးပေါင်းရင်းမြစ်များ

2 Samuele 21:20

Kuluanganabu kabidi ku Ngate. Muluishi mukuabu uvua muaba awu, muikale ne minu isambombu ku tshianza tshionsu, kabidi ne bana ba nkasa basambombu ku dikasa dionsu. Bionsu bivua bienza makumi abidi ne binayi. Muntu uvua kabidi wa ku ndelanganyi ya Arafa. Uvua munange mvita bikole.

1 Kulondolola 20:6

Kuluanganabu kabidi ku Ngate. Muluishi mukuabu uvua muaba awu, muntu wa kafiondu, muikale ne minu isambombu ku tshianza tshionsu ne bana ba nkasa basambombu ku dikasa dionsu. Bionsu bivua makumi abidi ne binayi. Muntu awu uvua pende wa ku ndelanganyi ya Arafa.

Misambu 106:24

Pashishe kupetulabu ditunga divuabu bajinga, kubengabu kuitaba dilaya dia Mvidi Mukulu.

Yezekiyele 36:12

Nuenu bantu banyi, nennusombeshe miaba yonsu mu ditunga dienu. Ditunga dijima nedikale dienu, kabakununyenga kabidi bana benu to.

Amosa 2:10

Nkavua mudianjile kunupatula mu Ejipitu, meme kuenda nenu mu tshipela bidimu makumi anayi, meme kunuludika bimpe, kunufikisha mu ditunga dia bena Amore bua nudikuate.

Amosa 2:9

Kadi meme mvua munubutuile bena Amore. Bavua bantu bale, bu mitshi ya sedre, bakole bu mitshi ya nsanga. Ke meme kukosa nsongu yayi, kuyijula ne miji yayi.

Dibadika 13:28

Kadi bantu badimu mbilobu bia mvita. Bimenga biabu bidi bialabale. Bavua babikoleshe ne bimana bile. Tuasanganyimu bantu ba ku ndelanganyi ya Anake, muntu wa mpolondu.

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Dielulula 1:28

Mu ditunga dia Kenaane, tuyaya kuenza tshinyi? Katuena ne dikima dia kuyamu to, bualu bana betu bavua bajadikila ne: bena ditunga adi mbatupite bukole ne bule. Bimenga biabu bidi binene. Bimana bia bimenga mbitumbuke mulu. Kabidi bavua basanganamu ndelanganyi ya Anake, muntu wa mpolondu!”