Dibadika 13:21 - MUKANDA WA MYIDI MUKULU

²¹ Nanku, batentekedi abu kumuka mu tshipela tshia Tsine, kuya kutentekela ditunga dia Kenaane, too ne ku Rekobe, pabuipi ne Lebo-Amate.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bakaya nunku, bakatentekela buloba ku tshihela tshia Sina tô ne ku Lehoba udi mu nshila wa ku Hamata.

Dibadika 13:21 ပူးပေါင်းရင်းမြစ်များ

2 Samuele 8:9

Towu, mukalenga wa Amate kumvua ne: Davide mmutshimune bena mvita bonsu ba Adadezere.

Yirmeya 49:23

Bua bena Damase Maweja-Nangila udi wamba ne: Bena mu tshimenga tshia Amate ne tshia Arpade, nebakuatshike bowa bunene pumvuabu lumu lubi. Nebazakale kabayi bapeta dikisha.

Yirmeya 52:9

Bena Babilone kumukuata, kumuela mu lukanu, kuya nende ku Ribla, kuvua mukalenga wa Babilone musombe mu ditunga dia Amate. Ke kuvua Nebukadnesare mukosela tshilumbu tshia Sedekiya.

Yezekiyele 47:16

Pashishe mukalu udi upitshila ku bimenga bia Bereta ne Sibrayime, bidi pankatshi pa bukalenga bua Damase ne bua Amate, ne ku tshimenga tshia Ashere-Tikone pabuipi ne mukalu wa buloba bua Awurane.

Amosa 6:2

Nuanji kuya ku Kalne, numone bivua bienzekaku. Pashishe nupitshile ku tshimenga tshinene tshia Amate. Nutungunuke too ne ku Ngate, tshimenga tshia bena Peleshete. Nenujadike ne: kanuena nupita makalenga aa nansha, nansha buloba buawu buikale bushadile ku buenu.

Dibadika 20:1

Mu ngondu wa kumpala, bena Izrayele bonsu kufika mu tshipela tshia Tsine, kusomba mu Kadeshe. Miriyame kufuila muaba awu. Kumujikabu muine amu.

Dibadika 27:14

Bualu nuenu nuvua babenge diyi dianyi mu tshipela tshia Tsine, pavua bena Izrayele bantombokela. Mvua mukutume bua kupatula mayi mu lubuebue, pavuabu baalomba, bua bonsu bamone mundi wa tshijila. Kadi nuenu kubenga. Mayi aa ke mayi a Meriba, mmumue ne mayi a matandu, a mu Kadeshe, mu tshipela tshia Tsine.

Dibadika 33:36

Bumuka mu Eshiyone-Ngebere, kuyabu ku Kadeshe mu tshipela tshia Tsine.

Dibadika 34:8

Mukalu awu udi umuka ku mukuna wa Ore, upitshila ku Lebo-Amate ne ku Sedade.

Dielulula 1:24

Bantu abu kupitshila luseke lua ku mikuna, kufika mu tshibandabanda tshia Eshekole, kutshitentekela.

Dielulula 32:51

Wewe ne Arone, nuvua bangenzele bibi bitambe, bena Izrayele bonsu bamone, mu Kadeshe mu tshipela tshia Tsine, bua tshilumbu tshia mayi a ku Meriba. Nuvua ne mpata, kanuvua banyishe bua meme kuleja ne: ndi wa tshijila.

Yoshua 13:5

Nenukuate kabidi ditunga dia Ngebale, dia Lebanone didi luseke ludi diba dipatukila dia Baale-Ngade, kuinshi kua mukuna wa Ermone, too ne ku Lebo-Amate.

Yoshua 15:1

Buloba buvuabu batshinka bua kupesha bena Yuda, bilondeshile meku abu, buvua butuadija kuinshi mu ditunga, luseke ludi diba dipatukila, ku mukalu ne bena Edome. Tshipela tshia Tsine tshivua tshitupa tshia kuinshi menemene tshia buloba abu.

Balombodi 18:28

Tshimenga tshia Layishe tshivua mu tshibandabanda tshia Bete-Rekobe, mutantshi mule ne Sidone. Bena Layishe kabavua ku bumfumu bua muntu mukuabu to. Ke pavua muntu nansha umue kayi ufika bua kubambuluisha. Bena Dane kuasulula tshimenga atshi, kusombamu.