Dibadika 13:17 - MUKANDA WA MYIDI MUKULU

¹⁷ Bangabanga ne Moshe kutuma batentekedi aba, kubambilaye ne: — Nubuele mu ditunga dia Kenaane amu ku luseke lua kuinshi kua ditunga. Pashishe nuye too ne ku muaba udi mikuna.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mose wakabatuma bua kutentekela buloba bua Kanâna, wakabambila ne, Yilai ku nshila wa luseke lua Sude, yai bienu mu buloba bua mikuna

Dibadika 13:17 ပူးပေါင်းရင်းမြစ်များ

Genese 12:9

Pashishe kuyaye wenda utula mu bitupa bishilangane too ne kuinshi kua ditunga dia Kenaane.

Genese 13:1

Abrame kumuka mu Ejipitu, kupingana kabidi mu ditunga dia Kenaane mu tshitupa tshia kuinshi. Uvua ne mukajende Sarayi ne Lote muana wa muanabu ne bintu biende bionsu.

Genese 13:17

Juka, endakana mu ditunga, uditangile mu bule ne mu butshiama buadi, bualu nenkupadi.

Genese 13:3

Abrame kumuka mu tshitupa tshia kuinshi mu ditunga dia Kenaane, wenda wikisha too ne ku Betele, too ne ku muaba uvuaye mumane kuikisha matuku makese kale, pankatshi pa Betele ne Ayi,

Genese 14:10

Mu tshibandabanda tshia Sidime, bavua bumbulemu bina bia bungi bia kabudimbu. Nanku bakalenga babidi, wa Sodome ne wa Ngomore, kudishinda mu bina abi pavuabu banyema mvita. Basatu bavua bashale kunyema batangila ku mukuna.

Dibadika 13:18

Nujadike mudi ditunga adi. Nutangile mudi bena ditunga: badi ba bungi anyi mbakese? Badi ne bukole anyi mbafuba?

Dibadika 13:29

Bena Amaleke mbase kuinshi kua ditunga. Bena Iti, bena Yebusa ne bena Amore mbase pa mikuna. Bena Kenaane mbase ku muelelu wa Mayi manene a pankatshi pa matunga, ne wa musulu wa Yardene.

Dibadika 14:40

Butshia dinda, kuyabu ku mukuna, bambilangane ne: — Tudi bamane kuenza bibi! Kadi mpindiewu tudi basue kuya muaba uvua Maweja-Nangila mutuleje.

Dielulula 1:44

Bena Amore, bavua base ku mikuna ya Seyire aku, kutuluka bua kunuluisha. Kunutshimunabu, kunujingilabu bu mbulubulu, kunulonda too ne ku Orma.

Yoshua 10:40

Yoshuwa kukuata ditunga dijima. Kutshimunaye bakalenga bavua ku mikuna, bavua mu tshitupa tshia kuinshi mu ditunga, bavua mu mpata nansha ku muelelu wa Mayi manene a pankatshi pa matunga. Kawa mushiye muntu nansha umue ne muoyi to. Yoshuwa kubutula bantu bonsu, muvua Maweja-Nangila Mvidi Mukulu muambe.

Yoshua 15:3

Uvua upitshila kuinshi kua mukuna wa tuminyiminyi, ne kua tshipela tshia Tsine. Kuinshi kua Kadeshe-Barneya, mukalu awu uvua upitshila ku Esrone, ubandila ku Adare. Pashishe uvua ubenda bua kuya ku luseke lua Karka.

Yoshua 2:1

Diba divua Yoshuwa, muana wa Nune, mu mitanda ya mu Shitime, kutumaye bantu babidi mu musokoku bua baye kutentekela mudi ditunga ne tshimenga bia Yeriko. Batentekedi babidi abu, bamane kufika mu Yeriko, kulalabu kua mukaji muena tshiendenda, dina diende Rakabe.

Balombodi 1:15

Aksa kuandamuna ne: — Unsankishe, umpeshe mpokolu ya mayi, bualu buloba bua kuinshi mu ditunga buudi mumpeshe, kabuena ne mayi to. Kalebe kumupesha mpokolu ya mayi yonsu, ne ivua kuinshi, ne ivua ku mutu.

Balombodi 1:19

Maweja-Nangila nkayende uvua muambuluishe bena Yuda. Ke pavuabu bakuata miaba ya pa mikuna. Kadi kupangilabu mua kuipata bantu bavua base mu mpata, bualu bobu aba bavua ne matempu a mvita a biamu.

Balombodi 1:9

Pashishe kuyabu kuluisha bena Kenaane bonsu, ne bavua mu mikuna, ne bavua mu tshitupa tshia kuinshi tshia ditunga, ne bavua mu mpata.