Dibadika 12:6 - MUKANDA WA MYIDI MUKULU

⁶ Maweja-Nangila kubambila ne: — Nuteleje bimpe tshindi nnuambila. Pikala muntu wa kunudi muambi, meme Maweja-Nangila nendimanyishe kudiye, mmuleje malu mu lungenyi, nansha mu tshilota.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yeye wakamba ne, Unvuai mei anyi, bikala muprofete munkatshi muenu, meme Yehowa nendimanyishe kudiye mu tshikena kumona, meme nensombe nʼandi mu tshilota.

Dibadika 12:6 ပူးပေါင်းရင်းမြစ်များ

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Genese 20:7

Pingaja mukaji ewu kudi bayende. Umanye ne: bayende mmuambi. Neakuakuile bua kufu to. Kadi wewe mubenge kupingaja mukaji, neufue, kabidi bantu bonsu baudi nabu nebafue.

Genese 28:12

Pawaye mulale, kulotaye tshilota. Kumonaye tshibandilu tshitue mulu tshitue panshi. Batumibue ba Mvidi Mukulu bavua babanda bapueka ku tshibandilu atshi.

Genese 28:16

Yakobe utabuluka ku tulu, kukemaye wamba ne: — Bulelela, tshiena mumanye to! Kadi Maweja-Nangila udi muaba ewu!

Genese 37:5

Dituku dikuabu, Yozefe uvua mulote tshilota, kutshiawila bana babu. Bumvue tshilota atshi, kupitabu kumukina.

Genese 37:9

Yozefe kulota tshilota tshikuabu, kutshiawila bana babu, ubambila ne: — Mvua mulote: diba, ngondu ne mitotu dikumi ne umue bilua kunkukuila.

Genese 46:2

Butuku abu Mvidi Mukulu kumumuenekela, umuleja malu. Kumubikilaye ne: — Yakobe, Yakobe! Yeye kuitaba ne: — Ke meme ewu.

2 Samuele 7:4

Kadi butuku abu, Maweja-Nangila kuambila muambi Natane ne:

1 Bakalenga 3:15

Shelomu ubika ku tulu, kumanyaye ne: Mvidi Mukulu mmuyukile nanyi mu tshilota. Kupinganaye ku Yerushalayime, kuimanaye kumpala kua Maweja-Nangila, kumpala kua mushete wa ndondu. Shelomu kulambula Mvidi Mukulu milambu ya kuosha, ne ya bobumue. Pashishe kulambishilaye balombodi ba mu bukalenga buende bonsu biakudia bia disanka.

1 Bakalenga 3:5

Patshivua Shelomu ku Ngibone, Maweja-Nangila Mvidi Mukulu kumumuenekela butuku mu tshilota, umukonka ne: — Udi musue nkupeshe tshinyi? Lomba tshintu tshiudi musue bua meme kukupa!

Yobe 33:15

Udi wakula mu ndota nansha mu malu adiye uleja, patudi tulala tuikisha butuku.

Yobe 4:13

Bivua amu bu tshilota tshidi tshiluila bantu butuku, tshinyanga tulu tukole tuvuabu natu.

Misambu 105:15

“Kanulengi bantu bandi mujidile, kanuenzedi bantu banyi bibi nansha!”

Misambu 89:19

Ngabu wetu, ngua Maweja-Nangila mukalenga wetu, ngua Mvidi Mukulu wa tshijila wa bena Izrayele.

Ekesode 7:1

Maweja-Nangila kuambila Moshe ne: — Wewe newikale bu Mvidi Mukulu ku mesu kua mukalenga wa bena Ejipitu. Muanenu Arone neakuenzele mudimu wa buambi.

Yirmeya 23:25

Meme Maweja-Nangila mvua mumvue bivua bambi bamba. Badi bamba ne: tudi tuakula mu dina dia Maweja-Nangila. Kadi mbia dishima. Badi bamanyisha bantu ne: “Mvua mulote! Mvua mumone malu!”

Yirmeya 23:28

Padi muambi ulota ndota, mbimpe awule anu ndota yende! Kadi padiye ne bualu bundi mumuambile bua kumanyisha bantu, abuambe anu bu mudibu. Ki mbimpe kufuanyikija mpengelane nyimu to. Meme Maweja-Nangila ndi ngamba nanku!

Yezekiyele 1:1

Mu matuku atanu a ngondu muinayi wa tshidimu tshianyi tshia makumi asatu, meme Yezekiyele, muana wa mutuangaji Buzi, mvua musombe munkatshi mua bena tshimuangi ba bena Yuda, batata ku muelelu wa musulu wa Kebare. Meme kumona diulu diunzuluka, Maweja-Nangila undeja malu.

Danyele 10:8

Meme kushala nkayanyi, ntangila bualu abu bua dikema, buvua Mvidi Mukulu undeja. Kadi meme kupanga bukole diba adi. Mpala wanyi kukudimuka, kutokoloka. Meme kujimija bukole buanyi buonsu.

Danyele 2:19

Nenku butuku, Mvidi Mukulu kulotesha Daniyele tshilota, kumujinguluila tshia mukalenga. Ke Daniyele kutumbisha Mvidi Mukulu wa mu diulu,

Danyele 7:1

Tshidimu tshia kumpala tshia bukalenga bua Baltazare mu ditunga dia Babilone, Daniyele kulota. Pawaye mu bulalu, muoyi kumupampakana bikole, bua malu awa Mvidi Mukulu mumuleje. Pashishe Daniyele kufunda tshilota tshiende muvuaye mutshimone nunku:

Danyele 8:2

Ke tshimvua mumone etshi: Mvua mu Shushane, tshimenga tshikulu tshia ditunga dia Elame, ku muelelu wa mukidi udi dina dia Ulayi.

Osheya 12:11

Tshikondu atshi, mvua mumanyishe bambi meji anyi. Mvua mubaleje malu mishindu mishilangane. Kudi bambi ke kundi nnumanyishila, nansha lelu mene, bindi musue kuenza.

Yowele 3:1

Maweja-Nangila udi wamba ne: “Tshikondu netshifike tshindi mpesha muntu yonsu Mueyelu wanyi. Bana benu ba balume ne ba bakaji nebamanyishe bantu malu mu dina dianyi; bakulumpe benu nebalote bilota; bansonga benu nebamone malu adi Mvidi Mukulu uleja.

Zekâya 1:8

Butuku ebu Maweja-Nangila kundeja muntu mubande pa kabalu kakunze. Muntu awu uvua munkatshi mua mitshi ya mirte, ivua muinshi mu tshibandabanda. Tubalu tukuabu tukunze, tua mubidi wa lubundubundu, ne tutoke, tuvua mu nyima muende.

Dibadika 24:4

Meme ndi ngumvua tshidi Mvidi Mukulu wamba. Ndi mmona bidi Mvidi Mukulu wa bukole buonsu uleja. Yeye udi ummuenekela pandi mmukukuila.

Matayi 1:20

Kadi patshivuaye wela meji awu, mutumibue wa Maweja-Nangila kumumuenekela mu tshiota, umuambila ne: — Yozefe, muana wa Davide, kutshinyi kuangata mukajebe Mariya, bualu difu didiye nadi ndia ku bukole bua Mueyelu wa Tshijila.

Matayi 2:19

Erode mumane kufua, mutumibue wa Maweja-Nangila kumuenekela Yozefe mu tshilota mu Ejipitu,

Matayi 23:31

Nanku nudi nuitaba munudi ndelanganyi ya bavua bashipa bambi.

Matayi 23:34

Nanku telejayi: nennutumine bambi, bena meji, ne balongeshi ba bushuwa ba mikenji. Nenushipe bamue. Nenupopele bakuabu ba mitshi mitshiamakane. Nenutute banga mikaba mu nzubu yenu ya kutendelela. Nenubalondakaje ku tshimenga ne ku tshimenga.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Matayi 27:19

Pavua Pilate mu kabadi ulumbuluisha, mukajende kumutumina mukenji ne: “Kubuelakanyi mu tshilumbu tshia muntu udi kayi ne bualu awu. Bualu butuku bua lelu, ndi mukenge bikole mu tshilota bualu buende.”

Luke 1:11

Ke mutumibue wa Maweja-Nangila kumuenekela Zekarya. Mutumibue uvua muimane ku dia balume dia tshilambuilu tshia musenga wa kamonya.

Luke 1:22

Ke Zekarya kupatuka. Kadi kavua mua kuakula nabu. Nanku bantu kujingulula ne: Mvidi Mukulu mmumuleje malu muaba wa tshijila. Zekarya kushala kamama, uleja bantu malu anu ne bianza.

Luke 20:6

Kadi tuetu bandamune ne: “Bantu mbamutume,” bantu bonsu nebatuase mabue bua kutushipa. Bualu mbajadike ne: Yowanane mmuambi wa Mvidi Mukulu.

Bienzedi 10:11

Kumonaye diulu diunzuluka, kabidi tshintu bu tshilamba tshinene tshia pa mesa, batshikuata ku nsongu inayi, tshienda tshipueka panshi.

Bienzedi 10:17

Petro uvua ulubakana, ukeba kujingulula malu avuabu bamuleje. Diba adi bantu bavua Korneliyuse mutume, bakavua bamane kuebeja, bua babaleje ku nzubu kua Simone. Mpindiewu bakavua mene ku tshiibi tshia nzubu.

Efeze 4:11

Yeye ke uvua mupeshe bantu mapa a pa buawu: uvua mubikile bakuabu bua bikale bapostolu, banga bua bikale bambi, bamue bua bikale balongeshi ba Lumu lua Disanka, bakuabu bua bikale balami ba bena ditaba, nansha balongeshi babu.

Dielulula 18:15

Maweja-Nangila neanutumine muambi mukuabu, bu meme Moshe. Neamusungule amu munkatshi mua bana benu. Nenuteleje bidiye wamba.

Dielulula 18:18

Nanku nembatumine muambi wa munkathi mua bana babu, bu muudi wewe Moshe. Nengikale mmuambila malu, yeye umanyisha bena Izrayele bionsu bingikala mumumanyishe.

Ebrewu 1:1

Ku kale, Mvidi Mukulu uvua muambile bankambua hetu malu misangu ne misangu, kabidi mishindu ne mishindu kudi bambi.

Didimanyisha 11:10

Bantu ba pa buloba nebasanke, batue tshianga, basankishangane ne bintu, bua lufu luabu, bualu bambi babidi aba bavua batatshishe bikole bantu ba pa buloba.

Didimanyisha 11:3

Meme nentume bajadiki banyi babidi, bavuale bilamba bikayapale. Matuku tshinunu nkama ibidi ne makumi asambombu aa, nebamanyishe bantu bidi Mvidi Mukulu mubambile.

1 Samuele 28:6

Shawule kukonka Maweja-Nangila tshia kuenza. Kadi Maweja-Nangila kena mumuandamune nansha mu tshilota, nansha ku Urime ne Tumime, nansha kudi muambi.

1 Samuele 3:15

Samuwele kushala mulala too ne mu dinda. Pashishe kuyaye kunzulula biibi bia nzubu wa Mvidi Mukulu. Kadi uvua utshina bua kulondela Eli bionsu bivuaye mumvue kudi Mvidi Mukulu.

1 Samuele 3:21

Maweja-Nangila uvua udimuenesha ku Silo. Bualu ke muaba uvuaye mumuenekela Samuwele bua kumumanyisha meyi ende.