Dibadika 12:14 - MUKANDA WA MYIDI MUKULU

¹⁴ Maweja-Nangila kuambila Moshe ne: — Bu tatuende mumutuile mate mu mesu, kavua mua kufua bundu lumingu lujima anyi? Nanku numupatule mu mitanda bua lumingu lujima kabidi. Pashishe, neapingane kabidi munkatshi muenu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yehowa wakambila Mose ne, Bikala tatu wandi mumutuile lute ku mesu, yeye wakadi kushala ne bundu matuku muanda mutekete, nansha? Bamuteke ku butshika bua tshitudilu matuku muanda mutekete, ne ku nyima nebamuhingishe kabidi.

Dibadika 12:14 ပူးပေါင်းရင်းမြစ်များ

2 Bakalenga 15:5

Nanku, Maweja-Nangila kusamisha Azariya bikole. Mukalenga kupeta disama dia nsudi. Kushalaye nadi too ne ku lulu luende. Azariya uvua ne bua kusomba anu ku luseke pa nkayende. Muanende wa balume Yotame, uvua mulombodi wa nzubu wa bukalenga. Ke uvuabu bapesha mudimu wa kulombola ditunga.

Yobe 17:6

Meme ndi bu muntu udibu bela mate mu mpala, badi bansaka mu misambu, banseka.

Yobe 30:10

Badi bantshina, bansesuka, banjebula. Badi bangela mata mu mesu kabayi bundu.

Yeshaya 50:6

Ndi ntuma nyima wanyi kudi bantu badi bantuuta. Ndi ndeja mbanga yanyi kudi bantu badi bantula muedi. Tshiena mbuikila mpala wanyi, padibu bantuila mate, bampenda.

Lewitiki 13:4

Kadi padi muntu awu ne dikeji ditoke pambidi, mputa kayi mondoke, kabidi boya kabuyi butokoloke, mutuangaji neumushe muntu awu munkatshi mua bantu. Amuteke pa nkayende matuku muanda mutekete.

Lewitiki 14:8

Muena nsudi uvuabu bakobolola awu, asukule bilamba biende, akungule nsuki ne boya buonsu, wowe mayi adi umusha mikiya. Pashishe apingane mu mitanda. Kadi ashale matuku muanda mutekete kayi ubuela mu ntenta wende.

Dibadika 5:1

Maweja-Nangila kuambila Moshe bua kumanyisha bena Izrayele ne:

Matayi 26:67

Pashishe bamue kumufuila mate mu mpala, kumututa bisusu. Bakuabu kumukuma mapi,

Dielulula 25:9

Nanku mukaji neasemene kudi mulume awu, bakulu bonsu batangile, amukopole tshisabata, amufuile mate mu mesu, wamba ne: “Muntu yonsu udi ubenga bua kusangula diku dia muanabu, nebamuenzele anu mushindu ewu.”

Ebrewu 12:9

Tuvuluke batatuetu ba pa buloba! Bavua batunyoka, tuetu kubanemeka. Nenku tudi ne bua kutumikila Tatu wetu wa mu diulu bipitshidile, bua tuikale ne muoyi.