Dibadika 11:8 - MUKANDA WA MYIDI MUKULU

^8-9 Butuku mana avua amata mu mitanda ne lumuma musangu umue. Dinda, bena Izrayele bavua baye kuangula, baapela pankatshi pa mabue abidi, nansha baatua mu tshinu. Pashishe bavua baalamba mu ngesu, nansha baenza mikata. Avua ne muenya bu wa mikata milamba ne mafuta.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bantu bakaluhuka, bakâsangisha, bakâhela mu biamu ne mu binu, bakâlamba mu bivuadi ne mai, bakalamba nʼau mikata, akashemakana bu manyi mahia-mahia.

Dibadika 11:8 ပူးပေါင်းရင်းမြစ်များ

Genese 25:29

Dituku dikuabu, Esawu ufuma ku dipata nyama mu tshisuku, mupungile ne nzala, kusanganaye Yakobe mulamba nsupu wa nkunde.

Ekesode 16:23

Moshe kubandamuna ne: — Maweja-Nangila mmumane kuamba ne: malaba ndituku dia kuikisha, dia tshijila dia Maweja-Nangila. Nanku nulambe biakudia munudi basue. Pikalabi bishale, nubilame bua kudia malaba.

Ekesode 16:31

Bena Izrayele kuinyika biakudia abi ne: mmana. Bivua bitoke bifuanangane ne ntete ya koriandre. Kabidi bivua bisheme bu mikata mienza ne buitshi.

Dibadika 11:7

Mana avua mushindu wa ntete ya koriyandre, mitoke too, mafuanangane ne budimbu bua mutshi wa mbdeliyume.

Yowanane 6:27

Kanukuatshi mudimu bua biakudia bidi binyanguka. Kadi nuenze mudimu bua biakudia bidi bishala, bifikisha bantu ku muoyi wa kashidi. Muana wa muntu neanupe biakudia abi, bualu Mvidi Mukulu Tatu mmumutue tshitampi tshia bumfumu buende.

Yowanane 6:31

Bankambua betu bavua badie mana mu tshipela, bu mudibu bafunde mu Mukanda wa tshijila ne: “Uvua mubapeshe mampa mafume mu diulu bua kudiabu.”