Dibadika 11:15 - MUKANDA WA MYIDI MUKULU

¹⁵ Paudi musue kunkengesha nanku, mbimpe unshipe. Ke muudi mua kumfuila luse, tshiyi mmona kabidi dikenga dindi nadi edi to!

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Biwasua kutuenzela nunku, ndi nkusengelela ne, Unshihe ku tshianza tshiebe, binasangana luse ku mesu kuebe, bua tshitangidi dikenga dianyi nunku.

Dibadika 11:15 ပူးပေါင်းရင်းမြစ်များ

1 Bakalenga 19:4

Pashishe, kuendaye mu tshipela dituku dijima. Kuyaye kusomba muinshi mua mutshi wa ngenete, ujinga mua kufua, wamba ne: — Maweja-Nangila, mpindiewu biantondi! Unshipe, bualu meme tshiena mupite bankambua banyi to.

Yobe 7:15

Eyowa, bu wewe mua kungela kankosa ku nshingu, mbimpe bitambe! Ndi musue kufua, pa mutu pa meme kunyana, kushala anu mifuba nkayayi nunku.

Ekesode 32:32

Ndi nkusengelela bua ubafuile luse, bua tshilema etshi. Kadi pawabenga, ukupule dina dianyi mu mukanda wa muoyi, uudi mufunde mena a bantu bebe.

Yirmeya 15:18

Kadi dikenga dianyi kadiena dijika bua tshinyi? Mudibu kabayi mua kuondapa mputa yanyi mmunyi? Mudi mputa wanyi kayi uma mbishi? Bushuwa, wewe kundinga mudi musulu mume udinga bantu badi bakeba mayi kabayi baasangana!

Yirmeya 20:18

Bavua bandele bua tshinyi? Amu bua kumvua ntatu ne makenga anyi? Amu bua banseke kashidi anyi?

Yona 4:3

Maweja-Nangila, mpindiewu ndi nkusengelela ne: ungumushe panu. Bualu mbimpe meme kufua pamutu pa kushala ne muoyi.

Sefanya 3:15

Maweja-Nangila mmukujimijile bubi buebe. Maweja-Nangila, mukalenga wa Izrayele, udi munkatshi muenu, mmunuipatshile baluishi benu. Nanku kanuena ne bua kutshina tshintu nansha tshimue.

Yakobe 1:4

Kadi dinanukila dienu edi didi ne bua kudileja patoke mu malu onsu, bua nuikale bantu ba malu mimpe tshishiki, badi kabayi bakenga kantu.