Dibadika 11:14 - MUKANDA WA MYIDI MUKULU

¹⁴ Meme nkayanyi tshiena mua kujikija makenga a bena Izrayele bonsu aba to. Bujitu buabu budi bumpite!

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Meme nkayanyi tshiena mua kutuala bantu aba bonso, bualu ebu budi buntambe bunene.

Dibadika 11:14 ပူးပေါင်းရင်းမြစ်များ

Misambu 89:19

Ngabu wetu, ngua Maweja-Nangila mukalenga wetu, ngua Mvidi Mukulu wa tshijila wa bena Izrayele.

Ekesode 18:18

Wewe ne bantu bonsu badi bimane aba nenupungile. Bualu mudimu ewu udi mupite bukole. Kuena mua kuwenza amu nkayebe to.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Zekâya 6:13

Eyo, yeye ke wamuasa tshiakabidi. Neavuale bimanyinu bia bukalenga, neasombe mu nkuasa wa bumfumu bua kulombola bantu. Mutuangaji neikale pabuipi nende. Bantu aba babidi nebumvuangane bikole.

2 Korente 2:16

Bua badi bajimina, dipembu adi didi diumvuika mupuya mubi udi ufila lufu. Bua badi mu njila wa lupandu, dipembu adi didi diumvuika mupuya muimpe udi ufila muoyi. Nanku udi ne bukole bua kukumbaja mudimu wa mushindu ewu nnganyi?