Dibadika 11:12 - MUKANDA WA MYIDI MUKULU

¹² Meme tshiena muimite, tshiena mulele bantu bonsu aba to! Muudi ungambila bua meme kubambula bu mudi ndeji wambula muana pambidi, bua kubafikisha mu ditunga diuvua mulaye bankambua babu, mbishi?

Mukanda wa Nzambi Dihungila Dikulukulu ne Dihungila Dihia-dihia 2003

¹² Meme nakimitshisha baledi ba bantu aba mafu, anyi, nakabalela, anyi, bua wewe wakungambila ne, Ubatuale ha tshiadi tshiebe, bu mudi muledi utuala muana utshidi wamua, tô ne ku buloba buwakalaya batatuʼabo?

Dibadika 11:12 ပူးပေါင်းရင်းမြစ်များ

Genese 13:15

Buloba ebu buonsu nenkupeshabu kashidi ne ndelanganyi yebe.

Genese 24:7

Bualu pavua Maweja-Nangila, Mvidi Mukulu wa diulu, mumpatule mu ditunga dietu ne mu diku dia baledi banyi, uvua mundaye bua kupesha ndelanganyi yanyi ditunga edi. Nanku, anu yeye neatume mutumibue wende kumpala kuebe, bua akuleje nsongakaji uudi mua kuselela muananyi Izake.

Genese 26:3

Pawasomba mu ditunga edi, meme nengikale nebe, nkuela lupemba. Ditunga dijima edi nedishale diebe ne dia ndelanganyi yebe. Ke mundi nkumbaja bionsu bimvua mulaye tatuebe Abrahame.

Genese 50:24

Yozefe kulayangana ne bana abu, ubambila ne: — Meme nkadi mikolu ku tshiina. Kadi Mvidi Mukulu neanuambuluishe. Neanunuishe mu ditunga edi, anufikishe mu ditunga divuaye mulaye Abrahame, Izake ne Yakobe.

2 Bakalenga 10:1

Ndelanganyi ya Akabe makumi muanda mutekete, ivua isomba mu Samariya. Yehu kutumina balombodi ba bena mvita ba mu tshimenga atshi, bakulu batshi, ne bantu bavua balongesha ndelanganyi ya Akabe mikanda, ubafundila ne:

2 Bakalenga 10:5

Diakamue, mulombodi wa nzubu wa bukalenga, mulombodi wa bena mvita ba tshimenga atshi, bakulu ne balongeshi, kutumina Yehu mukanda ne: “Tuetu tudi bena mudimu bebe. Netuenze bionsu biudi wamba. Katuena basue kusungula mukalenga mukuabu mupiamupia to. Nanku, enza muudi musue.”

Ekesode 13:11

Moshe kuamba kabidi ne: — Pikala Maweja-Nangila munufikishe mu ditunga dia bena Kenaane, divuaye munulaye nuenu ne bankambua benu,

Ekesode 13:5

Panuafika mu ditunga dia bena Kenaane, bena Iti, bena Amore, bena Ivi ne bena Yebusa, divua Maweja-Nangila mulaye bankambua benu, ditunga didi ne biakudia bipite bungi, nuikale nuenza tshibilu etshi, ku tshidimu ku tshidimu, mu ngondu wa Abibe.

Ekesode 33:1

Pashishe, Maweja-Nangila kuambila Moshe ne: — Umukayi muaba ewu ne bena Izrayele bonsu, bauvua mupatule mu Ejipitu. Ndayi kusomba mu ditunga dimvua mulaye Abrahame, Izake ne Yakobe. Mvua mumane kutshipa bua kubapesha ditunga adi ne ndelanganyi yabu.

Ekesode 6:8

Nennufile mu ditunga dimvua mulaye Abrahame, Izake ne Yakobe. Ditunga adi nedishale bupianyi buenu. Meme Maweja-Nangila ndi njadika bualu ebu.”

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yeshaya 49:15

Kadi Maweja-Nangila udi wandamuna ne: Mukaji udi mua kupua muana udiye wamusha mabele muoyi anyi? Udi mua kubenga kunanga muana uvuaye muambule mu difu diende anyi? Bushuwa, misangu mikuabu udi mua kumupua muoyi, kadi meme tshiena nkupua muoyi to.

Yeshaya 49:23

Bana bebe nebabadishe kudi bakalenga bakaji ba mu matunga. Nebabakoleshe kudi bakalenga ba matunga. Nebatue mpala panshi kumpala kuebe. Nebakunemeke, balaka lupuishi lua ku makasa ebe. Nenku neumanye, mundi Maweja-Nangila, mudi bonsu badi batekemena kundi kabayi bafue bundu musangu nansha umue.

Yezekiyele 34:23

Nenteke muntu anu umue bua kuikalaye mulami wa mikoku yanyi. Yeye neayilame bimpe bu muvua Davide wanyi wenza.

Yowanane 10:11

Ndi mulami muimpe wa mikoku. Mulami muimpe wa mikoku udi ufuila mikoku yende.

1 Korente 4:15

Bualu, nansha nuenu bapete balongeshi binunu dikumi, badi banuludika mu njila wa Yezu Kristu, kadi tatuenu udi anu umue. Bualu bu mumvua munutuadile Lumu lua Disanka, ndi mudienze tatuenu mu njila unudi nulonda badisange ne Yezu Kristu.

Ngalate 4:19

Bana banyi basuibue, bu mudi mukaji ukenga bua kulela muana, ke mundi nkenga tshiakabidi bualu buenu, bua Kristu amueneke patoke munda muenu.

Dielulula 1:31

ne mu tshipela. Nuenu nkayenu nudi bajadike muvua Maweja-Nangila munuambule, bu mudi muntu wambula muanende mu njila, too ne munudi bafike muaba ewu!”

1 Tesalonike 2:7

Bu mutudi bapostolu ba Kristu, tuvua mua kunuleja bumfumu buetu. Kadi patuvua kuenu, tuvua banuleje muoyi wa kalolu, amu mudi mamu ukuba bana bende.