Dibadika 11:11 - MUKANDA WA MYIDI MUKULU

¹¹ Moshe kuebeja Maweja-Nangila ne: — Udi unkengesha nenku, kuyi umfuila luse bua tshinyi? Udi umpesha bantu bungi nenku, bua meme kubalombola bualu kaayi?

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mose wakambila Yehowa ne, Wewe wakenzela mundi webe bibi nunku bualu kai? Munyi tshiakusangana luse ku mesu kuebe bua wewe wakateka bujitu bua bantu aba bonso hamʼbidi hanyi?

Dibadika 11:11 ပူးပေါင်းရင်းမြစ်များ

Yobe 10:2

Nenkandike Mvidi Mukulu ne: kumfundidi tshibawu to. Kadi ummanyishe tshilumbu tshindi natshi!

Misambu 130:3

Maweja-Nangila, wewe mutangile bilema bietu, udi mua kupanda nnganyi?

Misambu 143:2

Ndi muena mudimu webe, kungashi tshilumbu, bualu kakuena muntu muakane ku mesu ebe.

Ekesode 17:4

Moshe kuebeja Maweja-Nangila ne: — Bantu aba badi bakeba kungasa mabue bua kunshipa, mbenzele tshinyi?

Ekesode 5:22

Moshe kupingana kudi Maweja-Nangila, umuebeja ne: — Maweja-Nangila wanyi, udi mukengeshe bantu aba bua tshinyi? Wakututuma kudibu bua tshinyi?

Yirmeya 15:10

Mamu wanyi, ndi muena diakabi! Udi mundele bua tshinyi? Miaba yonsu mu ditunga badi amu bambenga, badi amu banduisha! Kadi meme tshiena musombe, tshiena musombeshe muntu tshintu. Mudi bantu bonsu bangela mulawu mmunyi?

Yirmeya 15:18

Kadi dikenga dianyi kadiena dijika bua tshinyi? Mudibu kabayi mua kuondapa mputa yanyi mmunyi? Mudi mputa wanyi kayi uma mbishi? Bushuwa, wewe kundinga mudi musulu mume udinga bantu badi bakeba mayi kabayi baasangana!

Malaki 3:14

Nuvua nuamba ne: ‘Kukuatshila Mvidi Mukulu mudimu kakuena ne difutu to. Tuvua bitabe mikenji yende, banyingalale, bua Maweja-Nangila kutufuilaye luse, kadi katuvua bapete bualu bua nsongu nansha bumue.

Dibadika 11:10

Moshe kumvua muvua bena Izrayele badila muadi, basombela ku diku ku diku mu mishiku ya ntenta yabu. Maweja-Nangila kufika munda bikole. Bualu ebu kutonda Moshe.

Dibadika 11:15

Paudi musue kunkengesha nanku, mbimpe unshipe. Ke muudi mua kumfuila luse, tshiyi mmona kabidi dikenga dindi nadi edi to!

2 Korente 11:28

Mvua mua kutela bikuabu bia bungi. Kadi ntshidi ntela amu tshimue: ke bujitu bundi nabu matuku onsu, ntatshila Bisumbu bionsu bia bena ditaba.

Dielulula 1:12

Kadi numanye bimpe ne: meme nkayanyi tshiena mua kuambula bujitu bua kunulumbuluisha mu bilumbu bienu, ne mu matandu adi munkatshi muenu to.