Dibadika 11:1 - MUKANDA WA MYIDI MUKULU

¹ Dituku dikuabu bena Izrayele bavua bajana Maweja-Nangila bikole. Maweja-Nangila umvua nanku, kufikaye munda. Kapia ka Maweja-Nangila kutema munkatshi muabu, kuosha tshitupa tshia mitanda.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bantu bakadi batontolodi, bualu ebu buakadi bubi ku matshu a Yehowa ne hakabunvua Yehowa, tshiji tshiakamukuata, kahia ka Yehowa kakabosha tô ne ku matshika a tshitudilu.

Dibadika 11:1 ပူးပေါင်းရင်းမြစ်များ

Genese 38:10

Bivuaye wenza kabivua bisankisha Maweja-Nangila. Kumushipeshaye ne yeye kabidi.

2 Samuele 11:27

Kadi batangalaja madilu, Davide kubikidisha Batsheba ku nzubu kuende, kumusela. Mukaji kulela muana wa balume.

2 Bakalenga 1:12

Eliya kuandamuna ne: — Bu mundi muambi wa Mvidi Mukulu, ndi ndomba bua kapia kafume mu diulu kanubutule: wewe ne bantu makumi atanu banudi nabu! Diakamue, Mvidi Mukulu kupuekesha kapia. Kubutulaku mulombodi wa bena mvita ne bantu makumi atanu bavuaye nabu.

Yobe 1:16

Muntu awu utshivua wakula, muena mudimu mukuabu kufika kabidi bua kumanyisha ne: “Nkuba mmushipe mikoku ne bena mudimu bebe, mmubioshe bionsu. Amu meme nkayanyi ke udi munyeme bua kukumanyisha bualu ebu.”

Misambu 106:18

Kapia kuoshaku bena tshisumbu tshiabu, ludimi lua kapia kuvingutula bantu babi.

Misambu 78:21

Maweja-Nangila umvua amu malu awu, kufikaye munda, kukuatshila bena Izrayele tshiji, bu kapia bua kuosha bantu bende.

Misambu 78:63

Kapia kubutula bansongalume, kupangabu mua kuimbila nsongakaji misambu.

Ekesode 16:7

Kadi dinda nenumone butumbi buende, bualu mmumane kumvua munudi numujana. Tuetu katuena bakumbane nansha bua nutujane.

Ekesode 16:9

Moshe kuambila Arone ne: — Bikila bena Izrayele bonsu, basemene kudi Maweja-Nangila, bualu mmumane kumvua bijanu biabu.

Yeshaya 10:17

Maweja-Nangila, butoke bua bena Izrayele, neikale bu kapia, kadi kosha meba ne mingonga, kabibutula dituku dimue.

Yeshaya 30:33

Mbamane kulongolola tshioshelu kale. Mbalongolole muaba udibu ne bua kuoshela mukalenga wa bena Ashure. Tshioshelu etshi tshidi tshinene, kabidi tshile. Bavua belamu nkunyi ya bungi. Nanku, Mueyelu wa Maweja-Nangila udi utemeshamu kapia. Nkunyi eyi idi bu kapia ka mu tshingoma kadi katema.

Yeshaya 33:14

Mu Siyone, bena tshibawu badi bakuatshika bowa; badi kabayi bitaba Maweja-Nangila badi bazakala. “Nganyi wa kutudi washala pabuipi ne kapia aka kadi kabutulangana? Wa munkatshi muetu wasomba pamue, ne tshikutu tshitema kapia kashidi, udiku anyi?”

Muadi 3:39

Kadi muntu udi wabakana bua tshinyi? Nansha yeye ne mibi, ki mbamushipe to!

Yezekiyele 20:36

Nennunyoke bu mumvua munyoke bankambua benu mu tshipela tshidi pabuipi ne Ejipitu. Meme Maweja-Nangila Mvidi Mukulu, ndi ngamba nanku awu.

Lewitiki 10:2

Diakamue kapia kufuma kudi Maweja-Nangila, kubosha, kubashidisha muaba awu.

Nahume 1:5

Mikuna minene idi ikanka kumpala kuende, mikuna mikese idi itenkakana. Padi Mvidi Mukulu umueneka, buloba ne bonsu badi basombapu bidi bizakala.

Abakuke 3:5

Udi utuma bipupu kumpala kuende, lufu lulonda panyima.

Dibadika 10:33

Bena Izrayele kumuangala ku mukuna wa Maweja-Nangila, kuenda matuku asatu. Mushete wa ndondu uvua mubadianjidile bua kubaleja muaba uvuabu mua kuasa mitanda yabu bimpe.

Dibadika 11:18

Ambila kabidi bena Izrayele ne: “Nudilongolole bua dituku dia maloba, numushe mikiya! Nebanutumine munyinyi, bualu Maweja-Nangila mumvue miadi yenu ne: Udi mua kutupesha munyinyi nnganyi? Mu Ejipitu, tuvua bimpe bitambe! Nanku, Maweja-Nangila neanupeshe munyinyi wa nuenu kudia.

Dibadika 12:2

Bavua bamba ne: — Maweja-Nangila mmuyukile amu ne Moshe nkayende anyi? Kena uyukila kabidi netu anyi? Maweja-Nangila kumvua tshijanu atshi.

Dibadika 14:2

badiwula Moshe ne Arone, bamba ne: — Bivua bimpe tuetu kufuila mu Ejipitu, nansha mu tshipela emu!

Dibadika 14:22

muntu nansha umue wa ku ndelanganyi eyi kakubuela mu Kenaane to. Bualu bantu aba mbamane kumona butumbi buanyi, ne malu a dikema andi mubenzele mu Ejipitu ne mu tshipela. Kadi nansha bobu bamone nanku, kabavua bangitaba to. Bavua bantete misangu ne misangu!

Dibadika 14:27

— Bantu babi aba nebangele mpata kashidi anyi? Ndi mumvue mudibu banjane.

Dibadika 14:28

Kadi ndayi, nubambile ne: “Meme Maweja-Nangila, ndi ne muoyi. Nennunyoke bilondeshile bijanu bienu abi.

Dibadika 16:11

Nanku, wewe ne bantu bebe, nudi nutombokela Maweja-Nangila. Unudi nujana ki ngArone nansha!

Dibadika 16:35

Pashishe Maweja-Nangila kutuma kapia. Kubutulaku bantu bonsu nkama ibidi ne makumi atanu, batshikale ne muoyi. Ke bavua balambula musenga wa kamonya.

Dibadika 17:5

Bitata abi bivua bivuluija bena Izrayele ne: muntu udi kayi wa ku ndelanganyi ya Arone, kena mua kuoshila Maweja-Nangila musenga wa kamonya to. Maweja-Nangila ukavua mumane kuambila Moshe bua kumanyisha Arone ne: “Pikala muntu mukuabu muoshile Maweja-Nangila musenga wa kamonya, neapete dinyoka bu dia Kora ne bonsu bavuaye nabu.”

Dibadika 21:5

Kujanabu Mvidi Mukulu ne Moshe, bamba ne: — Nuvua batumushe mu Ejipitu bua tshinyi? Bua tuetu kufuila nzala mu tshipela! Apa katuena ne mampa, katuena ne mayi a kunua! Tudi tudia anu mana bua dikenga. Kadi akadi matutonde.

1 Korente 10:10

Kanuena ne bua kujana Mvidi Mukulu, muvua bamue ba kudibu benze. Mutumibue, uvuabu batume ne lufu, kubashipa.

Dielulula 25:18

Kabena batshina Mvidi Mukulu to. Ke muvuabu banualamina mu njila, nuenu bamane kupungila bikole. Kutondabu bantu bonsu bavua bashadile panyima, kubashipa.

Dielulula 32:22

Eyowa, Meme Maweja-Nangila ndi ne tshiiji tshikole, tshidi tshifika too ne mu kandondu ka bafue. Tshidi tshiosha, bu mudi kapia kosha biakudia, kabibutula, tshidi tshiosha too ne tshitaku tshia mikuna.

Dielulula 9:22

Nuenu bena Izrayele, nuvua bafikishe kabidi Maweja-Nangila munda ku Tabera, ku Masa ne ku Kibrote-Taawa,

Ebrewu 12:29

Bualu Mvidi Mukulu wetu udi kapia kadi kubutula.

Yakobe 5:4

Kanuena bafute bena mudimu badi bakuate mudimu mu madimi enu. Nuteleje mudibu badila muadi! Mvidi Mukulu Maweja-Nangila wa bukole buonsu mmumvue mbila ya badi banowe biakudia bienu.

Yuda 1:16

Bantu aba kabena baleja disanka dituku nansha dimue, badi batontolodi ba kashidi. Badi benza malu amu mudi nkuka yabu. Badi bakula ne dipetu, balabidila bantu bua kupeta bintu.