Dibadika 10:9 - MUKANDA WA MYIDI MUKULU

⁹ “Panudi nuya ku mvita mu ditunga dienu bua kuluisha bena lukuna benu, nuele mpungi ne bibingu bia mvita musangu umue. Nanku, Meme Maweja-Nangila Mvidi Mukulu wenu nennuvuluke. Nennusungidile mu bianza bia baluishi benu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hanuaya kusangana mba ne bantu badi banukengesha mu buloba buenu, nenuele mpungi bikole, nenuikale nuvulukibua ku mesu kua Yehowa, Nzambi wenu, nenusungidibue kudi bantu badi nʼenu lukuna.

Dibadika 10:9 ပူးပေါင်းရင်းမြစ်များ

Genese 8:1

Mvidi Mukulu kuvuluka Nowa ne nyama yonsu minene ne mikese ivuaye nayi mu buatu. Mvidi Mukulu kutuma tshipepela pa buloba, mayi kutuadija kukepela.

2 Kulondolola 13:12

Mpindiewu, Maweja-Nangila nkayende ke udi utulombola. Batuangaji bende apa badi bakeba kuela mpungi, bua kuleja tshimanyinu tshia mvita, bua kunuluisha. Nanku, nuenu bena Izrayele, kanuluishi Maweja-Nangila Mvidi Mukulu wa bankambua benu, bualu kanuakutshimuna mvita to.

2 Kulondolola 13:14

Bena Yuda batangile panyima, kumonabu ne tudi ne bua kuluangana nseke ibidi. Kulombabu diambuluisha kudi Maweja-Nangila. Nanku, pavua batuangaji bela mpungi,

Misambu 106:4

Maweja-Nangila, wewe udi upita kufuila bantu bebe luse, utuvuluke. Wewe musungidi, utusungidile.

Misambu 106:42

Baluishi babu kubakengesha, kubafuisha bundu.

Misambu 136:23

Patuvua mu dikenga kutuvulukaye, bualu dinanga diende ndia kashidi,

Yeshaya 18:3

Kadi nuenu bonsu badi pa buloba, nuenu bonsu badi basa muaba udi bantu, tangila bimpe diba diabandishabu dibendela pa mukuna. Pelabu mpungi, nuteleje bimpe.

Yeshaya 58:1

Maweja-Nangila udi wamba ne: Ela lubilu lukole. Kulekedi to. Diyi diebe difike kule, bu mudi muadi wa mpungi. Vuluija bantu banyi mudibu bantombokela. Manyishayi ndelanganyi ya Yakobe bilema biayi.

Yirmeya 4:19

Eyi, dikenga didi dintatshisha too, dinkunya ne ku mala a munda. Muoyi udi untuuta bikole munda, ukeba kutayika. Tshiena mumvue dikisha to. Tshiena mua kupuwa to. Ndi mumvue mpungi ne mbila ya mvita.

Yirmeya 4:21

Nemmone mabendela a baluishi too ne ku diba kaayi? Nengikale anu muteleje muadi wa mpungi wa kuya ku mvita anyi?

Yirmeya 4:5

Umanyishe bena Yuda ne: baluishi bakadi pabuipi. Udimuje bena Yerushalayime. Wele mpungi mu ditunga. Ela mbila ne diyi dikole, ubambile ne: nudisangishe mu bimenga bidibu bakoleshe ne bimana.

Yirmeya 49:2

Ke padi Maweja-Nangila wamba ne: “Dituku diadia bantu badi basomba mu Raba, tshimenga tshinene tshia bena Amone, nebumvue mutoyi wa mvita. Tshimenga etshi netshishale tshipela. Misoku idi natshi mutumba nebayibutule ne kapia. Diba adi, Izrayele neangate tshiakabidi buloba buvua buende.” Ke mudi Maweja-Nangila wamba nanku.

Yirmeya 6:1

Nuenu bena Binyamine, umbukayi mu Yerushalayime! Nunyeme bua kudipandisha. Elayi mpungi ku tshimenga tshia Tekowa. Elayi tshimunyi kulu pa mukuna wa Bete-Kereme, numanyishe bantu bualu. Bualu, dikenga dinene ne kabutu bidi binuvuila, bifumina luseke lua ku mutu kua ditunga.

Yirmeya 6:17

Ndi mubatekele batentekedi bua kubadimuja, bua kubambila ne: Nudimuke, nuteleje mpungi! Kadi kubengabu ne: “Katuena tuteleja to.”

Yezekiyele 7:14

Nansha bobu bela mpungi, balongolole mvita, muntu nansha umue kena uya ku mvita, bualu ndi mufikile bantu bonsu munda.”

Osheya 5:8

Mu Ngibeya, elayi mpungi ya mvita. Mu Rama, elayi mpungi kabidi. Mu Betele-Awene, elayi lubila: bantu bambule bia mvita. Nuenu bena tshisamba tshia Binyamine, dimukayi, nudi mu njiwu!

Lewitiki 23:24

bua amanyishe bena Izrayele mikenji idi ilonda eyi ne: “Dituku dia kumpala dia ngondu wa muanda mutekete, ndituku dia tshivulukilu ne dia dikisha. Nudisangishe bua kuntendelela.

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Sefanya 1:16

Dituku adi nebumvue bena mvita bela mpungi, bela mbila ya mvita, bua kuluisha bimenga bivuabu bakoleshe ne bimana, bua kushimbula tuleya tuabi tunene.

Dibadika 31:6

Moshe kubatuma bonsu mu mvita, babalombola kudi mutuangaji Pinhase, muana wa Elazare. Pinhase uvua muambule bintu bia tshijila, kabidi ne mpungi bua kumanyisha bantu diba dia kutuadija mvita.

1 Korente 14:8

Padi muntu wela mpungi kayi umanyisha bualu patoke, wadilongolola ku mvita nnganyi?

Dielulula 20:1

Nuenu baye kuluangana mvita ne bantu badi ne tubalu, kabidi ne matempu a mvita, nansha ne baluishi bapite bena mvita benu ku bungi, kanubatshinyi to. Bualu Maweja-Nangila Mvidi Mukulu wenu, uvua munupatule mu Ejipitu, udi munkathi muenu.

Yoshua 6:5

Nanku diba didi mpungi udila amu kudila, bena Izrayele nebele bibingu bikole bia mvita. Diba adi bimana bia tshimenga nebiupuke. Nebabuele mu tshimenga, muntu yonsu uya anu buludi mutangile kumpala kuende.

Balombodi 10:12

bena Sidone, bena Amaleke ne bena Mayone, nuvua bambikile bua meme kunuambuluisha. Tshiena munumushe mu bianza biabu anyi?

Balombodi 10:8

Kutuadija tshikondu atshi too ne bidimu dikumi ne muanda mukulu, bena bisamba ebi kukengesha, kutatshisha kabidi bena Izrayele bavua basombele mu Ngilaade, buloba bua bena Amone buvua luseke ludi diba dipatukila lua Yardene.

Balombodi 2:18

Misangu yonsu ivua Maweja-Nangila utumina bena Izrayele mulombodi, Maweja-Nangila nkayende uvua ku luseke lua mulombodi awu. Nanku Maweja-Nangila ke uvua usungidila bena Izrayele mu bianza bia baluishi, matuku onsu avua mulombodi awu ne muoyi. Maweja-Nangila uvua ufuila bena Izrayele luse, pavua-bu badila, banyingalala bua mushindu uvuabu babakengesha kudi baluishi babu.

Balombodi 3:27

Mumane kufika muaba awu, kuelaye mpungi bua kubikila bena Izrayele ba mu buloba bua mikuna bua bena Efrayime. Pashishe kupitaye kumpala kuabu bua kupueka nabu ku mukuna, ubambila ne:

Balombodi 6:34

Kadi Mueyelu wa Maweja-Nangila kutulukila Ngideyone. Awu kuela mpungi bua kubikila bantu ba mu diku dia Abiyezere bua bamulonde.

Balombodi 6:9

Meme kunusungidila kudi bena Ejipitu, ne kudi bantu bonsu bavua banukengesha. Meme kuipata baluishi benu, panuvua nuenda nubuela mu ditunga ku kakese ku kakese. Pashishe meme kunupa ditunga diabu.

1 Samuele 10:18

Kubambilaye ne: — Maweja-Nangila Mvidi Mukulu wa bena Izrayele, udi wamba ne: “Nuenu bena Izrayele, uvua munupatule ku bupika mu Ejipitu, mmeme! Uvua munumushe ku bumfumu bua bena Ejipitu ne bua bakalenga ba bisamba bikuabu, bivua binukengesha, mmeme!”