Dibadika 10:29 - MUKANDA WA MYIDI MUKULU

²⁹ Moshe kuambila bukonde buende, Obabe, muana wa Reyuwele, muena Madiyane, ne: — Tuetu tudi tuya mu ditunga divua Maweja-Nangila mutulaye. Nanku mbimpe tuye nebe. Tshintu tshionsu tshikale Maweja-Nangila mutupeshe, neupete pebe.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Mose wakambila Hobaba, muana mulume wa Luele, Muena Midiyana, tatuʼandi-muenu wa Mose ne, Tutshidi tuya ku muaba wakamba Yehowa ne, Nennuheu, uye nʼetu, netukuenzele bimpe, bualu bua Yehowa wakalaya Bena Isalele bualu buimpe.

Dibadika 10:29 ပူးပေါင်းရင်းမြစ်များ

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

Genese 13:15

Buloba ebu buonsu nenkupeshabu kashidi ne ndelanganyi yebe.

Genese 15:18

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

Genese 17:8

Ditunga edi dijima dia Kenaane diudi upitshila mpindiewu bu muenyi, nenkupeshadi kashidi. Nedishale bupianyi buebe ne bua ndelanganyi yebe. Meme nengikale Mvidi Mukulu wenu.

Genese 32:12

Nanku ndi nkutendakena ne: unsungidile kudi mukuluanyi Esawu. Ndi ne bowa, bualu udi mua kumbutula ne bakaji ne bana.

Misambu 100:1

Musambu wa mulambu wa kuela Mvidi Mukulu tuasakidila. Nuenu bantu ba pa buloba bujima, elayi Maweja-Nangila tunkunduluila.

Misambu 34:8

Mutumibue udi ulama bantu ba Maweja-Nangila, ubumusha ku njiwu yonsu.

Misambu 95:1

Luayi tuelele Maweja-Nangila mbila ya disanka, tuele Dibue dietu, ne Musungidi wetu tunkunduluila.

Ekesode 18:1

Yetro, mutuangaji wa mu Madiyane, tatuende muenu wa Moshe, kumvua-ye lumu lua bionsu bivua Maweja-Nangila Mvidi Mukulu muenzele Moshe ne bena Izrayele pawaye mubapatule mu Ejipitu.

Ekesode 18:12

Pashishe Yetro, tatuende muenu wa Moshe, kuoshila Maweja-Nangila nyama ya milambu. Kumulambulaye kabidi milambu ya ditua ndondu. Arone ne bakulu bonsu ba bena Izrayele, pamue ne Yetro, kudia biakudia bia tshijila abi.

Ekesode 18:27

Moshe kulayangana ne tatuende muenu. Awu kupingana kuende.

Ekesode 2:18

Bansongakaji kupingana pambelu. Tatuabu Yetro kubakonka ne: — Lelu munudi bapingane lukasa nanku mmunyi?

Ekesode 2:21

Moshe kuitaba bua kusomba kua muntu awu. Yetro kuselesha muanende wa bakaji Sefora kudi Moshe.

Ekesode 3:1

Moshe uvua udisha bimuna bia tatuende muenu Yetro, mutuangaji wa mu Madiyane. Dituku dikuabu kupitshilaye mu tshipela too ne ku Orebe, mukuna wa Mvidi Mukulu.

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Ekesode 6:4

Mvua mutue nabu ndondu, mubalaye mua kubapesha ditunga dia Kenaane divuabu basombe bu bantu benyi.

Yeshaya 2:3

Bantu bavule nebayemu, benda bamba ne: “Tuyayi! Tubande pa mukuna wa Maweja-Nangila. Tubuele mu nzubu wa Mvidi Mukulu wa Yakobe. Atulongeshe tshidiye musue bua tuetu kuenza. Netulonde njila udiye utuleja.” Eyowa, dilongesha dia Maweja-Nangila didi difumina mu Siyone, muaku wende udi upatukila mu Yerushalayime.

Yirmeya 50:5

Nenukebe njila udi muye ku Siyone. Bualu ke muaba unudi nuenda nukeba. Nenufike kundi bua meme kutua nenu ndondu wa kashidi, unudi kanuyi mua kupua muoyi tshiendelele.

Dibadika 10:28

Ke muvua biluilu bia bena Izrayele bilondangane nanku mu luendu luabu.

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Bienzedi 7:5

Mu ditunga edi Mvidi Mukulu kavua mupeshe Abrahame buloba nansha bukese, nansha muaba bunene bua dikasa to. Kadi Mvidi Mukulu kumulaya amu bua kumupa ditunga. Ndelanganyi yende ivua mua kudipiana, yeye mumane kufila. Kadi tshikondu atshi Abrahame kavua muanji kulela.

Dielulula 30:5

bua kunupingaja mu ditunga dia bankambua benu. Nenusombemu. Maweja-Nangila neanuenzele bimpe bipite bivuaye muenzele bankambua benu. Nenubapite ku bungi.

Dielulula 4:40

Nuenu ne ndelanganyi yenu, nukumbaje meyi ne mikenji bia Maweja-Nangila Mvidi Mukulu wenu, bindi munumanyishe lelu. Nanku nenuikale bena diakalenga. Nenushale ne muoyi matuku mavule mu ditunga didiye munupe kashidi.

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Didimanyisha 22:17

Mueyelu wa Tshijila, ne Mukaji udi ubuela mu dibaka, badi bamba ne: “Luaku!” Udi mumvue muaku ewu, ambe kabidi ne: “Luaku!” Muntu udi ne nyota, asemene pabuipi. Muntu udi ujinga kunua mayi a muoyi, nebamupewu tshianana.

Balombodi 1:16

Bena Kayine, ndelanganyi ya tatuende muenu wa Moshe, kumuka mu tshimenga tshia Yeriko, tshiyuabu binyika tshia Mabue a ngaji. Kuyabu pamue ne bena Yuda. Kuasabu mu tshitupa tshia kuinshi tshia buloba bua bena Yuda, kuinshi kua tshimenga tshia Arade. Kusombabu munkatshi mua bena Amaleke.

Balombodi 4:11

Ebere, muena Kayine, uvua usomba pabuipi ne Kadeshe. Uvua muase ntenta wende ku luseke lua mutshi wa lusanga uvua mu Sananime. Uvua mumane kumuka munkatshi mua bena Kayine bakuabu, ndelanganyi ya Obabe, bukonde bua Moshe.

1 Samuele 15:6

Ke Shawule kuambila bena Kayine ne: “Umukayi munkatshi mua bena Amaleke, nuye mutantshi mule. Tshiena musue kunukengesha, bu mundi mbakengesha bobu to. Bualu nuenu nuvua bafuile bena Izrayele luse, pavuabu bapatuke mu Ejipitu.” Nanku bena Kayine kumuka muaba uvua bena Amaleke.