Dibadika 10:10 - MUKANDA WA MYIDI MUKULU

¹⁰ Panudi nuenza tshibilu dituku dia kumpala dia ngondu yonsu, nansha tshibilu tshia mushindu mukuabu, nenuele mpungi diba didibu bandambula milambu ya kuosha, nansha milambu ya bobumue. Nanku, nennuvuluke. Meme ndi Maweja-Nangila Mvidi Mukulu wenu.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mu dituku ba disanka dienu, ne mu bikondo binudi nudia bidia bia Yehowa, ne mu tshibangidilu tshia ngondo yenu, nenuele mpungi ku milambu ya kuosha ha kahia, ne ku milambu ya kuvuisha nʼai ditalala, neyikale bu tshivulukidi ku mesu kua Nzambi wenu meme ndi Yehowa, Nzambi wenu.

Dibadika 10:10 ပူးပေါင်းရင်းမြစ်များ

2 Bakalenga 4:23

Bayende kumukonka ne: — Udi uya kudi muambi lelu bua tshinyi? Ki ndituku dia tshibilu tshia ngondu mupiamupia, nansha dituku dia Dikisha mene! Mukaji kuandamuna ne: — Kupampakanyi to!

1 Kulondolola 15:24

Obede-Edome ne Yekiya kabidi bavua benda pabuipi ne mushete. Kadi batuangaji aba: Shebanya, Yosafate, Netaneyele, Amashayi, Zekarya, Benaya ne Eliyezere ke bavua benda bela mpungi kumpala kua mushete wa Mvidi Mukulu.

1 Kulondolola 15:28

Bena Izrayele bonsu kufika ne mushete wa tshijila mu Yerushalayime, batua tshianga, badidisha miadi ya mpungi mishilangane, ya ndibu, ya nkombe ne ya nzenze.

1 Kulondolola 16:42

Emane ne Yedutune bavua ne mpungi ne ndibu ya bena misambu. Bavua kabidi ne bikuabu biamu bia kuimba nabi misambu ya tshijila. Bana ba Yedutune bavua balami ba biibi.

2 Kulondolola 29:26

Bena Levi kuimana ne biombelu bivua Davide muenzeje. Batuangaji bavua bimane pabu ne mpungi.

2 Kulondolola 29:28

Bantu bonsu bavua badiela panshi. Bena misambu bavua bimba, bena mpungi bela, too ne ku diba di wabu bajikije kulambula milambu.

2 Kulondolola 7:6

Batuangaji bavua anu pa miaba Kuabu benzela mudimu. Bena Levi bavua bimba biombelu bia tshijila, bivua mukalenga Davide muenzeje. Bavua batumbisha Maweja-Nangila, bua dinanga diende didi kadiyi ne ndekelu, bilondeshile musambu uvua Davide mubalongeshe. Batuangaji bavua bela mpungi, batangilangane ne bena Levi aba. Bantu bonsu bavua amu bimane kulu.

Ezela 3:10

Pavua bibaki bakeba kuasa tshitaku tshia nzubu wa Mvidi Mukulu, kubikilabu batuangaji bamane kuvuala bilamba biabu bia mudimu wa batuangaji, bikale ne mpungi. Kubikilabu kabidi bena Levi, ndelanganyi ya Ashafe, bavua ne ndibu. Bonsu abu kutumbisha Maweja-Nangila, bilondeshile mikenji ya Davide, mukalenga wa bena Izrayele.

Nehemya 12:35

Pashishe, bavua balonda kudi batuangaji bavua bambule mpungi. Kubalondabu kudi Zekarya, muana wa Yonatane, Yonatane uvua muana wa Shemaya, Shemaya uvua muana wa Mataniya, Mataniya uvua muana wa Mikaya, Mikaya uvua muana wa Zakure, Zakure uvua muana wa Ashafe.

Misambu 150:3

Mutumbishayi ne mpungi, mutumbishayi ne lunkombe ne tshisanji!

Misambu 81:3

Imbayi musambu, nuimbe ne ngoma, ne lunkombe ludi ne muadi muakane ne lunzenze.

Misambu 81:4

Nuele mpungi padi ngondu ubala, padiye utokesha bikole, ne mu dituku dietu dia tshibilu.

Misambu 89:15

Buakane ne nsambu milelela, ke bidi bukalenga buebe bushindamena. Malu mimpe ne bulelela bidi bienda kumpala kuebe.

Ekesode 28:29

“Pikala Arone ubuela mu muaba wa tshijila, ikale uvuala tshilamba tshia pa tshiadi tshia dilumbulula, tshidi ne mena a bisamba bia bena Izrayele, bua meme Maweja-Nangila ngikale nnuvuluka amu kunuvuluka.

Ekesode 30:16

Nanku, wangate makuta adi bena Izrayele bafila bua kudipandisha awu, ulongolole nawu bintu bia mu ntenta wa kusambakena. Nanku, meme Maweja-Nangila nemvuluke bena Izrayele, mbalame.

Yeshaya 27:13

Dituku adi, muadi munene wa mpungi neumvuike. Nenku bonsu bavua bajimine mu bena Ashure, nansha bavua batangalaka mu Ejipitu, nebafike. Nebatue binu kumpala kua Maweja-Nangila, pa mukuna wa tshijila, udi mu Yerushalayime.

Lewitiki 23:24

bua amanyishe bena Izrayele mikenji idi ilonda eyi ne: “Dituku dia kumpala dia ngondu wa muanda mutekete, ndituku dia tshivulukilu ne dia dikisha. Nudisangishe bua kuntendelela.

Dibadika 10:9

“Panudi nuya ku mvita mu ditunga dienu bua kuluisha bena lukuna benu, nuele mpungi ne bibingu bia mvita musangu umue. Nanku, Meme Maweja-Nangila Mvidi Mukulu wenu nennuvuluke. Nennusungidile mu bianza bia baluishi benu.

Dibadika 28:11

“Dituku dia kumpala dia ngondu yonsu, nungoshile meme Maweja-Nangila ngombe milume ibidi, mukoku wa tshimpanga, ne bana ba mikoku muanda mutekete, badi bamane kukumbaja tshidimu tshijima. Bimuna bionsu abi, kabikadi ne bulema pambidi to.

Dibadika 29:1

“Dituku dia kumpala dia ngondu wa muanda mutekete, kanuenji mudimu to. Nudisangishe bua kuntendelela meme Maweja-Nangila, bualu ndituku dia kuntumbisha.

Matayi 11:28

Vuayi kundi, nuenu bonsu badi bapungile ne bujitu bunudi nuambula. Meme nelumpeteshe dikisha.

Bienzedi 10:4

Korneliyuse kutangila mutumibue wa Mvidi Mukulu ne bowa, kumuebeja ne: — Mukalenga, udi wamba bishi? Mutumibue kuandamuna ne: — Mvidi Mukulu udi ukuvuluka, ukuanyisha bua dimutendelela diebe, kabidi ne bua bintu biudi upesha bapele.

1 Korente 15:52

mu katupa kipi, mu mubunyi wa disu, padila mpungi wa ndekelu. Bualu padibu bela mpungi awu, bafue nebabike ku lufu, bua bashale ne muoyi kashidi. Bonsu netuandamuke.

1 Tesalonike 4:16

Diba diatuma Mvidi Mukulu diyi, diela mutumibue wa mulongu mubandile lubila, muadi wa mpungi neumvuike. Mfumu neatuluke mu diulu. Nanku bantu bafue batekemene Kristu, nebadianjile kubiika ku bafue.

1 Tesalonike 4:18

Nusambangane nanku ne miaku eyi.

Yoshua 4:7

nubambile ne: “Pavua batuangaji basabuka musulu wa Yardene, bambula mushete wa ndondu wa Maweja-Nangila, mayi akimana. Eyowa, bobu basabuka Yardene ne mushete wa ndondu, mayi avua mimane. Nenku mabue aa adi ne bua kuvuluija bena Izrayele kashidi tshishima etshi.”

Yoshua 6:4

Batuangaji muanda mutekete nebadianjidile kumpala kua mushete wa tshijila. Mutuangaji yonsu neikale ne mpungi. Kadi dituku dia muanda mutekete, nenunyungulule tshimenga misangu muanda mutekete. Batuangaji nebikale benda bela mpungi.

Didimanyisha 22:17

Mueyelu wa Tshijila, ne Mukaji udi ubuela mu dibaka, badi bamba ne: “Luaku!” Udi mumvue muaku ewu, ambe kabidi ne: “Luaku!” Muntu udi ne nyota, asemene pabuipi. Muntu udi ujinga kunua mayi a muoyi, nebamupewu tshianana.

1 Samuele 20:5

Davide kumuandamuna ne: — Malaba ne kuikala tshibilu tshia dibala dia ngondu mupiamupia. Meme mvua ne bua kuikala ku didia dia tshibilu atshi didi mukalenga mulongolola. Kadi, anyisha bua meme kumuka malaba, ne dituku didi dilonda. Nennye kusokoma mu tshisuku too ne ku dilolu dia dituku dibidi adi.