Dibadika 1:53 - MUKANDA WA MYIDI MUKULU

⁵³ Kadi amu bena Levi, nebase mitanda yabu minyungulule nzubu wa tshijila. Amu bobu nkayabu nebenze mudimu munda mua nzubu awu. Bena Izrayele bakumbaje mikenji eyi, kabakumfikisha munda nansha.”

Mukanda wa Nzambi Dihungila Dikulukulu ne Dihungila Dihia-dihia 2003

⁵³ Kadi Bena Lewi nebashimike ntenta yabo minyunguluke nsubu wa tshitendelelu, bua mulau kaukuatshi Bena Isalele Bena Lewi nebabale nsubu wa tshitendelelu.

Dibadika 1:53 ပူးပေါင်းရင်းမြစ်များ

1 Kulondolola 23:32

Nebalame bimpe ntenta wa kusambakena ne muaba wa tshijila. Bana babu bakuabu ba ku ndelanganyi ya Arone nebashale ne mudimu wa mu nzubu wa Maweja-Nangila.

2 Kulondolola 13:10

Kadi, tuetu tudi ne wetu Mvidi Mukulu, ke Maweja-Nangila! Tuetu katuena bamubenge to. Kuetu, batuangaji badi benzela Maweja-Nangila mudimu, badi ba ku ndelanganyi ya Arone, ne bena Levi kabidi badi benza mudimu wabu mubafundile.

2 Kulondolola 13:11

Dinda ne dilolu badi balambula Maweja-Nangila, milambu ya kuosha ne ya manananshi. Mampa adibu balambula Maweja-Nangila, badi baateka pa mesa a tshijila. Dilolu dionsu badi batemesha miendu idi pa tshitekelu tshia miendu tshia tshiamu tshia mpawungi. Tudi tukumbaja mudimu wa Maweja-Nangila anu mudiwu. Kadi nuenu nudi babenge Mvidi Mukulu mulelela.

Yirmeya 23:15

Maweja-Nangila wa bukole buonsu udi wamba bua bambi ne: “Nembadishe bintu bia bululu, nembanuishe mayi a lulengu ku bukole. Bualu bambi ba mu Yerushalayime badi mpokolu wa malu mabi, adi anyanga ditunga dijima.”

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Lewitiki 10:6

Moshe kubikila Elazare ne Itamare, bana ba balume ba Arone, pamue ne Arone mene. Kubambilaye ne: — Kanuteki madilu to. Longololayi nsuki yenu bimpe. Kanupandi bilamba bienu, bu bantu badi mu madilu, bualu nudi mua kufua, kabidi Maweja-Nangila udi mua kufikila bantu bonsu munda. Kadi bena Izrayele bakuabu bonsu bateke madilu bua bantu bavua Maweja-Nangila mushidishe ne kapia.

Dibadika 1:50

Neubapeshe mudimu wa kulama nzubu wa tshijila, muaba udibu bateke mukanda wa ndondu, bintu bionsu bia kuasa nabi nzubu awu, nansha bintu bia kukuata nabi mudimu mu nzubu awu. Nebambule nzubu awu ne bintu biende bionsu. Nebenze mudimu mu nzubu awu. Kabidi nebase mitanda yabu minyungulule nzubu awu.

Dibadika 1:54

Bena Izrayele kukumbaja bionsu bivua Maweja-Nangila muambile Moshe.

Dibadika 16:9

Padi Maweja-Nangila Mvidi Mukulu wa bena Izrayele munusungule munkatshi mua bena Izrayele bakuabu bua nuenu kusemena pabuipi nende, kuenza mudimu muaba wa tshijila, kuyukila nende mu dina dia bena Izrayele bonsu, ki mbualu bunene budiye munuenzele anyi?

Dibadika 17:7

Bena Izrayele kudikunguja muaba uvua Moshe ne Arone. Kadi pavuabu batangile ku ntenta wa kusambakena, kumonabu muvua divuba dileja butumbi bua Maweja-Nangila dibuikila ntenta.

Dibadika 2:17

“Pashishe bena Levi nebumuke, bambule ntenta wa kusambakena. Nebende pankatshi pa biluilu binayi, bibidi kumpala, bibidi kunyima kuabu. Nebalondangane muntu yonsu mu mulongu wende, ku tshisumbu ne ku tshisumbu, bilondeshile muaba uvuabu base mitanda yabu, balonda dibendela dia tshisamba tshiabu.

Dibadika 3:23

Bena Ngershone bavua base mitanda yabu kunyima kua nzubu wa tshijila, luseke ludi diba dibuelela.

Dibadika 3:29

Bena tshisamba etshi tshia Kekate, bavua base mitanda yabu, luseke lua kuinshi kua nzubu wa tshijila.

Dibadika 3:35

Bena tshisamba tshia Merari bavua base luseke lua ku mutu kua nzubu wa tshijila. Mfumu wabu uvua Suriyele, muana wa Abikayile.

Dibadika 3:38

Moshe ne Arone ne bana bende bavua base mitanda yabu luseke ludi diba dipatukila lua muaba wa tshijila, kumpala kua tshibuelelu tshia muaba awu. Bavua benza mudimu muaba wa tshijila mu dina dia bena Izrayele bonsu. Muntu yonsu uvua musue kuenza mudimu muaba awu, kayi mutuangaji, bavua ne bua kumushipa.

Dibadika 31:30

Kadi ku bintu bionsu bidibu bangate kudi bena Izrayele bakuabu, pa bantu makumi atanu nungumushile muntu umue, ne pa nyama makumi atanu nungumushile nyama umue: ngombe umue, mpunde umue, mukoku umue ne tshimuna tshikuabu tshionsu anu tshimue. Bena Levi badi benza mudimu wa kulama nzubu wanyi wa tshijila bangate bintu abi.

Dibadika 31:47

Nanku ku bantu ne bintu bionsu bivuabu babanyine bena Izrayele, Moshe kumusha muntu umue ku bantu makumi atanu, ne nyama umue ku nyama makumi atanu. Kupeshaye bena Levi bavua benza mudimu mu nzubu wa Mvidi Mukulu bintu abi, bu muvua Maweja-Nangila mumane kuamba.

Dibadika 8:19

Ndi mubapeshe Arone ne bana bende ba balume bua babambuluishe mu dina dia bena Izrayele bakuabu bonsu. Nebenze mudimu mu ntenta wa kusambakena pa muaba wa bena Izrayele bonsu, bua kukobolola bena Izrayele. Nanku tshiakuikala kabidi ne tshilumbu tshia kunyoka bena Izrayele badi basemena pabuipi ne muaba wa tshijila to.”

2 Timote 4:2

longesha bantu Muaku wa Mvidi Mukulu. Amba amu kuamba, nansha mu tshikondu tshimpe, nansha mu tshikondu tshibi. Itabijija bantu. Ubabele, ubakoleshe ku muoyi, ubalongeshe ne lutuulu, kuyi upungila.

1 Samuele 6:19

Kadi Maweja-Nangila kunyoka bena tshimenga tshia Bete-Shemeshe, bualu bavua batangila mushete wa tshijila. Kushipaye bantu balume makumi muanda mutekete munkatshi muabu. Nanku bantu bavua bashala, kuenzabu madilu, bualu Maweja-Nangila uvua mubanyoka bikole.