Dibadika 1:4 - MUKANDA WA MYIDI MUKULU

⁴ Nuangate mfumu wa diku ku tshisamba tshionsu bua anuambuluishe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nuye bienu ne muntu wa mu tshisamba muntu wa mu tshisamba, muntu yonso udi ku mutu kua nsubu wa batatuʼabo.

Dibadika 1:4 ပူးပေါင်းရင်းမြစ်များ

1 Bakalenga 8:1

Diba adi, mukalenga Shelomu kubikila bakulu ba bena Izrayele bonsu, bamfumu bavua ku mutu kua bisamba, ne bavua ku mutu kua meku a kale onsu. Kufikabu mu Yerushalayime, muaba uvua mukalenga Shelomu, bua kuambula mushete wa ndondu wa Maweja-Nangila uvua mu Tshimenga tshia Davide, tshivuabu kabidi babikila ne: Siyone, ne bua kuya kuuteka mu nzubu wa Mvidi Mukulu.

Ekesode 18:21

Pashishe, usungule bantu ba nsongu badi batshina Mvidi Mukulu munkatshi mua bena Izrayele. Bantu badi bamba malu malelela, babenga mabuejila ubateke bakulu badi ku mutu kua bantu tshinunu, lukama, makumi atanu too ne kua bantu dikumi.

Ekesode 18:25

Kusungulaye bantu bashindame munkatshi mua bena Izrayele. Kubatekaye bakulu badi ku mutu kua bantu tshinunu, lukama, makumi atanu too ne ku kua bantu dikumi.

Dibadika 1:16

Ke mena a bamfumu ba meku bavuabu basungule balombodi ba bena mvita ba mu bena Izrayele.

Dibadika 17:3

Mbabula ayi, ivua ya bena tshibawu bamane kufua bua buenzavi buabu. Nanku bu mudibu bamane kundambula meme Maweja-Nangila mbabula ayi, nuyifule nuenze nayi bitata bia kubuikila ku tshilambuilu. Bitata abi nebishale tshivulukilu kudi bena Izrayele.

Dibadika 25:14

Muena Izrayele uvuabu bashipe pamue ne mukaji wa bena Madiyane awu, uvua Zimri, muana wa Salu, umue wa ku bakulu ba diku dia bena Shimeyone.

Dibadika 25:4

Kuambilaye Moshe ne: — Owe kumpala kuanyi bamfumu ba bena Izrayele bonsu, batangile diba, bua kujikija tshiiji tshianyi. Bualu mvua munufikile munda.

Dibadika 30:1

Moshe kumanyisha bena Izrayele bionsu bivua Maweja-Nangila mumuambile.

Dibadika 4:34

Nanku, Moshe ne Arone ne balombodi ba bena Izrayele, kubadika bantu ba bisamba bisatu bia bena Levi: tshisamba tshia Ngershone, tshia Kekate ne tshia Merari, bilondeshile meku abu ne bisamba biabu. Kufundabu mena a bantu balume bonsu bavua ne bidimu bituadije ku makumi asatu too ne ku makumi atanu, bavua ne bua kuenza midimu mishilangane ya mu ntenta wa kusambakena. Bantu bonsu bavuabu babadike, bu muvua Maweja-Nangila muambile Moshe, bavua bungi nunku: bena Kekate bavua 2.750; bena Ngershone bavua 2.630; bena Merari bavua 3.200; bena Levi bonsu bavua 8.580.

Dibadika 7:2

Diba adi bamfumu ba bisamba bia bena Izrayele bavua balombola dibadika dia bantu, kufika ne milambu yabu.

Dielulula 1:15

Nanku bua kunulombola, mvua mubikidishe bantu bashindame, ba lumu luimpe, bavua bamane kuikala ne midimu mikuabu mu bisamba bienu. Meme kuteka bua bikale bamfumu, banulombola mu bisumbu bia bantu tshinunu, lukama nansha makumi atanu, too ne ku bia bantu dikumi. Meme kuteka bena Izrayele bakuabu ku mudimu wa kuludika bantu ku tshisamba tshienu tshionsu.

Yoshua 22:14

Kuyabu kumufila kudi balombodi ba bena Izrayele dikumi, mulombodi umue ku tshisamba tshionsu. Balombodi bonsu abu bavua bamfumu ba biota mu bisamba bia bena Izrayele.