Danyele 9:9 - MUKANDA WA MYIDI MUKULU

⁹ Kadi wewe Maweja-Nangila, Mvidi Mukulu wetu, bu muudi utunanga, udi utufuila luse, nansha tuetu bakutombokele.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kudi Mukelenge Nzambi wetu kudi luse ne kujimisha kua mibi yetu, bualu bua tuakumutombokela.

Danyele 9:9 ပူးပေါင်းရင်းမြစ်များ

2 Samuele 24:14

Davide kuandamuna ne: — Ndi munkatshi mua dikenga dikole…Kadi, ndi musue kushala anu mu bianza bia Maweja-Nangila pa mutu pa kuikala mu bianza bia bantu. Bualu Maweja-Nangila udi ne luse.

1 Bakalenga 8:30

Teleja mundi nkubikila, ne mudi bantu bebe bena Izrayele bakubikila, batangila ku nzubu eku. Nanku, Maweja-Nangila, mu diulu muudi musombe, ututeleje, utujimijile mibi yetu.

Nehemya 9:31

Kadi bu mudi dinanga diebe kadiyi ndekelu, wewe kuena mubabutule to. Kuena mubalekele, bualu udi Mvidi Mukulu wa luse ne dinanga.

Misambu 130:4

Wewe udi ne luse, ke padi bantu bakunemeka.

Misambu 130:7

Bena Izrayele, Tekemenayi Maweja-Nangila, bualu udi muimpe, udi mua kunusungidila mishindu yonsu.

Misambu 62:12

Misangu mivule nkadi mumvue diyi dia Mvidi Mukulu, diamba ne: “Bukole buonsu budi amu kundi.”

Misambu 86:15

Kadi wewe, Maweja-Nangila, Mvidi Mukulu udi ufuila bantu luse, wa lutulu, muwule tente ne buimpe, ulama malaya ebe,

Misambu 86:5

Maweja-Nangila wewe udi muakane, udi ne muoyi wa kufuila bantu luse, ne wa kupesha badi bakubikila bintu.

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yeshaya 63:7

Ndi musue kuvuluija bantu muoyi mulenga udi Maweja-Nangila nawu. Ndi musue kumutumbisha, bua bionsu bidiye mutuenzele. Uvua muenzele tshisamba tshia Izrayele bimpe bitambe, bualu udi utshinanga kashidi, utshifuila luse misangu yonsu.

Yirmeya 14:7

Bulelela bilema bietu bidi bibipisha. Kadi wewe Maweja-Nangila, utuambuluishe, anu bua dina diebe wewe. Tudi bakuenzele bibi misangu mivule. Tudi bakutombokele.

Yezekiyele 20:13

Kadi bena Izrayele bavua bantombokela mu tshipela. Bavua balengulula mikenji yanyi. Bavua bapepeja meyi anyi adi afikisha muntu udi walama ku muoyi. Bavua banyange bikole dituku dia Dikisha. Nanku meme kuela meji tshiakabidi a kubajikijila tshiji tshianyi mu tshipela bua kubabutula.

Danyele 9:5

Tuvua babenge kuitaba diyi diebe. Tuvua benze malu mabi. Tudi bena tshibawu. Tuvua bakutombokele. Tuvua babenge mikenji yebe.

Danyele 9:6

Katuvua bateleje bivua bambi bena mudimu bebe, bambile bakalenga betu, bamfumu betu, batatuetu, ne bantu bakuabu bonsu, pavuabu babamanyishe malu mu dina diebe.

Danyele 9:7

Wewe Maweja-Nangila, kuena ne tshilema! Tuetu tudi ne bua kudipuekesha, bu mutudi tuenza lelu. Tuetu bonsu tudi ne bua kuenza nanku, ne badi mu Yerushalayime ne mu Yuda, ne bena Izrayele bakuabu bonsu badi pabuipi ne badi kule, ne badi batangalake mu matunga auvua mubatume bua dikutombokela diabu.

Danyele 9:8

Eyo, Maweja-Nangila wetu, tuetu, bakalenga betu, bamfumu betu, ne batatuetu, tudi tufua bundu, bualu tuvua babenge diyi diebe!

Yona 4:2

Kuambilaye Maweja-Nangila ne: — Kia! Maweja-Nangila, ke tshimvua ntshina etshi, pamvua kuetu. Ke mumvua munyeme bua kuya ku Tarshishe. Mvua mumane kumanya bimpe ne: wewe udi Mvidi Mukulu wa luse ne dinanga. Udi muena lutulu. Dinanga diebe kadiena ne ndekelu. Udi amu musue kulekela kukumbaja biuvua mukanyine nabi bantu.