Danyele 9:26 - MUKANDA WA MYIDI MUKULU

²⁶ Ku nshikidilu kua bidimu muanda mutekete bivudija misangu makumi asambombu ne ibidi ebi, nebashipe muntu wa tshijila, kakuyi udi umusungidila. Pashishe mfumu mukuabu neafike ne tshiluilu tshiende. Neabutule tshimenga ne muaba wa tshijila. Kadi mfumu ewu neajimine ku tshiji tshia Mvidi Mukulu. Kadi too ne ku lufu luende, nealuangane mvita ya tshinyangu bu muvuabu babijadike.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Hashika mbingu ai makumi asambombo ne ibidi, nebashihe muntu muedibue manyi ha mutu; kakuena muntu wahiana mudimu wandi. Bantu be mukokeshi ulualua nebashihe musoko ne tshitendelelu; nshikidilu wandi neikale bu kûla ne kuhasalala kua musulu wa mai. Bakujadika ne, Dibutuka nedikaleku tô ne hashika nvita.

Danyele 9:26 ပူးပေါင်းရင်းမြစ်များ

2 Samuele 21:5

Bena Ngibone kumuambila ne: — Shawule uvua musue kutujikija bonsu, kutubutula. Kavua musue bua muntu wa kutudi nansha umue ashale mu buloba bua bena Izrayele to.

Misambu 22:15

Bukole buanyi budi bupueka, bu mudi mayi atangalaka. Mifuba idi itukakana, muoyi wanyi wenguluka munda bu manyi.

Yeshaya 28:2

Kadi Maweja-Nangila neatume muntu udi ne bukole, udi mufuane mvula mukole wa mabue, nansha tshipupu tshidi tshinyangakaja bionsu. Udi bu mvula wa mudimbi, wa mayi mapasalala miaba yonsu. Maweja-Nangila udi olola tshianza, utonkola tshimenga panshi musangu umue.

Yeshaya 28:22

Nenku mpindiewu, lekelayi bilele bienu bibi, bua kabayi kukolesha majita a mionji ya mu nshingu yenu. Bualu Maweja-Nangila Mvidi Mukulu muena bukole buonsu, mmungambile ne: ndi mujadike bua kubutula ditunga dijima.

Yeshaya 53:8

Bavua bamukuata, bamulumbuluisha, baya nende bua kumushipa. Kadi uvua mua kumuakuila nnganyi? Bavua bamumbusha mu buloba bua ba muoyi, bamushipa, amu bua mibi ya bantu bende.

Yeshaya 8:7

Nenku nembueje mu ditunga diatshi, mayi a musulu wa Perate, mayi mapite bungi, a muenji mukole kabidi. Ke mukalenga wa Ashure, ne tshiluilu tshiende. Mayi a musulu wa Perate, neapasalale dia muamua ne dia munu.

Yirmeya 46:7

Udi wenda uya kumpala bu musulu wa Nile udi uwula, upasalala ne muenji mukole, nganyi mene awu?

Yirmeya 51:42

Mayi manene kufika too ne ku Babilone, kumubikila ne muenji mukole.

Danyele 11:10

“Bana ba balume ba mukalenga wa mu ditunga dia ku mutu Mbadilongolole ku mvita. Nebasangishe bena mvita bapite bungi. Umue wa kudibu neaye ne bena mvita bende. Neasambuke mikalu ne lubilu bu lua musulu wa mayi udi upasalala. Pashishe papinganaye mu ditunga diende, nealuishe tshimenga tshia baluishi tshivuabu bakoleshe ne bimana.

Danyele 11:17

Pashishe neapangadike bua kuleja bukole buonsu bua bukalenga buende. Neadileje ne budimu bu muntu udi musue kuenza bimpe. Neaseleshe muanende kudi mukalenga wa ditunga dia kuinshi, kadi muikale ne meji a kubutula ditunga dia muluishi wende. Kadi kakukumbaja bualu ebu to.

Danyele 11:22

Kakuena tshiluilu tshidi mua kumutshimuna. Neabutule biluilu bionsu. Neashipe kabidi mukalenga wa bena tshisamba tshia ndondu.

Danyele 11:36

“Mukalenga neenze mudiye musue. Neaditambishe. Neadimone bu udi ku mutu kua mvidie. Neadiwule Mvidi Mukulu wa mvidie yonsu ne meji mapite bubi. Neakume dikasa dimpe, too ne pamueneka tshiji tshia Mvidi Mukulu. Diba adi, Mvidi Mukulu neakumbaje tshivuaye mupangidi ke.

Danyele 9:27

Mu bidimu muanda mutekete bia ku nshikidilu, mfumu ewu neakengeshe tshisumbu tshinene tshia bantu bikole. Kunyima kua bidimu bisatu ne tshitupa, nealekeshe difila dia milambu ya kuosha, ne dia bintu bia pa madimi. Muena tshinyangu ewu neenze malu mabi ne lukasa luonsu, too ne diba didiye ufua lufu luvua Mvidi Mukulu mujadike.’ ”

Osheya 1:9

Maweja-Nangila kuambila Osheya ne: “Muana awu, umuinyike ne: Lowami, mmumue ne: Muenyi. Bualu nuenu bena Izrayele, kanuena kabidi bantu banyi. Meme tshiena kabidi wenu to.”

Amosa 8:8

Ke padi buloba buzakala, bonsu badi basombapu basa muadi. Buloba bujima nebubande, nebupueke, bu mudi musulu wa Nile mu Ejipitu.

Amosa 9:5

Maweja-Nangila Mvidi Mukulu wa bukole buonsu, udi ulenga buloba amu ne munu, bukadi buzakala, bukadi bubanda, bupueka, bu mayi mu musulu wa Nile, bonsu badi basombamu badila muadi.

Nahume 1:8

nansha mu dikenga dikole dipite. Kadi udi ubutula baluishi bende, ubatuma mu kandondu ka bafue.

Matayi 22:2

— Bukalenga bua mu diulu mbufuanangane ne mukalenga wa ditunga, uvua mulongoluele muanende wa balume didia dinene dia dibaka.

Matayi 22:7

Mukalenga kufika munda bikole. Kutumaye tshiluilu tshiende, bua kushipa bashipianganyi aba, ne kuosha tshimenga tshiabu.

Matayi 23:38

Nanku, nzubu wa Mvidi Mukulu wenu awu neashale munda mutupu!

Matayi 24:2

Kadi Yezu kubandamuna ne: — Nudi nukema bionsu ebi! Kadi ndi nnujadikila bulelela ne: ku nzubu ewu kakuakushala dibue diambata pa dikuabu to. Bionsu nebiupuke!

Marke 13:2

Yezu kumuandamuna ne: — Udi mumone nzubu minene eyi anyi? Kakuakushala dibue nansha dimue diambata pa dikuabu nansha, bionsu nebiupuke.

Marke 13:7

Panumvua mutoyi wa bantu bakula, kanupampakanyi nansha. Bidi bimpe bua bia nanku bienzeke, kadi ki nshikidilu wa panu nansha.

Marke 9:12

Yezu kubandamuna ne: — Bulelela, Eliya udi ne bua kudianjila kufika bua kulongolola malu onsu. Mudi Mukanda wa tshijila ujadika ne: nebakengeshe Muana wa muntu bikole, kabidi nebamupetule mbishi?

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Luke 21:6

— Matuku neakumbane adi bionsu binudi numona ebi ne bua kuupuka. Kakushala dibue ditentakaja pa dikuabu nansha.

Luke 24:26

Kristu kavua ne bua kudianza kukenga nanku, bua kubuela mu butumbi buende anyi?

Luke 24:46

Kubambilaye ne: — Bavua bafunde ne: Kristu udi ne bua kufua, pashishe kubiika ku lufu dituku disatu.

Yowanane 14:30

Tshiena mua kuyukila nenu kabidi bia bungi to. Bualu mfumu wa pa buloba ebu udi ulua. Kena mua kuntumina diyi to.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

1 Petro 2:21

Ke tshidi Mvidi Mukulu munubikidile, bualu Kristu kabidi uvua mukenge bualu buenu, munushile tshilejilu, bua nulonde makasa ende.

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.