Danyele 9:13 - MUKANDA WA MYIDI MUKULU

¹³ Maweja-Nangila Mvidi Mukulu wetu, makenga aa mmatukuate, bilondeshile mudibu bafunde mu mikenji ya Moshe. Kadi tuetu katuvua bakusengelele, bua utufuile luse. Katuena balekele mibi yetu. Katuena bangate meyi ebe ne mushinga.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Dikenga edi diakutukuata, bu muakafundabo mu mikenji ya Mose; katuena banze kulomba luse kudi Yehowa Nzambi wetu; katuena banze kulekela malu mabi etu ne katuakutumikila mei ebe a bushuwa.

Danyele 9:13 ပူးပေါင်းရင်းမြစ်များ

2 Bakalenga 22:16

“Maweja-Nangila Mvidi Mukulu wa bena Izrayele udi wamba ne: ‘Nennyoke tshimenga tshia Yerushalayime ne bantu bonsu badimu, anu bu mudibu bafunde mu mukanda uvua mukalenga wa bena Yuda mubale.

Yobe 36:13

Bantu badi babenga Mvidi Mukulu, badi bamufikisha munda, kabena bamusengelela nansha yeye mubanyoke.

Misambu 119:18

Tabaja mesu anyi, mmone malu a dikema adi mu mikenji yebe.

Misambu 119:27

Ungumvuije tshidi mikenji yebe yamba, ngelangane meji ku malu ebe a dikema.

Misambu 119:73

Bianza biebe mbimfumbe, mbinkoleshe, umpeshe lungenyi lua kujingulula nalu malu, mmanye mikenji yebe.

Misambu 85:4

Udi mulekele tshiji tshiebe, kuena musue kubafikila munda.

Yeshaya 31:1

Bantu badi baya mu Ejipitu bua kukeba diambuluisha, mbena diakabi! Badi batekemena ku nyama ya tubalu, ne ku matempu mavule a bena Ejipitu, ne ku babandi babu ba pa tubalu, bualu badi bilobu. Kadi kabena bakeba Mvidi Mukulu wa tshijila wa Izrayele. Kabena bakeba lungenyi kudi Maweja-Nangila.

Yeshaya 42:9

Malu amvua munumanyishe kumpala, akadi mamane kuenzeka. Ndi nnuambila malu mapiamapia mpindiewu. Ndi nnumanyishawu, kaayi manji kuenzeka.

Yeshaya 43:22

Maweja-Nangila udi wamba ne: “Wewe Izrayele, tshisamba tshia Yakobe, kuena muntendelele to. Meme nkavua mukutonde!

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Yeshaya 64:7

Kadi wewe, Maweja-Nangila, udi amu tatu wetu. Tuetu tudi diima. Wewe ke udi mutufumbe, tudi bonsu bintu biuvua muenze ku bianza biebe.

Yeshaya 9:13

Nenku Maweja-Nangila neanyoke bena Izrayele bonsu, bamfumu ne bantu babu, amu dituku dimue, amu mudibu bakose mutu ne mukila.

Yirmeya 2:30

Meme kununyoka, kadi kabiena binuenzela bualu to. Kanuena bateleja mibelu eyi. Kadi nuenu kushipa bambi benu, bu nyama ya ntambue ya lonji.

Yirmeya 30:14

Nansha bantu bavua bakunanga, kabena bakuvuluka kabidi to! Kakuena muntu udi ukufuila luse to. Bualu ndi mukunyoke, mudileje bu muluishi webe. Ndi mukutuute bibi.

Yirmeya 31:18

Mvua mumvue bena Efrayime badila muadi, bamba ne: “Maweja-Nangila, udi mutunyoke bikole, mudibu banyoka muana wa nyama wa ngombe wa balume, udibu kabayi banji kutekesha bimpe. Kadi mpindiewu utupingaje kuudi, bua tupingane kuudi bulelela, bualu wewe Maweja-Nangila ke udi Mvidi Mukulu wetu.

Yirmeya 44:23

‘Lelu dikenga didi dinukuata edi, ndifike bualu nudi nulambula mvidie ya bantu ba bisamba bikuabu milambu. Nudi bena tshibawu. Kanuena bateleje tshivua Maweja-Nangila munuambile. Kanuena balonde tshivuaye munulongeshe. Kanuvua bangate mikenji ne mibelu yende ne mushinga.

Yirmeya 44:27

Nennutumine dikenga. Tshiena nnutumina kabidi disanka to. Bena Yuda badi basombe kabidi mu Ejipitu nebafue bonsu, too ne wa ndekelu, ku mvita nansha ku tshiyole tshia nzala.

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Muadi 5:21

Utupingaje kuudi, Maweja-Nangila, bua tupingane kuudi bulelela. Utuakajile nsombelu wetu, bu muvuaye bangabanga.

Yezekiyele 16:43

Kuena muvuluke tshimvua mukuenzele ku buana buebe to. Udi mumfikishe munda ku bionsu biuvua muenze. Ke mundi ne bua kukunyoka bua buenzavi buebe! Meme Maweja-Nangila, ndi njadika bualu ebu. Kuvua musakidile buenzavi bua bundu ebu ku malu ebe mabi makuabu a kutendelela mvidie anyi?”

Danyele 9:11

Tshisamba tshijima tshia bena Izrayele tshiwa tshishipe mikenji yebe, tshisesuke ku malongesha ebe. Nanku milawu idi mifunda mu mikenji ya muena mudimu webe Moshe, yatukuatshi bua buntomboji buetu ebu.

Osheya 7:10

Ditambisha dia bena Izrayele, ke didi dibasonguela. Kadi, nansha bobu bamona makenga onsu aa, kabena bapingana kundi meme Maweja-Nangila Mvidi Mukulu wabu to.

Osheya 7:14

Bena Efrayime kabena bankeba ne muoyi mujima to. Padibu balala, badi badila muadi. Badi baditapa mputa pambidi bua kupeta ntete ya kuenza bukula mu madimi abu, nansha bua kupola tumuma tuvule tua mvinyo. Kadi badi amu bantombokela.

Osheya 7:7

Bonsu ne tshiji tshikole, bu kapia ka mu tshioshilu, badi bashipa balombodi babu. Bakalenga babu badi babutuka ku umue ku umue. Kadi muntu nansha umue kena mumbikile to.

Luke 24:45

Ke Yezu kubambuluisha bua bajingulule Mikanda ya tshijila.

Yowanane 10:35

Tudi bamanye ne: kabena mua kushipa tshidi Mukanda wa tshijila ujadika. Bavuaye umanyisha miaku yende, Mvidi Mukulu uvua mubinyike ne: mmvidie.

Yowanane 6:45

Bambi bavua bafunde ne: “Mvidi Mukulu neabalongeshe bonsu buabu.” Muntu yonsu udi uteleja Tatu, ulonga malu ende, udi ufika kundi.

Yowanane 8:32

Nanku nenumanye bulelela. Bulelela nebunuenze bantu badikadile.

Efeze 4:21

Bulelela, nuvua bumvue bamba, banulongesha malu ende. Nanku nudi ne bua kulonda njila mulelela wa Yezu.

Dielulula 29:4

Maweja-Nangila uvua munulombole mu tshipela bidimu makumi anayi, bilamba bienu, nansha bisabata bienu, kabiyi bisunsuke to.

Yakobe 1:5

Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.