Danyele 8:2 - MUKANDA WA MYIDI MUKULU

² Ke tshimvua mumone etshi: Mvua mu Shushane, tshimenga tshikulu tshia ditunga dia Elame, ku muelelu wa mukidi udi dina dia Ulayi.

Mukanda wa Nzambi Dihungila Dikulukulu ne Dihungila Dihia-dihia 2003

² Nakamona malu â mu tshikena kumona; hanakâmona, nakamanya ne, Ndi mu Shushana, luhangu lunene lua mukelenge lua mu province wa Elama; mu tshikena kumona atshi nakadimona hehi ne musulu wa Ulai.

Danyele 8:2 ပူးပေါင်းရင်းမြစ်များ

Genese 10:22

Bana ba balume ba Sheme badi: Elame, Ashure, Arpakshade, Lude ne Arame.

Genese 14:1

Mu tshikondu atshi, bakalenga banayi, Amrafele, mukalenga wabena Babilone, Ariyoke, mukalenga wa bena Elazare, Kedorlayomere, mukalenga wa bena Elame, ne Tidale, mukalenga wa bena Ngoyime,

Nehemya 1:1

Telejayi malu adi Nehemya, muana wa Akalya, muenze. Badi bamanyisha Nehemya malu a mu Yerushalayime Artashasta mumane kushala mu bukalenga bidimu makumi abidi, mu ngondu wa Kislewu, meme Nehemya mvua musombe mu Shushane, tshimenga tshinene tshia bukalenga, tshiyuabu bakoleshe ne bimana.

Estere 1:2

Mu tshidimu tshisatu tshia bukalenga buende, pa mukuna wa Shushane, mu nzubu wende wa bukalenga, mukalenga Ahashaveroshe uvua mulongolole didia dinene bua bonsu bavua ne mianzu mu bukalenga buende, ne bua balombodi ba ditunga. Uvua musangishe balombodi ba tshiluilu tshia bena Persa ne tshia bena Madayi, balombodi ba mu bukalenga, ne bamfumu ba matunga.

Estere 2:8

Bantu bamane kumvua diyi dia bukalenga, kusangishabu nsongakaji mivule mu tshimenga tshia Shushane. Munkatshi muabu muvua Estere. Kuyabu nende, pamue ne bakuabu, mu lupangu lua bukalenga. Bavua babalama kudi Egayi, mulami wa lupangu lua bakaji.

Estere 3:15

Bantu bavua mukalenga mutume kuya lukasa. Pashishe kumanyishabu bantu bonsu bavua basomba pa mukuna wa Shushane bualu. Diba adi, mukalenga ne Amane kuya kunua maluvu, kadi bena mu tshimenga tshia Shushane bavua ne kanyinganyinga kakole.

Estere 7:6

Estere kuandamuna ne: — Muluishi wetu, kabidi mushipianganyi muena tshikisu, ke Amane. Amane kuzakala bikole kumpala kua mukalenga ne kua mukalenga mukaji.

Estere 8:15

Mordekayi kupatuka mu nzubu wa mukalenga muvuale tshilamba tshia bukalenga tshifikuluke, tshitoke, mutentakaje tshinkutu tshia buanda bukunze. Uvua muase kabidi tshifulu tshinene tshia mpawungi. Bena mu tshimenga tshia Shushane bavua bela tunkunduluila ne bibingu bia disanka.

Estere 9:11

Amu dituku adi, bobu kumanyisha mukalenga Ahashaveroshe bungi bua bantu bavuabu bashipe pa mukuna wa Shushane.

Estere 9:15

Musangu awu bena Yuda bavua basangila kabidi mu tshimenga tshia Shushane mu matuku dikumi ne anayi a ngondu wa Adare. Bavua bashipa bantu nkama isatu mu tshimenga. Kadi kabavua bapawula bintu biabu to.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 21:2

— Maweja-Nangila kundeja mu tshilota, bualu bua dikema, buenza bowa. Uvua wamba ne: “Bakengeshanganyi badi amu bakengeshangana, babutudianganyi badi amu babutulangana. Bena Elame, bangayi mvita! Bena Madayi, luishayi tshimenga! Tshiena musue bua bena Babilone batuishe kabidi bantu mikemu.”

Yirmeya 25:25

— ke bakalenga bonsu ba mu Zimri, ba mu Elame, ne bena Madayi;

Yezekiyele 1:1

Mu matuku atanu a ngondu muinayi wa tshidimu tshianyi tshia makumi asatu, meme Yezekiyele, muana wa mutuangaji Buzi, mvua musombe munkatshi mua bena tshimuangi ba bena Yuda, batata ku muelelu wa musulu wa Kebare. Meme kumona diulu diunzuluka, Maweja-Nangila undeja malu.

Yezekiyele 32:24

“Mukalenga wa bena Elame udi muaba awu ne tshiluilu tshiende. Lukita luende ludi munkatshi mua nkita ya bena mvita bende bonsu bafuile mu mvita. Bantu aba, bavua bakuatshisha bantu bowa pa buloba, badi lelu mu kandondu ka bafue. Badi bumvua bundu, bualu badi balala pamue ne bantu bafue bakuabu ba patupu.

Danyele 10:4

Dituku dia makumi abidi ne dinayi dia ngondu wa kumpala, mvua ku muelelu wa musulu munene wa Tigre.

Danyele 7:15

“Meme Daniyele, bowa kunkuata. Muoyi wanyi kulubakana munda, bualu malu avua Mvidi Mukulu undeja avua ankuatshisha bowa.

Danyele 7:2

“Butuku mvua mumone Mvidi Mukulu undeja lupepele lufumina ku ntengu inayi ya buloba, lupepa pa mayi manene.

Danyele 8:1

“Mu tshidimu tshisatu tshia bukalenga bua Baltazare, meme Daniyele, mvua mumone bualu bupiabupia budi Mvidi Mukulu mundeje kunyima kua bumvua mumone kumpala.

Danyele 8:3

Ntangila, meme kumona tshimpanga tshimane, tshitangilangane ne mukidi awu. Tshivua ne nsengu ibidi mile. Lusengu luvua lumene kunyima lututa lupite lukuabu bule.

Dibadika 12:6

Maweja-Nangila kubambila ne: — Nuteleje bimpe tshindi nnuambila. Pikala muntu wa kunudi muambi, meme Maweja-Nangila nendimanyishe kudiye, mmuleje malu mu lungenyi, nansha mu tshilota.

Ebrewu 1:1

Ku kale, Mvidi Mukulu uvua muambile bankambua hetu malu misangu ne misangu, kabidi mishindu ne mishindu kudi bambi.

Didimanyisha 9:17

Kundejabu tubalu ne basolayi bavua babandepu. Bavua ne tuzaku tua mvita tukunze bu kapia, tua lubidibidi bu mabue a safire, ne tua kalabi bu mvuanda. Mitu ya tubalu ivua bu ya nyama ya ntambue. Mukana muayi muvua mupatuka kapia, muinshi ne mvuanda.