Danyele 8:12 - MUKANDA WA MYIDI MUKULU

¹² Bakalupesha bia mu diulu, bishale ku bumfumu bualu. Kubengalu mulambu wa kuosha ne wa buatshia buatshia, bua muoyi mubi mmalu nawu. Lusengu kubenga ditendelela diakane dia Mvidi Mukulu. Malu onsu avualu luenza avua akumbana.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bakafila musumba wa mu diulu ne mulambu wa kuosha wa buatshia-buatshia kudilu, bualu bua ditombokela Nzambi. Luakela malu a bushuwa hanshi, luakenza bu muakadilu lusue kuenza, luakatuta dikasa dimpe.

Danyele 8:12 ပူးပေါင်းရင်းမြစ်များ

Yobe 12:6

Bena tshikisu badi basomba kabayi bapampakana. Badi bajula tshiji tshia Mvidi Mukulu badi ne ditalala. Bukole buabu ke wabu mvidie, kabena bamanye mvidie mukuabu.

Misambu 119:142

Buakane buebe mbua kashidi, mikenji yebe kabena mua kuyishintulula.

Misambu 119:43

Kumbushi malu malelela mukana muanyi, bualu ndi ngindila mapangadika ebe.

Misambu 28:5

Kabena bamona bidi Maweja-Nangila wenza. Nanku Maweja-Nangila abanyoke, ababutule!

Yeshaya 59:14

Nenku bantu kabena benza bimpe to. Kabena bakumbaja bidi Mvidi Mukulu musue. Mu bisalu kamuena kabidi muntu wa muoyi muimpe, kamuena udi wamba malu patoke.

Yirmeya 12:1

Maweja-Nangila wewe udi amu mubinge, tshiena mua kukuasa tshilumbu. Kadi ndi musue anu kukuela lukonku pa malu audi wenza. Mudi bantu badi kabayi balonda mikenji yebe bapeta dikasa dimpe mmunyi? Badi bakutombokela badi basomba talalaa bua tshinyi?

Danyele 11:28

Mukalenga wa ditunga dia ku mutu neaye mu ditunga diende ne bubanji bua bungi. Mu luendu alu neenzele tshisamba tshidi tshitue ndondu wa tshijila mudiye musue. Pashishe neapingane mu ditunga diende.

Danyele 7:21

Pamvua ntangila, lusengu alu luvua luluangane ne tshisamba tshia tshijila, lutshitshimuna.

Danyele 8:4

Meme kumona tshimpanga tshikuma nsengu ku luseke ludi diba dibuelela, ku luseke ludi ku mutu ne lua kuinshi kua ditunga. Kakutua nyama mukuabu utua mua kutshituila nkanana. Kakuvua muntu utua mua kudipandisha ku bumfumu buatshi. Tshimpanga atshi tshitua tshienza muatshi mutuatshi tshisue. Bukole buatshi buvua buenda budiunda.

Didimanyisha 13:7

Bavua banyishe bua nyama aluishe bena tshisamba tshia Mvidi Mukulu, abatshimune. Uvua mupete bumfumu bua kulombola bantu bonsu, ba bisamba bionsu, ba miakulu yonsu, ne ba mu matunga onsu.

1 Samuele 23:9

Davide kumvua lumu ne: Shawule mmumuelele tshifufu tshibi. Nanku, kutumaye diyi bua mutuangaji Abiyatare afike ne bintu bia tshijila bua kukonkabu Mvidi Mukulu bualu abu.