Danyele 7:4 - MUKANDA WA MYIDI MUKULU

⁴ Nyama wa kumpala uvua mufuanangane ne ntambue, kadi uvua ne mapuapua bu nyunyi wa tshiminyi. Pantshivua mutangile, kutulabu mapuapua ende. Kumuelabu panshi, kumuimanyika pa mikonu ibidi ya nyima bu muntu. Kupetaye lungenyi lua muntu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Wa ku mpala wakadi bu nyama wa ntambue, wakadi ne mahuahua bu nyunyu wa mukanku. Hanakadi ntangila, bakatula mahuahua andi, bakamujula hanshi, bakamuimanyika ku makasa abidi bu muntu, bakamuha mutshima bu wa muntu.

Danyele 7:4 ပူးပေါင်းရင်းမြစ်များ

2 Samuele 1:23

Matuku abu onsu Shawule ne Yonatane bavua banangangana bikole. Dia lufu luabu, kabena bashiyangana. Bavua banyema lubilu, bapite biminyi. Bukitu buabu buvua bupite bua ntambue.

Yobe 25:6

kadi muntu udi amu kishi, udi anu musanda! Nanku udi mua kuikala ne mushinga ku mesu a Mvidi Mukulu anyi?

Misambu 9:20

Maweja-Nangila juka, muntu kalupitshi bukole! Bikila bisamba bidi bikubenga, ubilumbuluishe.

Yirmeya 25:38

Maweja-Nangila udi mushiye ditunga diende, mudi nyama wa ntambue ushiya muaba utuye ulala. Ditunga diabu ndiandamuke tshipela, bualu bua mvita mibi, ne bua tshiji tshikole tshivua Maweja-Nangila natshi.

Yirmeya 4:13

Monayi mubishi udi ubanda, bu mavuba a mvula wa tshipupu. Matempu ende a mvita adi anyema lubilu bu mvunde. Nyama yende ya tubalu idi inyema mipite nyunyi wa tshiminyi ku lubilu. Tuajiminyi, tuabutuku!

Yirmeya 4:7

Nyama wa ntambue kupatuka, ufumina mu tshipuka muvuaye. Mubutudi wa bisamba bia bantu udi mu njila. mMumbuke mu diende ditunga bua kunyangakaja ditunga dienu. Bimenga bienu nebibutuke, nebishale munda mutupu.

Yirmeya 48:40

Maweja-Nangila udi wamba ne: “Baluishi badi bajemba padi bena Mowabe, mudi nyunyi ya mikanku ijemba mulu.”

Yirmeya 49:19

Maweja-Nangila udi wamba ne: “Nengikale bu nyama wa ntambue, udi upatuka mu metu adi ku muelelu wa Yardene, uya muaba muimpe wa kuikishila mu tshipela, muaba utshidi ne biakudia. Nennyemeshe bantu bonsu badi muaba awu musangu umue. Mu ditunga dia Edome nenteke mukalenga undi musungule. Bualu, udi mutufuane meme nnganyi? Udi mua kungasa tshilumbu nnganyi? Mulombodi udi mua kuntuila nkanana udiku anyi?”

Muadi 4:19

Batukengeshi betu badi ne lubilu lupite lua nyunyi wa tshiminyi udi ubuka mulu. Badi batuipata pa mikuna, batualamina miaba idi kayiyi bantu.

Yezekiyele 17:3

Ubambile ne: Maweja-Nangila Mvidi Mukulu, ke udi unuelela lusumuinu elu. Lusumuinu elu ludi nenku: “Kuvua nyunyi wa tshiminyi munene mupite. Uvua ne mapuapua manene, masala male a bungi, mikale makalu makalu. Uvua ubuka uya kuikila ku mikuna ya Lebanone. Kukosayemu lutonga lua mutshi wa Sedre,

Yezekiyele 28:2

— Muntu, umanyishe mukalenga wa bena Tire bindi meme Maweja-Nangila mmuambila ne: “Muoyi webe uvua ulunduka ne ditambisha. Uvua wamba ne:

Yezekiyele 28:9

Padibu bafika bua kukushipa, newambe kabidi ne: ndi mvidie anyi? Udi muntu patupu! Bumvidie buebe kabuakumueneka diba didi bashipianganyi bakakuata.

Danyele 2:38

Mmukuteke ku mutu kua bukua bantu, kua nyama ya mu mpata, ne kua nyunyi ya mulu. Udi mfumu wabi miaba yonsu idibi. Mukalenga, mutu wa tshiamu tshia mpawungi ke wewe!

Danyele 7:12

Kunyengabu nyama mikuabu bukalenga buayi. Kadi kuyishiyabu ne muoyi matuku mavule.

Danyele 7:5

Nyama muibidi uvua mufuanangane ne nyama wa urse, uvua mulale mu kaseka, musume mbadi isatu ku menu. Kumutuminabu diyi bua ajuke bimpe, adie munyinyi wa bungi.

Matayi 24:28

Padi tshitalu, ke padi nyunyi ya mikanku idisangisha.

Dielulula 28:49

Maweja-Nangila neanutumine baluishi, bafume kule ku ndekelu wa buloba, banudi kanuyi bamanye muakulu wabu. Maweja-Nangila neele bantu abu munkatshi muenu, bu mudi nyunyi wa tshiminyi wikila pa biakudia biende.

Didimanyisha 13:2

Nyama umvua mumone uvua bu nkashama, mikolu yende bu ya nyama wa urse, ne mukana muende bu mua ntambue. Nyoka wa tshidika uvua mumupeshe bukole buende, nkuasa wende wa bukalenga, ne bumfumu buende bunene.