Danyele 7:19 - MUKANDA WA MYIDI MUKULU

¹⁹ Pashishe mvua musue kumanya bualu bua nyama muinayi, uvua mushilangane menemene ne nyama isatu. Ke uvua upita kukuatshisha bantu bowa, muikale ne menu a tshiamu, nzadi ya tshiamu tshikunze. Uvua udia, usunsula bintu bivuaye mukuate, udiatakaja bivuaye kayi udia.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Hashishe, nakasua kumanya dî dia bushuwa bualu bua nyama au muinai wakadi mushilangane ne mikuabo yonso, uhita kukuatshisha bantu buowa, muikale ne menu a tshiamu tshifike ne nzadi ya tshiamu tshia mitaku; wakadia bintu biakakuateye, wakabitshibula bituha bituha, wakadiata bikuabo muinshi mua makama andi.

Danyele 7:19 ပူးပေါင်းရင်းမြစ်များ

Danyele 7:20

Mvua musue kumanya bualu bua nsengu dikumi ivua nayi nyama ku mutu; lusengu lukuabu luvua lumena, lutula nsengu mikuabu isatu. Lusengu alu luvua ne mesu, kabidi ne mukana muvua muakule miaku ya ditambisha. Luvua lumueneka bu lupite nsengu mikuabu bunene.

Danyele 7:7

Pashishe meme kujoja bimpe malu avua Mvidi Mukulu undeja butuku: nyama muinayi umvua mumone, uvua ukuatshisha bowa, uvua ne lonji, kabidi ne bukole bua pa buabu. Uvua ne menu manene a tshiamu, bua kudia ne kusunsula bintu bivuaye ukuata. Uvua udiatakaja bintu bi-vuaye kayi udia. Uvua mushilangane menemene ne nyama isatu ya kumpala eyi. Uvua kabidi ne nsengu dikumi.

Danyele 7:8

Pamvua nkenketa nsengu eyi bimpe, lusengu lupialupia lupite bukese, kumenalu munkatshi mua mikuabu. Kutulalu nsengu isatu mikuabu. Lusengu lupialupia luvua ne mesu bu a muntu, luvua ne mukana, luakula malu a ditambisha.