Danyele 5:7 - MUKANDA WA MYIDI MUKULU

⁷ Mukalenga kuela diyi dikole ne: bafike ne bena meji ba mu Babilone, benji ba majimbu, bena bilengulengu ne bamanyi ba malu a mitotu. Kubambilaye ne: — Muntu yonsu wabala tshidibu bafunda etshi, watshinjinguluila, nebamuvuadike bilamba bia lumu. Nebamuele mabue a tshiamu tshia mpawungi mu nshingu. Neikale umue wa ku balombodi banene ba mu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mukelenge wakela dî dikole ne, Balue ne bamanyi ba malu a mitoto, Bena Kasada, ne batempi ba mbuku. Mukelenge wakambila bena meji ba mu Babulona ne, Muntu yonso wabala tshifundu etshi, wandesha dijingulula diatshi nebamuluatshishe bilulu bikunzubile, nebamuele lukanu lua or mu nshingu muandi, nebamuteke bu muisatu munkatshi mua bakokeshi na bukelenge ebu.

Danyele 5:7 ပူးပေါင်းရင်းမြစ်များ

Genese 41:8

Butshia dinda, mukalenga kupampakana bikole bua bilota abi. Kubikidisha benji ba majimbu bonsu ne bena meji ba mu ditunga diende, ubawila bilota abi. Kadi kakuvua muntu nansha umue uvua mua kumujinguluila bilota abi to.

Estere 3:1

Matuku makese mamane kupita, mukalenga Ahashaveroshe kubandisha Amane, muana wa Amedata, wa ku ndelanganyi ya Agaje, muanzu wa mulombodi wa kumpala mu ditunga.

Ekesode 7:11

Mukalenga wa bena Ejipitu kubikila bena meji ne benji ba bilengulengu ne majimbu ba mu Ejipitu. Kuenzabu pabu tshishima atshi.

Nsumuinu 1:9

Yoyi neikupe lumu bu nsala wa kalumbandi muasa ku mutu, nansha bu mabue a busanga adibu bela mu nshingu.

Musambu wa Solomo 1:10

Tukanu mudi muele ku matshi ntulengeje matama ebe. Mabue a busanga mmalengeje nshingu webe.

Yeshaya 47:13

Udi upungila patupu, kuyi upeta tshintu, ukonka badi bamanye malu a mitotu. Bantu aba badi bakosolola diulu mu bitupa, bajoja mabulunge, bamanyisha ku ngondu ku ngondu bidi mua kukukuata, bamueneke, badileje tumone, bavue kukusungidila!

Yirmeya 50:35

Maweja-Nangila udi wamba ne: Bashipe bena Babilone, bashipe bantu ba mu tshimenga tshinene, bashipe balombodi ba mu bukalenga ne bena meji.

Yezekiyele 16:11

Meme kukuvuadika bilengejilu. Meme kukuela bikanu ku maboku, ne mabue mu nshingu.

Danyele 1:20

Pa malu onsu avua mukalenga ubakonka, avua atangila meji ne lungenyi, uvua ubasangana bapite misangu dikumi bena majimbu ne bena mbuku ba mu bukalenga buende.

Danyele 1:4

Nsongalume ayi ikale ne bukole bua mubidi, kayiyi ne bulema pambidi, ya mubidi mulenga, ya bukole, ya meji, ya dimanya dikumbane, ne ya lungenyi lutue lua kujingulula nalu malu, bua benzele mukalenga mudimu mu nzubu wende wa bukalenga. Nebabalongeshe mua kuakula ne kufunda muakulu wa bena Babilone.

Danyele 2:2

Mukalenga kubikidisha babuki ba mbuku, benji ba majimbu, bapaki ba manga ne bena bilengulengu, bua kumujinguluilabu tshilota tshiende. Kufikabu, kuimanabu kumpala kua mukalenga.

Danyele 2:27

Daniyele kumuandamuna ne: — Mukalenga, bualu busokome buudi webeja, mbualu budi bena meji, bena bilengulengu, bamanyi ba malu a mitotu, bena majimbu, ne babuki ba mbuku, kabayi mua kujingulula.

Danyele 2:48

Pashishe mukalenga kupesha Daniyele mianzu minene, ne bintu bia disanka bia bungi, bia mushinga mukole. Kumutekaye mulombodi wa buloba bua Babilone, kabidi mfumu munene wa bena meji bonsu ba mu Babilone.

Danyele 2:6

Kadi nuenu bangambila tshilota tshianyi, nennupeshe bintu bivule. Nenuikale kabidi ne lumu lunene. Nenku nungambile tshindi mulote, nutshingumvuije.

Danyele 4:14

Batumibue ba Mvidi Mukulu kufikisha dipangadika edi, bua bantu bonsu badi ne muoyi bamanye ne: Mvidi Mukulu, Muena kulu, udi mfumu wa makalenga a bantu. Udi upesha muntu udiye musue bukalenga. Udi mua kubupesha nansha muntu udi mushadile ku bonsu.

Danyele 5:11

Kudi muntu mu bukalenga buebe udi ne mueyelu wa mvidie ya tshijila. Mu tshikondu tshia tatuebe, bakasangana muntu awu muikale udianza kumona malu, muikale ne lungenyi ne meji bu bidi mvidie nabi. Ke pavua tatuebe, mukalenga Nebukadnesare, mumuteke mfumu wa babuki ba mbuku, wa benji ba majimbu, wa bena bilengulengu ne bajinguludi ba malu a mitotu.

Danyele 5:15

Bavua bantuadile bena meji ne benji ba majimbu, bua babale bualu budibu bafunde ebu, babumvuija. Kadi mbapange bualu.

Danyele 5:16

Kadi mvua mumvue lumu luebe ne: wewe udi ne lungenyi lua kujingulula nshinga ne kumvuija malu masokome. Wewe mubale bualu budibu bafunde ebu, mubumvuije kabidi, nebakuvuadike bilamba bia lumu, bakuele mabue a tshiamu tshia mpawungi mu nshingu. Newikale umue wa ku balombodi banene ba mu ditunga.

Danyele 5:29

Diakamue Baltazare kutuma diyi bua bavuadike Daniyele bilamba bia lumu, bamuele mabue a tshiamu tshia mpawungi mu nshingu. Kumuvuijabu umue wa ku balombodi banene ba mu ditunga.

Dibadika 22:17

Ufike kuneku, utshipe bantu aba. Nenkusankishe ne tshintu tshionsu tshiwalomba.”

Dibadika 22:7

Bakulu ba bena Mowabe ne ba bena Madiyane bavuabu batume, kuangata bintu bia kufuta nabi muambi. Kuyabu kumonangana ne Balaame, bamuambila mikenji ya kudi mukalenga Balake.

Dibadika 24:11

Mpindiewu umbuka, upingane kuebe! Mvua mukulaye bua kukusankisha bikole! Kadi Maweja-Nangila wakunyengi bintu biebe!

1 Samuele 17:25

Kuambilanganabu ne: “Udi mumone muntu ewu! Udi wenza bionsu ebi amu bua kutubunda. Kadi muntu wikale mumutshimune, mumushipe, mukalenga neamunemeshe ne bubanji bua bungi. Neamupe muanende wa bakaji, bua kuikalaye mukajende. Kabidi mu bena Izrayele, mu bena diku dia muntu awu, kabakuikala ne tshilumbu tshia kulambula tshitadi to.”