Danyele 5:4 - MUKANDA WA MYIDI MUKULU

⁴ Bonsu bamane kunua maluvu a bungi, kutumbishabu mvidie idibu batula ne tshiamu tshia mpawungi, ne tshiamu tshitoke tshia mushinga mukole, tshikunze, tshifiike, ne mvidie idibu basonge ne mabaya, kabidi ne mabue.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bakanua nvinyo, bakatumbisha nzambi ya or ne ya argent, ya tshiamu tshia mitaku, ya tshiamu tshifike, ya mitshi ne ya mabue.

Danyele 5:4 ပူးပေါင်းရင်းမြစ်များ

1 Bakalenga 1:49

Bantu bavua Adoniya mubikile ku-mvua bowa bua meyi onsu awu. Kujukabu kutangalaka, muntu yonsu kuya luende luseke.

Yeshaya 42:17

Kadi bonsu badi batekemena kudi mvidie, badi batekemena mpingu ivuabu basonge, bayibikila ne: “Nudi mvidie yetu”, bafue bundu, banyeme lubilu.

Yeshaya 42:8

Ndi Maweja-Nangila, ke dina dianyi meme. Tshiena mpesha bakuabu butumbi budi bunkumbanyine. Lumu ludi lungakanyine, tshiena ndupesha mvidie to.

Danyele 1:8

Bu muvua Daniyele ubenga kupia mikiya, kudikandikaye bua kudia ne bua kunua bivua mukalenga udia ne unua. Nanku Daniyele kuambila mulombodi wa bena mudimu bua kamupeshi biakudia bidi ne mikiya nansha.

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Danyele 5:3

Kufikabu ne makopu a tshiamu tshia mpawungi avua muaba wa tshijila mu Yerushalayime. Mukalenga kunuinamu maluvu, ne bonsu bavuaye mubikile.

Danyele 5:5

Diba adi, tshianza tshia muntu kumuenekela pabuipi ne tshitekelu tshia miendu. Tshianza kufunda bualu ku tshimana tshia nzubu wa bukalenga tshivuabu balaba lupemba. Mukalenga pakumonaye tshianza etshi tshifunda,

Amosa 6:7

Ke pandi nnuambila lelu ne: nenuikale bantu ba kumpala, badibu baye nabu mu bupika. Nanku tshibilu tshienu tshia bena lulengu, tshiasangana kashidi kunyanguka anyi?

Abakuke 2:19

Nudi bena diakabi! Nudi nuambila mutshi ne: “Juka” nansha dibue ne: “Tabala!” Kadi, nansha biobi bilamika biamu bia mushinga mukole pambidi, kabiena biakula, kabiena ne muoyi!

Bienzedi 17:29

Patudi bana bende, katuena mua kuela meji ne: Mvidi Mukulu udi mufuanangane ne lupingu luenza ne tshiamu tshia mpawungi, nansha ne tshiamu tshitoke tshia mushinga mukole, nansha ne dibue, bintu bidi bantu batalame benza ku lungenyi luabu.