Danyele 5:30 - MUKANDA WA MYIDI MUKULU

³⁰ Butuku buvua bulonda, kushipabu Baltazare, mukalenga wa ditunga dia Babilone.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Mu butuku abu mene Beleshasâ, mukelenge wa Bena Kasada, wakashihibua.

Danyele 5:30 ပူးပေါင်းရင်းမြစ်များ

Yeshaya 47:9

Kadi makenga aa abidi, neakukuate amu dituku dimue. Neufuishe bana bebe ne bayebe amu diatshimue. Bionsu ebi nebikuenzekele, nansha baloji ne bena majimbu benza tshinyi ne ntshinyi, bua kukusungidila.

Yirmeya 50:24

Wewe ditunga dia Babilone, mvua mukulongoluele buteyi! Buteyi kukukuata, kuyi nansha mua kudimuka! Bavua bakasangana mukuata mu buteyi! Bualu uvua unduisha meme Maweja-Nangila,”

Yirmeya 51:11

Maweja-Nangila udi musue kubutula ditunga dia Babilone. Udi ukolesha bakalenga ba bena Madayi ku muoyi, bua bakumbaje tshidiye musue. Udi udisombuela, bua nzubu wende wa tshijila uvuabu banyange. Nonayi mikete yenu, nuyele tente mu nsapu.

Yirmeya 51:31

Badi batuma bantu bua banyeme lubilu, bafike kua mukalenga wa Babilone, bamuambile ne: baluishi mbakuate tshimenga tshiebe tshijima tshia Babilone.

Yirmeya 51:39

Ndi nyilongoluela didia dinene, nenyinuishe maluvu ikuatshike. Neilale bua kashidi, kayena mua kujuka kabidi to. Meme Maweja-Nangila ndi ngamba nanku.

Yirmeya 51:57

“Nennuishe balombodi ba mu bukalenga buende, bena meji, bilobu, ne bamfumu bende, maluvu. Nebakuatshike. Nebalale bua kashidi, kabayi mua kujuka kabidi nansha.” Ke mudi mukalenga munene muambe! Dina diende mMaweja-Nangila wa bukole buonsu.

Amosa 6:7

Ke pandi nnuambila lelu ne: nenuikale bantu ba kumpala, badibu baye nabu mu bupika. Nanku tshibilu tshienu tshia bena lulengu, tshiasangana kashidi kunyanguka anyi?