Danyele 5:17 - MUKANDA WA MYIDI MUKULU

¹⁷ Daniyele kuandamuna mukalenga ne: — Mukalenga, lama bintu biebe bia masanka, ne bia kalumbandi, nansha ubipeshe bantu bakuabu. Kadi nenkubadile bualu budibu bafunde, kabidi nenkumvuijebu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Hashishe, Danyele wakakudimuna dî ku mpala kua mukelenge ne, Uditekele bintu biebe, uheshe muntu mukuabo biudi musue kunfuta; kadi nembadile mukelenge tshifundu, nemmumanyishe dijingulula diatshi.

Danyele 5:17 ပူးပေါင်းရင်းမြစ်များ

Genese 14:23

Tshiena mua kulenga kantu ka ku bianza biebe, nansha buanda, nansha nshinga wa bisabata, bualu udi mua kuamba ne: “Meme ke udi munemeshe Abrame.”

2 Bakalenga 3:13

Muambi Elisha kukonka mukalenga wa bena Izrayele ne: — Udi mulue kumatshisha bua tshinyi? Udi mua kuya kuebeja malu kudi bambi ba tatuebe, nansha bambi ba mamuebe! Mukalenga wa bena Izrayele kubenga ne: — Nansha! Tuetu bakalenga basatu, Maweja-Nangila ke udi mututume muaba ewu, bua kutufila mu bianza bia bena Mowabe.

2 Bakalenga 5:16

Kadi muambi Elisha kuandamuna ne: — Bu mudi Maweja-Nangila undi nkuatshila mudimu ne muoyi, ndi nkujadikila ne: tshiena ngangata tshintu nansha tshimue. Namane uvua anu umusengelela, kadi muambi Elisha kubenga.

2 Bakalenga 5:26

Muambi Elisha kumukonka kabidi ne: — Kuena mumanye ne: mu lungenyi luanyi mvua mumone muntu utuluka mu ditempu lukasa bua kusambakena nebe anyi? Tshikondu katshiena tshikumbane bua wewe kuangata bilamba bimpe, ne nkanu mitoke ya mushinga mukole bua kusumba nayi mitshi ya olive, madimi a mvinyo, bimuna binene ne bikese, nansha bena mudimu balume ne bakaji.

Misambu 119:46

Nengambile bakalenga mikenji yebe, tshiyi mfua bundu.

Danyele 2:6

Kadi nuenu bangambila tshilota tshianyi, nennupeshe bintu bivule. Nenuikale kabidi ne lumu lunene. Nenku nungambile tshindi mulote, nutshingumvuije.

Danyele 5:29

Diakamue Baltazare kutuma diyi bua bavuadike Daniyele bilamba bia lumu, bamuele mabue a tshiamu tshia mpawungi mu nshingu. Kumuvuijabu umue wa ku balombodi banene ba mu ditunga.

Bienzedi 8:20

Kadi Petro kumuandamuna ne: — Wewe ne makuta ebe, nubutuke! Bualu udi wela meji ne: dipa dia Mvidi Mukulu tudi mua kudisumba ku makuta!