Danyele 4:8 - MUKANDA WA MYIDI MUKULU

⁸ Mutshi awu kuenza munene mupite, wa bukole kabidi. Matamba awu male avua mafike ne mu diulu. Bavua baumone pa buloba bujima.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi ku nyima Danyele, udibo babikila ne Beleteshasâ, bu mudi dina diandi dia nzambi wanyi, ne udi ne nyuma wa nzambi ya tshijila munda muandi, wakalua ku mpala kuanyi. Nakamuawila tshilota tshianyi ne,

Danyele 4:8 ပူးပေါင်းရင်းမြစ်များ

Genese 41:38

Mukalenga kuambila balombodi ne: — Muntu ewu udi muwule ne Mueyelu wa Mvidi Mukulu. Katuena mua kupeta muntu mukuabu udi mupite Yozefe to.

Yeshaya 46:1

Mvidie Bele kena kabidi ne bukole to. Mvidie Nebo udi mufuane kudishinda. Nanku mpingu yabu badi bayiteka panyima pa nyama idi yambula majitu. Badi bayambula bu mudibu bambula majitu. Idi ne bujitu bunene, panyima pa nyama eyi ikadi mipungile.

Yeshaya 63:11

Amu diba adi, bantu bende kuvuluka Moshe, ne malu avua menzeke kale. “Mvidi Mukulu uvua musambuishe kale bantu bende ne balombodi babu mu mayi manene, mpindiewu udi penyi? Mvidi Mukulu uvua mutume Mueyelu wende munkatshi muabu, udi muaba kaayi?

Yirmeya 50:2

Numanyishe bantu bonsu lumu elu: Nuambile bantu bonsu bidi bienzeka. Kanusokoki bualu nansha bumue! Eyowa, baluishi nebakuate Babilone. Mpingu yende neifue bundu! Mvidie yende ya dishima neyizakale! Eyowa Bele neafue bundu! Marduke neazakale.

Yezekiyele 17:23

Nendukunyine pa mukuna wa mu Izrayele udi mupite kutumbuka. Neluele matamba, lukuama ntete. Neluenze mutshi wa Sedre muimpe mutambe. Nyunyi ya mishindu yonsu neyibakile masua ayi mu matamba alu. Neyipete dileji dia kuikishila.

Danyele 1:7

Mulombodi wa bena mudimu ba mukalenga kubinyika mena mapiamapia. Kuinyikaye Daniyele Beltashare; kupeshaye Ananiya dina dia Shadrake, Mikayele dia Meshake, ne Azariya dia Abede-Nego.

Danyele 2:11

Bualu buudi ujinga mbukole. Kakuena muntu udi mua kukuambilabu, anu mvidie, kadi kayena isomba mu bantu ba pa buloba.

Danyele 2:26

Mukalenga kuebeja Daniyele, muabu binyika kabidi ne: Beltashare, ne: — Bulelela, wewe udi mua kungambila tshindi mulote, ne kutshinjinguluila kabidi anyi?

Danyele 3:14

Mukalenga kubakonka ne: — Nuenu Shadrake, Meshake ne Abede-Nego, kanuena nuenzela mvidie yanyi mudimu, kanuena nukukuila lupingu lua tshiamu tshia mpawungi lundi muenzeje, bua tshinyi?

Danyele 4:18

Mutshi awu wa mabeji mimpe uvua mukuame bimuma bia bungi, bivua bantu bonsu mua kudia kuukuta. Nyama ya mu mpata ivua ilala mu dileji diawu, nyunyi ivua mibake masua ayi mu matamba awu.

Danyele 4:9

Uvua ne mabeji mimpe matambe, ukuama bimuma bipite bungi, bua bonsu bamone mua kubidia, kuukuta. Nyama ya mu mpata ivua ikisha mu dileji dia mutshi awu. Nyunyi ivua ibaka masua ayi mu matamba awu. Tshifukibua tshionsu tshidi ne muoyi tshiwa tshipetelaku tshiakudia tshiatshi.

Danyele 5:14

Mvua mumvue lumu luebe, bamba ne: Wewe udi ne mueyelu wa mvidie, udi udianza kumona malu ne lungenyi ne meji a pa buawu.