Danyele 4:34 - MUKANDA WA MYIDI MUKULU

³⁴ Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Hakahita matuku â, meme, Nebukadenesâ, nakabanduluka ne nakatangisha mesu anyi mu diulu; meji anyi akahingana kundi. Nakavudishila Mutambe Bunene wa mu diulu disanka, nakamutumbisha ne nakamunemeka, Yeye udi ne muoyo tshiendelele. Bualu bua bukokeshi buandi budi bukokeshi bua tshiendelele, ne bukelenge buandi budi bujalame ku tshikondo ku tshikondo.

Danyele 4:34 ပူးပေါင်းရင်းမြစ်များ

2 Samuele 22:31

Bidi Mvidi Mukulu wenza bidi amu bimpe! Meji adiye ufila ke atudi mua kulonda. Udi bu ngabu, udi ulama badi banyemena kudiye.

1 Kulondolola 29:10

Davide udi utendakena Maweja-Nangila, bena Izrayele bonsu basangile, wamba ne: — Maweja-Nangila, Mvidi Mukulu wa nkambua wetu Yakobe, atumbe lelu ne kashidi!

1 Kulondolola 29:13

Maweja-Nangila wetu, ke patudi tukutumbisha, tusamuna dina diebe dia butumbi.

Yobe 1:21

Wamba ne: Panu bavua bandele butaka, nengumuke kabidi panu amu butaka. Maweja-Nangila kumpesha bionsu, amu yeye kubiangata tshiakabidi. Ndi ntumbisha amu kutumbisha Maweja-Nangila.

Misambu 10:16

Maweja-Nangila udi Mukalenga kashidi tshiendelele. Badi batendelela mvidie mikuabu nebajimine mu ditunga diende!

Misambu 102:24

Pantshivua mbanga luendu, kutekeshaye bukole buanyi, kukepeshaye matuku anyi a panu.

Misambu 107:15

Basakidile Maweja-Nangila bua malu ende mimpe, ne bua malu ende a kukema adiye muenzele bantu.

Misambu 107:22

Balambule Mvidi Mukulu milambu ya kuela tuasakidila, bele mbila ya disanka bambile bantu malu adiye muenze.

Misambu 107:31

Nenku basakidile Maweja-Nangila bua malu ende mimpe, ne bua malu ende a kukema adiye muenzele bantu!

Misambu 107:8

Basakidile Maweja-Nangila bua malu ende mimpe, bua malu ende a kukema adiye muenzele bantu.

Misambu 111:7

Malu adiye wenza ne bianza biende adi aleja bulelela buende ne mudiye ukosa nsambu pa yoyi. Mikenji yende yonsu idi ya kueyemena,

Misambu 121:1

Musambu wabena ngendu. Ndi ntangila ku mikuna minene: Kudi muntu udi mua kungambuluisha anyi?

Misambu 123:1

Musambu wa bena ngendu. Mesu anyi mmatangile kuudi, wewe Maweja-Nangila udi musombe pa kuasa wa bumfumu mu diulu.

Misambu 145:13

Maweja-Nangila, bukalenga buebe mbua kashidi. Bumfumu buebe nebushale mu bidimu bionsu. Udi ukumbaja malaya ebe. Udi ne muoyi muimpe mu malu onsu audi muenze.

Misambu 146:10

Siyone, Maweja-Nangila mmukalenga kashidi. Yeye ke Mvidi Mukulu webe bidimu ne bidimu. Tumbishayi Maweja-Nangila, Aleluya!

Misambu 50:14

Tshindi ntekemena kuudi, ki mbiakudia nansha, kadi amu bua untumbishe, meme Mvidi Mukulu webe, ne bua ukumbaje malaya auvua mundaye meme, Muena kulu.

Misambu 66:7

Udi ushala mukalenga kashidi, ukokesha buloba. Udi ukenketa bisamba bionsu ne ende abidi: Bantomboji, kanuditambishi to!

Misambu 7:17

Bubi buvuaye mulongoluele bakuabu, nebumupingene pa mutu, tshikisu tshidiye natshi netshimuimane mu mpala.

Misambu 9:2

Maweja-Nangila, ndi nkutumbisha ne muoyi wanyi mujima, mmanyisha bantu bonsu bia dikema biudi muenze.

Misambu 92:1

Musambu wa dituku dia Dikisha.

Yeshaya 13:11

Maweja-Nangila udi wamba ne: “Ndi musue kumana bubi bua bantu, kujikija ditambisha dia bena lutambishi, kunyoka bena tshibawu, kukepesha didisua dia bena tshikisu.

Yeshaya 2:11

Muena ditambisha neiname panshi. Muena kapeja, nebamupuekeshe. Dituku diadia nebamanye ne: amu Maweja-Nangila nkayende udi ne bukole.

Yeshaya 24:15

“Nuenu bena ku luseke ludi diba dipatukila, tumbishayi Maweja-Nangila. Nuenu badi basomba ku mielelu ya mayi manene, kobolayi dina dia Maweja-Nangila Mvidi Mukulu wa Izrayele.”

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

Muadi 3:38

Ku bidi Mvidi Mukulu Muena kulu wamba, ke kudi kufumina bionsu, diakabi nansha diakalenga.

Danyele 12:7

Muntu uvua muvuale bilamba bia buanda bua ndanda kuela bianza bibidi mulu. Meme kumvua wamba ne: ‘Ndi nditshipa mu dina dia Mvidi Mukulu udi ne muoyi wa tshiendelele ne: malu aa neajike papita bidimu bisatu ne tshitupa. Neajike patekeshabu bukole buonsu bua tshisamba tshia Mvidi Mukulu.’

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Danyele 4:2

Dituku dikuabu, pa bulalu buanyi, meme kulota tshilota tshivua tshinkuatshisha bowa. Meji amvua ngela pamvua mulale, ne malu avua Mvidi Mukulu undeja, kunkuatshishabi bowa bukole.

Danyele 4:26

Tshidimu tshijima tshimane kupita, mukalenga uvua wendakana pa musaka wa nzubu wa bukalenga wa mu Babilone.

Danyele 4:3

Meme kutuma diyi bua bena meji bonsu ba mu Babilone bafike kundi bua kunjanduila tshilota.

Danyele 4:32

Bantu bonsu ba pa buloba, nansha bobu bungi munyi, kabena ne mushinga ku mesu kuende. Udi wenza mudiye musue ne ba mu diulu, mudiye wenza ne ba pa buloba. Kakuena udi mua kumutuila nkanana, nansha kumutandisha.

Danyele 5:18

Mvidi Mukulu, Muena kulu, uvua muenze tatuebe Nebukadnesare mukalenga munene, wa lumu ne bubanji.

Danyele 5:21

Bakamuipata munkatshi mua bantu, bamupuekesha milongu ya nyama. Kusombaye ne nyama ya mpunde ya mu tshisuku. Kudiaye bisosa bu ngombe. Mubidi wende kubola ne lumuma, too ne pakamanyaye ne: Mvidi Mukulu, Muena kulu, ke udi mfumu wa makalenga a bantu, ke udi upesha muntu udiye musue bukalenga.

Danyele 6:26

Matuku apita, mukalenga wa bakalenga kutumina bantu ba matunga onsu, ba bisamba bionsu, ba miakulu yonsu, badi basomba pa buloba bujima, mukanda ubambila ne: “Ndi nnujingila ditalala dijima!

Danyele 7:14

Kumupeshabu bukokeshi, butumbi ne bukalenga bua bantu ba matunga onsu, ba bisamba bionsu ne ba miakulu yonsu. Bukokeshi buende nebushale kashidi, kabuena bujika. Bukalenga buende kabuena bufue.

Danyele 7:27

Nebapeshe tshisamba tshia tshijila tshia Mvidi Mukulu, Muena kulu, bukalenga, bukokeshi, ne lumu, bia makalenga onsu a pa buloba. Bukalenga bua tshisamba etshi nebushale kashidi. Makokeshi onsu a pa buloba neatshitumikile, atshienzela mudimu.’

Danyele 9:14

Ke paudi mututumine amu makenga aa. Bualu wewe Maweja-Nangila, Mvidi Mukulu wetu, udi ne diyi dimue mu malu onsu audi wenza. Kadi tuetu katuvua batumikile meyi ebe!

Yona 1:14

Pashishe, bitshi ba buatu kutendelela Maweja-Nangila, bela mbila ne: — Eyi, Maweja-Nangila kutushipeshi bualu bua muntu ewu to. Kavua mutuenzele bibi. Kadi kuteki lufu luende pambidi petu. Wewe udi Maweja-Nangila. Tshiudi musue ke tshiudi ukumbaja.

Mika 4:7

Nensangishe badi batapike, tshisamba tshifululuke. Nengangate badi mu bupika, bashale tshisamba tshinene. Meme Maweja-Nangila, nengikale ku mutu kuabu, biangatshile ku Siyone, ku dituku adi too ne tshiendelele.

Luke 1:33

Neashale mukalenga wa bena Izrayele kashidi. Bukalenga buende kabuakuikala ne ndekelu.

Luke 18:13

Mulambuishi wa bitadi uvua muimane yeye pa bule, kayi nansha ukimina kutangila mu diulu. Kadi uvua udituuta pa tshiadi, wamba ne: “Eyi, Mvidi Mukulu wanyi, ungumvuileku luse. Meme ndi muenji wa malu mabi.”

Yowanane 5:26

Bualu bu mudi Tatu ne bumfumu bua kupesha bantu muoyi, ke mudiye mupeshe Muana bumfumu bua kupesha bantu muoyi.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

1 Timote 1:17

Lumu ne butumbi bikale kashidi tshiendelele kudi Mukalenga wa kashidi, udi kayi ufua, kayi umueneka, udi Mvidi Mukulu umue epele! Amene.

1 Timote 6:16

Yeye nkayende kena ufua. Udi musombe mu butoke budi muntu kayi mua kusemena pabuipi. Muntu nansha umue ki mmuanji kumumona, kena kabidi mua kumumona. Lumu ne bukole bidi kudiye kashidi. Amene.

Didimanyisha 10:6

uditshipa mu dina dia Mvidi Mukulu udi ne muoyi kashidi, uvua mufuke diulu ne bionsu bidimu, buloba ne bionsu bidimu, mayi manene ne bionsu bidimu, wamba ne: — Kakuena dituku dikuabu to, amu lelu!

Didimanyisha 11:15

Pashishe mutumibue wa muanda mutekete kuela mpungi. Meyi makole kumvuika mu diulu, amba ne: “Bumfumu bua kulombola buloba budi kudi Maweja-Nangila wetu ne kudi Meshiya wende. Nebashale mu bukalenga kashidi.”

Didimanyisha 4:10

bakulu makumi abidi ne banayi badi badiela panshi kumpala kua udi musombe mu nkuasa wa butumbi, bakukuila udi ne muoyi kashidi. Badi bela bifulu biabu bia mpawungi kumpala kua nkuasa, bamba ne:

Didimanyisha 4:9

Misangu yonsu idi Bia muoyi binayi bimbila udi musombe mu nkuasa, udi ne muoyi kashidi, bimutumbisha, bimukukuila, bimuela tuasakidila,