Danyele 4:32 - MUKANDA WA MYIDI MUKULU

³² Bantu bonsu ba pa buloba, nansha bobu bungi munyi, kabena ne mushinga ku mesu kuende. Udi wenza mudiye musue ne ba mu diulu, mudiye wenza ne ba pa buloba. Kakuena udi mua kumutuila nkanana, nansha kumutandisha.

Mukanda wa Nzambi Dihungila Dikulukulu ne Dihungila Dihia-dihia 2003

³² Nebakuihate munkatshi mua bantu, neushikame ne nyama ya mu mpata; neudie mashinde bu mudi ngombe idia; ne bidimu muanda mutekete nebihite tô ne hawamanya ne, Mutambe Bunene wa mu diulu udi ukokesha bukelenge bua bantu, ne udi ubuhesha muntu yonso udiye musue.

Danyele 4:32 ပူးပေါင်းရင်းမြစ်များ

2 Kulondolola 33:13

Uvua umulomba bua amufuile luse. Mvidi Mukulu kuitaba dilomba diende, kumupingaja mu Yerushalayime. Maweja-Nangila kumupingaja kabidi ne mu bukalenga buende. Biangatshile tshikondu atshi, Menashe kumanya ne: anu Maweja-Nangila ke udi Mvidi Mukulu mulelela.

Yobe 42:2

Ndi mumanye ne: kakuena tshidi mua kukukolela, udi mua kukumbaja tshionsu tshiudi musue.

Yobe 9:12

Udi mua kunyenga Mvidi Mukulu tshidiye wangata nganyi? Muntu kena mua kumukimina, kumuebeja ne: “Tshiudi wenza ntshinyi?”

Misambu 115:3

Mvidi Mukulu wetu udi mu diulu, udi wenza bionsu bidiye musue.

Misambu 135:6

Maweja-Nangila udi wenza bionsu bidiye musue, nansha mu diulu nansha pa buloba, nansha mu mayi manene, nansha mu kandondu ka buloba.

Ekesode 8:10

Kukungujabu ndimba ayi mishiki ne mishiki. Ditunga dijima kununkadi mupuya mubi.

Ekesode 9:14

Mpindiewu ndi mujadike bua kukutumina makenga a mishindu yonsu, wewe ne balombodi ba bukalenga kabidi ne bantu bebe bonsu, bua ujadike ne: pa buloba bujima kakuena mukuabu, amu meme!

Ekesode 9:29

Moshe kumuandamuna ne: — Pangumuka mu musoku emu, nengele bianza mulu kudi Maweja-Nangila bua mvula wa makubakuba ne mabue akamuke. Nanku neujadike ne: buloba buonsu mbua Maweja-Nangila.

Yeshaya 37:20

Kadi wewe, Maweja-Nangila Mvidi Mukulu wetu, utusungidile mpindiewu mu bianza bia Senakeribe. Nankumu makalenga onsu a pa buloba, nebamanye ne: amu wewe Maweja-Nangila nkayebe ke udi Mvidi Mukulu.”

Yeshaya 40:15

Kumpala kua Maweja-Nangila, bisamba bia bantu, bidi amu bu dimata dia mayi, didi dimata mu mbeketshi, nansha bu kasoka ka lusenga, kadibu bateka pa dilongu dia tshitempelu. Bantu ba kulekule, badi amu ne bujitu bu bua lupuishi lukese.

Yeshaya 40:17

Bisamba bionsu bisanga pamue, kabiena ne bujitu ku mesu ende. Bidi amu kajitu ka patupu.

Yeshaya 45:3

Ndi nkupesha lupetu, ne biuma bivuabu basokoke. Nenku neumanye mundi Maweja-Nangila. Meme Mvidi Mukulu wa bena Izrayele, ndi nkuangata bu muena mudimu wanyi.

Yirmeya 27:5

Mvua muleje bukole buanyi ne meji anyi, pamvua mufuke buloba, bantu ne nyama bidi bisombamu. Tshindi mufuke, ndi ntshifila kudi muntu undi musue.

Danyele 2:21

Udi ukudimuna bikondu ne malu mudiye musue. Udi umusha bakalenga mu nkuasa, nansha ubatekamu. Yeye ke udi ufila meji kudi bena meji, upesha bajinguludi ba malu lungenyi.

Danyele 4:31

Nebukadnesare kuamba ne: — Bidimu muanda mutekete kupita, meme kutangila mu diulu. Meji anyi a bumuntu kumpingana. Meme kuela Mvidi Mukulu Muena kulu, udi ne muoyi tshiendelele tuasakidila. Meme kumutumbisha, ngimba butumbi buende. Bumfumu buende mbua kashidi. Bukalenga buende kabuena bujika.

Danyele 5:21

Bakamuipata munkatshi mua bantu, bamupuekesha milongu ya nyama. Kusombaye ne nyama ya mpunde ya mu tshisuku. Kudiaye bisosa bu ngombe. Mubidi wende kubola ne lumuma, too ne pakamanyaye ne: Mvidi Mukulu, Muena kulu, ke udi mfumu wa makalenga a bantu, ke udi upesha muntu udiye musue bukalenga.

Yoshua 4:24

Maweja-Nangila uvua muenze nanku, bua bantu bonsu ba pa buloba bamanye bukole buende. Kabidi bua nutumikile Maweja-Nangila Mvidi Mukulu wenu kashidi.