Danyele 4:31 - MUKANDA WA MYIDI MUKULU

³¹ Nebukadnesare kuamba ne: — Bidimu muanda mutekete kupita, meme kutangila mu diulu. Meji anyi a bumuntu kumpingana. Meme kuela Mvidi Mukulu Muena kulu, udi ne muoyi tshiendelele tuasakidila. Meme kumutumbisha, ngimba butumbi buende. Bumfumu buende mbua kashidi. Bukalenga buende kabuena bujika.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Hakatshidi mei â mukana mua mukelenge, dî diakafuma mu diulu ne, Mukelenge Nebukadenesâ, badi bakuambila wewe muine ne, Bukelenge buakumuka kûdi.

Danyele 4:31 ပူးပေါင်းရင်းမြစ်များ

Genese 14:18

Nanku Melkisedeke uvua mukalenga wa bena Saleme, muikale kabidi mutuangaji wa bantu ne Mvidi Mukulu muena kulu. Kutuadilaye Abrame mampa ne maluvu.

Yobe 20:23

Patshidiye uwuja difu diende tente, ke padi Mvidi Mukulu umudisha tshiji tshiende, mpindiewu udi utshidia ukuta.

Misambu 145:13

Maweja-Nangila, bukalenga buebe mbua kashidi. Bumfumu buebe nebushale mu bidimu bionsu. Udi ukumbaja malaya ebe. Udi ne muoyi muimpe mu malu onsu audi muenze.

Nsumuinu 29:23

Muntu udi uditambisha neupuke milongu. Kadi bua kupeta lumu, bidi bimpe kuikala ne bupuekele bua muoyi.

Yeshaya 14:27

Padi Maweja-Nangila muena bukole buonsu muangate dipangadika, udi mua kumukandika, bua kukumbajaye tshidiye muele meji nnganyi? Padiye musue kunyoka muntu, udi mua kumbusha dinyoka adi nnganyi?

Danyele 12:7

Muntu uvua muvuale bilamba bia buanda bua ndanda kuela bianza bibidi mulu. Meme kumvua wamba ne: ‘Ndi nditshipa mu dina dia Mvidi Mukulu udi ne muoyi wa tshiendelele ne: malu aa neajike papita bidimu bisatu ne tshitupa. Neajike patekeshabu bukole buonsu bua tshisamba tshia Mvidi Mukulu.’

Danyele 4:24

Nanku, Mukalenga, anyisha mubelu undi nkupesha: lekela mibi yebe, ne bilema biebe. Wenze malu mimpe, ufuile bapele luse. Nanku misangu mikuabu nebalepeshe tshikondu tshia diakalenga diebe.

Danyele 4:26

Tshidimu tshijima tshimane kupita, mukalenga uvua wendakana pa musaka wa nzubu wa bukalenga wa mu Babilone.

Danyele 4:30

Diakamue bualu ebu kuenzekabu. Kuipatabu Nebukadnesare munkatshi mua bantu. Kubangaye kudia bisosa, mudi ngombe idia. Mubidi wende kubola ne lumuma. Nsuki yende kulepa, bu masala a nyunyi ya tshiminyi. Nzadi yende kudiunda bu ya nyunyi.

Danyele 4:32

Bantu bonsu ba pa buloba, nansha bobu bungi munyi, kabena ne mushinga ku mesu kuende. Udi wenza mudiye musue ne ba mu diulu, mudiye wenza ne ba pa buloba. Kakuena udi mua kumutuila nkanana, nansha kumutandisha.

Danyele 4:34

Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”

Danyele 5:20

Kadi tatuebe kuditambisha, kuwula tente ne kapetu. Nanku bakamumbusha mu nkuasa wende wa bukalenga, kumunyenga ne lumu luvuaye nalu.

Danyele 5:28

PERESE, mmomumue ne: bakuabanyi. Mbuena kuamba ne: mbatapulule bukalenga buebe, bua kubupesha bena Madayi ne bena Persa.

Danyele 6:27

“Ndi ngela mukenji ewu ne: Mu buloba buonsu budi ku bumfumu buanyi, muntu yonsu udi ne bua kuleja mudiye unemeka muende muonsu Mvidi Mukulu wa Daniyele. Yeye ke Mvidi Mukulu wa muoyi, udi ushala tshiendelele. Bukalenga buende budi bushala kashidi. Bumfumu buende kabuena bujika.

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Luke 12:20

Kadi Mvidi Mukulu kumuambila ne: “Udi muntu mutshimbakane! Butuku ebu neufue! Kadi bintu biuvua mudilamine, nebishale bia nganyi?”

Yowanane 12:28

Tatu, tumbisha dina diebe! Kumvuabu diyi difumina mu diulu ne: — Ndi mumane kuditumbisha, nenditambishe tshiakabidi.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

Didimanyisha 16:7

Pashishe meme kumvua diyi difumina ku tshilambuilu, diamba ne: “Eyowa, Maweja-Nangila, Mvidi Mukulu wa bukole buonsu, udi ukosa nsambu mudiyi, mu bulelela!”

1 Samuele 13:14

Kadi mpindiewu, kuakushala mu bukalenga matuku a bungi to. Maweja-Nangila mmumane kusungula muntu mukuabu udiye musue bua kuikala mukalenga wa bantu bende bena Izrayele. Bualu wewe kuena mutumikile meyi a Maweja-Nangila to.

1 Samuele 15:23

Kadi kubenga kutumikila, nkuenza bualu bubi amu bu mudi kubuka lubuku. Kubenga kuitaba Maweja-Nangila, nkuenza bualu bubi anu bu mudi kutendelela mvidie. Nanku, bu muudi mubenge mua kutumikila mikenji ya Maweja-Nangila, wakubengi. Kuakuikala kabidi mukalenga wa bantu bende bena Izrayele to.