Danyele 4:30 - MUKANDA WA MYIDI MUKULU

³⁰ Diakamue bualu ebu kuenzekabu. Kuipatabu Nebukadnesare munkatshi mua bantu. Kubangaye kudia bisosa, mudi ngombe idia. Mubidi wende kubola ne lumuma. Nsuki yende kulepa, bu masala a nyunyi ya tshiminyi. Nzadi yende kudiunda bu ya nyunyi.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Mukelenge wakamba ne, Eu Babulona mimene, tshiakuibaka musoko eu bu muaba wa mukelenge kushikameye ku bukole buanyi bunene bua mpete butumbi ne buneme, anyi?

Danyele 4:30 ပူးပေါင်းရင်းမြစ်များ

Genese 10:10

Bimenga binene bia kumpala bivua ku bumfumu buende bivua: Bahele, Ereke, Akade ne Kalne mu ditunga dia Babilone.

Estere 1:4

Mukalenga uvua ubaleja bubanji buvuaye nabu ne butumbi bua bukalenga buende. Bavua benza bibilu ebi matuku mavule, ngondu isambombu mijima.

Misambu 104:1

Ndi musue kuela Maweja-Nangila tuasakidila! Maweja-Nangila, Mvidi Mukulu wanyi, udi mutambe bunene. Udi muvuale bukenke ne buneme,

Misambu 49:20

kadi neafue, neaye kumonangana ne bankambua bende, badi bashala mu miidima kashidi.

Misambu 73:8

Badi baseka bantu, bakula ne tshikisu, badiela mulu, batshinyisha bakuetu.

Nsumuinu 11:2

Muntu udi uditambisha nebamupetule, kadi muntu wa meji udi udipuekesha.

Nsumuinu 16:18

Udi uditambisha neabutuke. Udi udisua neapone panshi.

Nsumuinu 29:23

Muntu udi uditambisha neupuke milongu. Kadi bua kupeta lumu, bidi bimpe kuikala ne bupuekele bua muoyi.

Yeshaya 13:19

Bukalenga bua mu Babilone, budi bupite makuabu onsu ku buimpe. Bena Babilone badi babusankidila bikole. Kadi Mvidi Mukulu neabubutule, muvuaye mubutule kale Sodome ne Ngomore.

Yezekiyele 29:3

Meme Maweja-Nangila Mvidi Mukulu ndi mmumanyisha ne: “Nenkunyoke wewe mukalenga wa bena Ejipitu. Udi bu ngandu munene wa tshidika, udi musombe munkatshi mua misapa ya Nile. Udi ujadika ne: musulu wa Nile nguanyi, bualu meme ngudi mudienzele wu.

Danyele 4:31

Nebukadnesare kuamba ne: — Bidimu muanda mutekete kupita, meme kutangila mu diulu. Meji anyi a bumuntu kumpingana. Meme kuela Mvidi Mukulu Muena kulu, udi ne muoyi tshiendelele tuasakidila. Meme kumutumbisha, ngimba butumbi buende. Bumfumu buende mbua kashidi. Bukalenga buende kabuena bujika.

Abakuke 1:11

Badi bafika lubilu bu mvunde, bakudimuka, baya. Bukole buabu ke nwidie wabu!

Luke 14:11

Bualu muntu yonsu udi uditambisha, nebamufuishe bundu. Muntu yonsu udi udipuekesha, neapete lumu.

Luke 14:9

Nanku uvua munubikile bonsu babidi, udi mua kukuambila ne: “Mushila muaba ewu!” Diba adi neujuke bua kuya kusomba muaba wa ndekelu, bundu disu tente.

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

Didimanyisha 14:8

Mutumibue muibidi uvua ulonda wa kumpala, wamba ne: “Eyi tshimenga ntshibutuke! Tshimenga tshinene tshia Babilone ntshibutuke! Ke tshiotshi tshivua tshinuishe bisamba bionsu maluvu atshi, maluvu makole a buendenda buatshi bubi!

Didimanyisha 16:19

Tshimenga tshinene tshiena tshipanduluke mu bitupa bisatu. Bimenga bia matunga onsu kuupuka. Mvidi Mukulu kavua mupue Babilone munene muoyi. Kumunuishaye maluvu a mu dikopu diende, divua tente ne tshiji tshiende tshikole.

Didimanyisha 17:5

Bavua bafunde pa mpala pende dina diamba bualu busokoka ne: “Babilone munene, mamuende wa bakaji bena buendenda, ne wa malu mabi onsu a pa buloba!”

Didimanyisha 18:10

Nebimane mutantshi mule, bazakale bua makenga adi ne bua kukuata tshimenga. Nebambe ne: “Babilone, ndiakabi kaayi edi! nDikenga kaayi! Wewe tshimenga tshinene, tshia bukole kabidi! Badi bakunyoka amu diba dimue, ubutuka butubutuu!”

Didimanyisha 18:21

Nenku mutumibue wa dikanda kuambula dibue dia bujitu, bu didibu bapela nadi. Kudielaye mu mayi manene, wamba ne: “Ke muelabu tshimenga tshinene tshia Babilone panshi ne bukole buonsu. Kabakutshimona kabidi kashidi kashidi.