Danyele 4:27 - MUKANDA WA MYIDI MUKULU

²⁷ Mukalenga kuela lubila ne: — Ewu mBabilone, tshimenga tshinene tshimvua muibake, bua tshikale muaba wa mukalenga kusomba. Tshimenga etshi tshidi tshileja mudi bukole buanyi, ne mudi lumu lua bukalenga buanyi!

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Bua muanda eu, mukelenge wanyi, wanji kuitabusha lungenyi luanyi: ulekele mibi yebe, uhingashe bienzedi biakane mu muaba wai; ulekele malu ebe a tshishiku, ufuile bahele luse; nunku, bumue, diakalengele diebe nedileheshibue.

Danyele 4:27 ပူးပေါင်းရင်းမြစ်များ

Genese 11:4

Kuambilanganabu kabidi ne: “Tuasayi tshimenga tshikale ne kaleya katumbuke mulu bua tupete lumu lunene. Nanku katuakumuangalaka pa buloba bujima to.”

1 Bakalenga 21:29

— Udi mumone mudi Akabe mudipuekeshe kumpala kuanyi. Bu mudiye mudipuekeshe nanku, tshiena nkengesha bena diku diende patshidiye mu bukalenga to. Nembakengeshe anu pabuela muanende mu bukalenga.

Misambu 119:46

Nengambile bakalenga mikenji yebe, tshiyi mfua bundu.

Nsumuinu 11:2

Muntu udi uditambisha nebamupetule, kadi muntu wa meji udi udipuekesha.

Nsumuinu 16:6

Unange bantu, ulamate Maweja-Nangila, nanku neakufuile luse bua ntupakanyi yebe. Newepuke bubi paudi utshina Maweja-Nangila.

Nsumuinu 28:13

Udi usokoka bilema biende, kena utuuta dikasa dimpe. Kadi udi ubitonda, ubibenga, Mvidi Mukulu neamufute luse.

Yeshaya 10:13

Udi wamba ne: “Ndi muenze bionsu amu ku bukole buanyi. Meme ndi mumanye malu, ndi muena budimu bupite. Ndi mushipe mikalu idi munkatshi mua matunga. Meme kupawula bintu bivuabu balamina mu mayeba. Meme kuipata ne bakalenga mu nkuasa yabu ya bumfumu.

Yeshaya 47:10

Uvua mutekemene lupandu, amu bua bibi biuvua wenza. Uvua wamba ne: “Muntu kena ummona”. Kadi budiambi buebe bua ne: Ndi mumanye, ndi ne lungenyi lutue, ke budi bukutshimbakaja! Ukadi wamba ne: “Meme tshiena ne undi tufuanangana nende!”

Yeshaya 47:8

Nenku teleja mpindiewu, wewe mulunda wa masanka, udi musombe talalaa kuyi ne bualu. Wewe udi udiambila munda ne: “Meme tshiena ne undi mfuanangana nende! Tshiakuikala mukaji mukamba to. Tshiakufuisha bana banyi to.”

Yirmeya 29:7

Nuambuluishe tshimenga tshindi munutume ku bupika, tshipete bubanji. Nutshilombele kundi. Bualu, tshiotshi tshikale ne diakalenga, nenuikale nadi ne nuenu kabidi.

Yirmeya 38:20

Kadi Yirmeya kumuandamuna ne: — Too, kabakukufila kudibu nansha. Teleja tshindi ngamba mu dina dia Maweja-Nangila, nanku wewe ne bena diku diebe nenupande. Bionsu nebiende amu bimpe.

Yezekiyele 18:7

Kena ukengesha muntu, nansha wiba muntu awu. Udi upingaja tshieya tshivua muena dibanza mumueyeke. Udi upesha muntu udi ne nzala biakudia, upesha muntu uvua butaka tshilamba.

Yezekiyele 29:3

Meme Maweja-Nangila Mvidi Mukulu ndi mmumanyisha ne: “Nenkunyoke wewe mukalenga wa bena Ejipitu. Udi bu ngandu munene wa tshidika, udi musombe munkatshi mua misapa ya Nile. Udi ujadika ne: musulu wa Nile nguanyi, bualu meme ngudi mudienzele wu.

Yezekiyele 29:9

Mu Ejipitu nemushale bu mu tshipela, kamuyi bantu. Nebamanye ne: meme ndi Maweja-Nangila. “Wewe uvua muambe ne: musulu wa Nile nguanyi, meme ke udi muwenze.

Yowele 2:14

Misangu mikuabu udi mua kushintulula meji adiye nawu, kunusankisha pa mutu pa kunukengesha. Diba adi, nudi mua kumutuadila milambu, ya ntete, ne ya maluvu.

Amosa 6:13

Nudi nusanka bua tshimenga tshia tshianana, Lodabare, tshinuvua bakuate. Nudi nuditemba ne: “Ku makanda etu nkayetu ke kutudi bakuatshile Karnayime, tshimenga tshikole tshipite.”

Yona 3:9

Bumue Mvidi Mukulu udi mua kushintulula meji ende, kutuyisha tshiji tshiende tshinene, tushale ne muoyi.”

Abakuke 1:11

Badi bafika lubilu bu mvunde, bakudimuka, baya. Bukole buabu ke nwidie wabu!

Sefanya 2:15

Ke muikala tshimenga etshi tshivua tshiditambisha. Badi basombamu bavua bela meji ne: dikenga kadiena mua kutukuata. Badi mua kuambangana netu mbanganyi? Lelu tshimenga tshidi tshienda tshibutuka. Tshikadi muaba udi nyama ya lonji ilala! Bonsu badi basemena pabuipi natshi, badi batshiela bibingu, batshiseka.

Matayi 3:8

Enzayi malu adi aleja ne: tudi basue kukudimuna mioyi yetu.

Luke 11:41

Peshayi bapele bidi mu makopu ne mu malongu enu. Nanku malu enu onsu neakane!

Bienzedi 24:25

Kadi pakavua Polu ulongesha mudi muntu ne bua kukumbaja bidi Mvidi Mukulu musue, kudikolela, kudilongolola ku dituku diavua Mvidi Mukulu kulumbuluisha bantu, Felikse kukuatshika buowa, kuamba ne: — Abi mbikumbane! Nenkubikidishe kabidi, pangapeta diba.

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.

Bienzedi 8:22

Lekela meji mabi auvua nawu. Utendelele Mfumu, bua, bu biobi mua kuenzeka, akufuile luse, bua meji mabi auvua muele.

2 Korente 5:11

Tudi bamanye mutudi ne bua kutshina Mfumu. Ke patudi tukeba kufikisha bantu ku ditaba. Mvidi Mukulu mmutumanye muetu muonsu mutudi. Ndi ntekemena kabidi ne: nuenu munda muenu nudi bammanye kabidi muanyi muonsu mundi.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

Efeze 4:28

Nanku, muntu uvua wiba, alekele kuiba, akuate mudimu muimpe, bua kudidisha, ne bua amone mua kuambuluisha kabidi udi mu dikenga.

Dielulula 24:13

Bualu ke tshidiye udibuikila butuku. Nanku mupele awu, neanuele tuasakidila. Kabidi Maweja-Nangila Mvidi Mukulu wenu neajadike munudi nuenzelangana bimpe.

Dielulula 32:27

Kadi bena lukuna babu bavua mua kunseka, kuela meji ne: tuetu ke bavua bababutule, Maweja-Nangila kena ne tshidiye wenza.

Dielulula 8:17

Kadi kanuedi meji ne: nudi badipetele diakalenga ku bukole buenu nkayenu to.

1 Petro 4:8

Bualu bua kumpala: nunangangane ne muoyi wenu mujima. Bualu dinanga didi dijimija mibi ya bungi.