Danyele 4:2 - MUKANDA WA MYIDI MUKULU

² Dituku dikuabu, pa bulalu buanyi, meme kulota tshilota tshivua tshinkuatshisha bowa. Meji amvua ngela pamvua mulale, ne malu avua Mvidi Mukulu undeja, kunkuatshishabi bowa bukole.

Mukanda wa Nzambi Dihungila Dikulukulu ne Dihungila Dihia-dihia 2003

² Nakuelangana meji ne, Mbimpe bua meme kunumanyisha bua bimanyinu ne malu a kukema biakungenzela Nzambi Mutambe Bunene wa mu diulu.

Danyele 4:2 ပူးပေါင်းရင်းမြစ်များ

Yobe 7:14

udi ufika undubakaja ne bilota bibi. Malu audi undeja ku tulu, adi antshinyisha bikole.

Misambu 51:14

Nsanke tshiakabidi, bualu udi mumpandishe. Umpe muoyi wa kukutumikila.

Misambu 65:9

Pa buloba bujima bantu badi bakatshila, malu a dikema audi wenza. Kudi diba dipatukila, ne kudidi dibuelela, bonsu badi bela mbila ya disanka.

Misambu 66:16

Nuenu bonsu, bantu ba Mvidi Mukulu, vuayi nunteleje, nennuambile bidiye mungenzele.

Misambu 71:18

Mvidi Mukulu wanyi, nkadi ne nsuki mitoke, kadi kundekedi. Nanku nemmone mua kumanyisha bana banyi ne biikulu banyi, muudi ne bukole, wenza malu a dikema.

Danyele 2:1

Nebukadnesare mumane kukumbaja bidimu bibidi mu bukalenga, kulotaye tshilota. Bowa kumukuata, kupangaye mua kulala tulu.

Danyele 3:26

Nebukadnesare kusemena pabuipi ne mushiku wa tshikutu tshia kapia kuela lubila lukole ne: — Shadrake, Meshake, Abede-Nego, batendeledi ba Mvidi Mukulu wa mu diulu, patukayi, luayi! Diakamue kupatukabu bonsu basatu mu kapia.

Danyele 4:17

Uvua mumone mutshi munene, mukole, matamba a kulu matue mu diulu. Bantu bonsu ba pa buloba bawa baumona!

Danyele 4:24

Nanku, Mukalenga, anyisha mubelu undi nkupesha: lekela mibi yebe, ne bilema biebe. Wenze malu mimpe, ufuile bapele luse. Nanku misangu mikuabu nebalepeshe tshikondu tshia diakalenga diebe.

Danyele 4:25

Malu onsu, avuabu bamane kuambila mukalenga Nebukadnesare, kukumbanawu.

Danyele 4:34

Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”

Danyele 5:18

Mvidi Mukulu, Muena kulu, uvua muenze tatuebe Nebukadnesare mukalenga munene, wa lumu ne bubanji.

Danyele 6:27

“Ndi ngela mukenji ewu ne: Mu buloba buonsu budi ku bumfumu buanyi, muntu yonsu udi ne bua kuleja mudiye unemeka muende muonsu Mvidi Mukulu wa Daniyele. Yeye ke Mvidi Mukulu wa muoyi, udi ushala tshiendelele. Bukalenga buende budi bushala kashidi. Bumfumu buende kabuena bujika.

Danyele 7:25

Neadiwule Mvidi Mukulu, Muena kulu, ne meyi a kapeja. Neakengeshe tshisamba tshia tshijila. Neapangidije bua kushintulula bikondu ne mikenji bia tshisamba tshia tshijila. Nebafile tshisamba tshia tshijila mu bianza biende, bua atshikokeshe bidimu bisatu ne tshitupa.

Yowanane 4:48

Yezu kumuamba ne: — Nuenu, kanuena ne mushindu wa kuitaba panudi kanuyi numona bishima ne malu a kukema.

Yoshua 7:19

Yoshuwa kumuambila ne: — Mulunda wanyi, umanye bukole bua Maweja-Nangila Mvidi Mukulu wa bena Izrayele. Ungambile bushiwa. Unjadikile tshiuvua muenze, kushimi to.