Danyele 3:29 - MUKANDA WA MYIDI MUKULU

²⁹ Nenku ndi ntuma diyi ne: “Muntu ne wa mu tshisamba kaayi, wa ditunga kaayi, nansha wa muakulu kaayi, udi udiwula Mvidi Mukulu wa Shadrake, Meshake ne Abede-Nego, nebamukose bitupa bitupa, nebupule nzubu wende, neashale dikolu. Bualu kakuena mvidie mukuabu udi mua kusungidila bantu bu mudi ewu muenze.”

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Nunku ndi ngela mukenji ne, Muntu yonso, wa tshisamba tshionso, anyi wa muaku wonso wadiula Nzambi wa Shadalaka, Meshaka ne Abedenego, nebamukose bituha bituha, nebavuishe nsubu wandi bu diala; bualu bua kakuena nzambi mukuabo udi mua kuhandisha bantu bu muakuenzeye.

Danyele 3:29 ပူးပေါင်းရင်းမြစ်များ

2 Bakalenga 10:27

Kuzazabu dibue divuabu bimanyike bua kutendelela mvidie Baale. Pashishe, kupulabu nzubu wa Baale awu, kuenzamu nkumba ya bantu bonsu. Nkumba ayi, itshidipu too ne mpindiewu.

Ezela 6:11

Padi muntu ubenga mundi muambe emu, ndi ngamba ne: nutule dikunji dia ku nzubu kuende, numoweleku. Nzubu wende ashale tshisasa.

Misambu 3:8

Maweja-Nangila, juka, Mvidi Mukulu wanyi, unsungidile. Wewe ke udi ututa baluishi banyi ku mbanga, upola menu a bantu babi.

Misambu 76:10

paudi ujuka bua kumanyisha dipangadika diebe, dia kusungidila bantu bapuekele ba pa buloba.

Danyele 1:19

Mukalenga kuyukila nabu bonsu. Munkatshi muabu kavua musangane muntu ne lungenyi bu muvua Daniyele, Ananiya, Mikayele ne Azariya nalu. Ke kubuelabu ku mudimu kua mukalenga.

Danyele 1:7

Mulombodi wa bena mudimu ba mukalenga kubinyika mena mapiamapia. Kuinyikaye Daniyele Beltashare; kupeshaye Ananiya dina dia Shadrake, Mikayele dia Meshake, ne Azariya dia Abede-Nego.

Danyele 2:17

Daniyele upingana ku nzubu kuende, kulondela balunda bende Ananiya, Mikayele ne Azariya bualu bujima abu.

Danyele 2:47

Pashishe mukalenga kuambila Daniyele ne: — Bulelela, Mvidi Mukulu webe udi munene mupite mvidie yonsu, udi mfumu wa bakalenga. Yeye nkayende udi umanyisha malu masokome, bualu wewe nkayebe uvua mua kuntanduila bualu ebu busokome.

Danyele 2:49

Mukalenga kuteka Shadrake, Meshake ne Abede-Nego ku mutu kua midimu minene ya mu buloba bua bena Babilone, muvua Daniyele mumulombe. Kadi Daniyele kushala mufidi wa ngenyi mu lubanza lua bukalenga.

Danyele 2:5

Mukalenga kubambila ne: — Ndi mumane kupangadika ne: panudi nupanga kungambila tshindi mulote, kanuyi mua kutshinjinguluila, nebanukose bitupa bitupa. Nzubu yenu neyikudimuke dikolu.

Danyele 3:12

Kadi kudi bena Yuda bakuabu, baudi muteke ku mutu kua malu a bulongolodi bua ditunga dia Babilone, mena abu adi: Shadrake, Meshake ne Abede-Nego. Mukalenga, bantu aba kabena banemeka diyi diebe diudi muele, kabena benzela mvidie yebe mudimu, kabena bakukuila lupingu lua tshiamu tshia mpawungi luudi muenzeje.

Danyele 3:15

Nenumvue kabidi mpindiewu bela mpungi, nshiba, nzenze, lunkombe, ne biombelu bikuabu bionsu. Nanku mpindiewu nenuiname panshi, nukukuile lupingu lundi muenzeje anyi? Kadi binuabenga kulukukuila, diakamue badi banuela mu tshikutu tshidi ne kapia kakole. Diba adi, mvidie kaayi udi mua kunusungidila kundi?

Danyele 3:17

Kadi umanye ne: Mvidi Mukulu wetu, Mvidi Mukulu utudi tukuatshila mudimu, udi mua kutusungidila. Eyowa, udi ne bukole bua kumpatula mu tshikutu tshia kapia, kutunyenga mu bianza biebe.

Danyele 3:28

Ke Nebukadnesare kuela lubila ne: — Mvidi Mukulu wa Shadrake, Meshake ne Abede-Nego atumbe! Udi mutume mutumibue wende bua asungidile bantu bende bavua bamueyemena, babenga kutumikila diyi dianyi dia bukalenga. Bavua basue bua babakengeshe pa mutu pa kutendelela ne kukukuila mvidie mikuabu pa muaba wa Mvidi Mukulu wabu.

Danyele 6:28

Udi upandisha, usungidila. Udi wenza bishima ne malu a kukema mu diulu ne pa buloba. Yeye ke uvua musungidile Daniyele, ku nzadi ya nyama ya ntambue.”

Dielulula 32:31

Kadi baluishi ba bena Izrayele mene mbamanye ne: mvidie yabu idi ibalama kayena ne bukole, bu bua Mvidi Mukulu wa bena Izrayele to.