Danyele 2:5 - MUKANDA WA MYIDI MUKULU

⁵ Mukalenga kubambila ne: — Ndi mumane kupangadika ne: panudi nupanga kungambila tshindi mulote, kanuyi mua kutshinjinguluila, nebanukose bitupa bitupa. Nzubu yenu neyikudimuke dikolu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Mukelenge wakakudimuna Bena Kasada dî ne, Dî diakumana kuhatuka mukana muanyi ne, Binuahanga kundesha tshilota ne dijingulula diatshi, nebanukose bituha bituha, nebavuishe nsubu yenu bu diala.

Danyele 2:5 ပူးပေါင်းရင်းမြစ်များ

2 Bakalenga 10:27

Kuzazabu dibue divuabu bimanyike bua kutendelela mvidie Baale. Pashishe, kupulabu nzubu wa Baale awu, kuenzamu nkumba ya bantu bonsu. Nkumba ayi, itshidipu too ne mpindiewu.

Ezela 6:11

Padi muntu ubenga mundi muambe emu, ndi ngamba ne: nutule dikunji dia ku nzubu kuende, numoweleku. Nzubu wende ashale tshisasa.

Misambu 50:22

Nuenu nukadi bampue muoyi! Kadi telejayi bimpe bindi nnuambila. Tshianana nennusunsule bu ntambue, muntu kayi mua kunkandika!

Misambu 58:7

Mvidi Mukulu wanyi, ubapole menu. Maweja-Nangila, zaza bibanga bia ntambue ayi.

Danyele 2:12

Nanku mukalenga kufika munda bikole, kutuma diyi bua bashipe bena meji bonsu ba mu Babilone.

Danyele 3:29

Nenku ndi ntuma diyi ne: “Muntu ne wa mu tshisamba kaayi, wa ditunga kaayi, nansha wa muakulu kaayi, udi udiwula Mvidi Mukulu wa Shadrake, Meshake ne Abede-Nego, nebamukose bitupa bitupa, nebupule nzubu wende, neashale dikolu. Bualu kakuena mvidie mukuabu udi mua kusungidila bantu bu mudi ewu muenze.”

Danyele 4:9

Uvua ne mabeji mimpe matambe, ukuama bimuma bipite bungi, bua bonsu bamone mua kubidia, kuukuta. Nyama ya mu mpata ivua ikisha mu dileji dia mutshi awu. Nyunyi ivua ibaka masua ayi mu matamba awu. Tshifukibua tshionsu tshidi ne muoyi tshiwa tshipetelaku tshiakudia tshiatshi.

Dielulula 13:16

nushipe bantu bonsu ba mu tshimenga atshi ne bimuna biabu. Pashishe nubutule tshimenga atshi tshijima, kabidi ne bionsu bidimu.

Yoshua 6:26

Tshikondu atshi, Yoshuwa kuyukila ne bena Izrayele, ubadimuja bua tshimenga tshia Yeriko, wamba ne: “Muntu wibaka kabidi tshimenga tshia Yeriko, bamutshipe kudi Maweja-Nangila. Padiye umbula mikidi ya tshimenga etshi, muanende muanabute asangane kufua anyee? Afue! Padiye wela biibi ku tshimenga etshi, muanende muana mukala asangane kufua anyee? Afue!”

1 Samuele 15:33

Kadi Samuwele kuambila Agage ne: “Muela webe wa mvita uvua mushipe bana, bamamu bashale bianza bitupu. Nanku, mamuebe neashale kayi ne muana.” Samuwele kushipa Agage, kumusaya kumpala kua tshilambuilu tshia Maweja-Nangila mu Ngilgale.