Danyele 2:4 - MUKANDA WA MYIDI MUKULU

⁴ Bena bilengulengu kuandamuna mukalenga mu muakulu wa bena Arame ne: — Mukalenga, kuata ku mundundu! Tuawilaku tshilota, netukujinguluiletshi!

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hashishe, Bena Kasada bakandamuna mukelenge mu muaku wa Bena Alama ne, Mukelenge, wikale ne muoyo tshiendelele! Wawile bantu bebe tshilota, nunku netukujinguluiletshi.

Danyele 2:4 ပူးပေါင်းရင်းမြစ်များ

Genese 31:47

Labane kuinyika muaba awu ne: Yegare Sahaduta. Kadi Yakobe kuwinyika ne: Ngalede.

Genese 41:8

Butshia dinda, mukalenga kupampakana bikole bua bilota abi. Kubikidisha benji ba majimbu bonsu ne bena meji ba mu ditunga diende, ubawila bilota abi. Kadi kakuvua muntu nansha umue uvua mua kumujinguluila bilota abi to.

1 Bakalenga 1:25

Bualu lelu, Adoniya mmupueke ku “Dibue-dia-busenu,” mmulongolole tshibilu tshinene. Mu tshibilu atshi, mmulambule ngombe ya bungi, nyama mikuabu ya manyi, ne mikoku. Uvua mubikilemu bana bebe ba balume. Uvua mubikile kabidi bamfumu balombodi ba bena mvita, ne mutuangaji Abiyatare. Bantu bonsu aba, badi badia, banuane Adoniya diba ditudi edi, bamba ne: “Mukalenga Adoniya akuate ku mundundu!”

1 Bakalenga 1:31

Ke Batsheba kutua binu, kuinyika mpala panshi kumpala kua mukalenga Davide, wamba ne: — Mukalenga wanyi Davide akuate ku mundundu kashidi!

2 Bakalenga 18:26

Ke Elyakime, muana wa Ilkiya, Shebna, ne Yowa, kuambila mulombodi wa beledi ba mukalenga wa bena Ashure maluvu ne: — Bu wewe musue, tuyukile nebe mu muakulu wa bena Arame, bualu tudi baumanye. Lekela kuakula netu mu muakulu wa bena Ebrewu, bualu bantu bonsu badi ku bimana badi anu batuteleja.

Ezela 4:7

Bishelame, Mitredate, Tabeyele ne balunda babu, kufundila kabidi Artashasta, mukalenga munene wa bena Persa mukanda. Mukanda awu bavua baufunda ne maleta a bena Arame, kabidi mu muakulu wa bena Arame.

Nehemya 2:3

Ke meme kuambila mukalenga ne: — Mfumuanyi, ndi nkujingila diakalenga kashidi! Meme tshiena mua kuikala ne disanka to, bualu tshimenga tshidibu bajike bankambua banyi ntshinyangakaja, kabidi biibi biatshi mbiosha ne kapia.

Yeshaya 36:11

Nenku, Eliyakime, Shebna ne Yowa kuambilabu mulombodi wa bena mvita ba bena Ashure, muambuluishi wa mukalenga wabu ne: “Bu wewe musue, tuyukile nebe mu muakulu wa bena Arame, bualu tudi baumanye. Lekela kuakula netu mu buena ebrewu, bualu bantu bonsu badi pa tshimana badi batuteleja.”

Yeshaya 44:25

Kadi mpindiewu malu onsu, adi bena mbuku bamba, ndi ngakudimuna a patupu. Bonsu badi bamanyisha malu atshidi kumpala, ndi mbapangisha malu abu. Ndi mbenga meji a bena meji, ndi ndeja mudi meji abu a bantu batshimbakane.

Danyele 1:4

Nsongalume ayi ikale ne bukole bua mubidi, kayiyi ne bulema pambidi, ya mubidi mulenga, ya bukole, ya meji, ya dimanya dikumbane, ne ya lungenyi lutue lua kujingulula nalu malu, bua benzele mukalenga mudimu mu nzubu wende wa bukalenga. Nebabalongeshe mua kuakula ne kufunda muakulu wa bena Babilone.

Danyele 2:7

Bena bilengulengu kuandamuna mukalenga tshiakabidi ne: — Mukalenga, tuambilaku tshiudi mulote, netumone mua kukujinguluila.

Danyele 3:9

Kuambilabu mukalenga Nebukadnesare ne: — Mukalenga, kuata ku mundundu!

Danyele 4:19

Mukalenga, mutshi awu ngwewe! Wewe kudiunda, kukola. Bunene buebe kupita, kutua mu diulu. Bukalenga buebe kutanta, kufika ne ku ntengu ya buloba.

Danyele 4:7

Pamvua mulale mu bulalu buanyi, mvua mulote nenku: Mutshi mule uvua muimane kulu munkatshi mua buloba.

Danyele 4:9

Uvua ne mabeji mimpe matambe, ukuama bimuma bipite bungi, bua bonsu bamone mua kubidia, kuukuta. Nyama ya mu mpata ivua ikisha mu dileji dia mutshi awu. Nyunyi ivua ibaka masua ayi mu matamba awu. Tshifukibua tshionsu tshidi ne muoyi tshiwa tshipetelaku tshiakudia tshiatshi.

Danyele 5:10

Mukalenga mukaji, mamuende wa mukalenga, kumvua mbila ivua mukalenga ne bantu banene ba mu bukalenga buende bela. Yeye kubuela mu nzubu muvuabu badie, kuambaye ne: — Mukalenga, kuata ku mundundu! Kupampakanyi nansha! Mpala webe katokoloki to!

Danyele 5:8

Bena meji bonsu ba mukalenga kusemena pabuipi. Kadi kakuvua nansha umue wa kudibu uvua mua kubala, nansha kumvuija tshidibu bafunde.

Danyele 6:21

Pakafikaye pabuipi ne buina, kubikilaye Daniyele ne diyi dia dibungama, umukonka ne: — Daniyele, muntu wa Mvidi Mukulu udi ne muoyi, Mvidi Mukulu webe uudi utendelela ku dituku ku dituku, wakusungididi ku nzadi ya nyama ya ntambue anyi?

Danyele 6:6

Nanku bantu aba kuamba ne: “Katuena mua kupeta bualu bua kufunda nabu Daniyele, anu tuetu bakeba mu mikenji ya Mvidi Mukulu wende.”

Danyele 6:7

Nanshabu kujingakana. Bamfumu babidi ne balombodi ba ditunga kuya kudi mukalenga wa bakalenga, kumuambila ne: — Mukalenga wa bakalenga Daryaveshe, kuata ku mundundu!

Matayi 21:9

Bavua benda kumpala kua Yezu, ne bavua bamulonda mu nyima, bonsu kuela mbila ne: “Lumu tuikale kudi Muana wa Davide! Udi uvua mu dina dia Maweja-Nangila, Mvidi Mukulu amuele lupemba! Lumu bikale kudi Mvidi Mukulu mu diulu!

1 Samuele 10:24

Samuwele kuambila bena Izrayele ne: — Tangilayi! Monayi muntu udi Maweja-Nangila musungule. Kakuenamuntu mukuabu udi mufuanangane nende, munkatshi mua bena Izrayele bonsu. Ke bantu bonsu kuela bibingu ne mbila, bambila Shawule ne: “Mukalenga ukuata ku mundundu”!