Danyele 2:30 - MUKANDA WA MYIDI MUKULU

³⁰ Kadi Mvidi Mukulu mmummanyishe ndota eyi, ki mbua ne: ndi ne meji mapite a bantu bonsu, kadi amu mbua ne: muntu akujinguluile tshilota tshiebe, akutanduile tshidi tshipampakaja lungenyi luebe.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Kadi meme hanyi bualu ebu busokoka kabuakusokolodibua kundi bua meji andi nʼau adi mahite a bantu bakuabo, kadi mbua dijingulula dimanyishibue kudi mukelenge, ne bua wewe umanye meji adi mu mutshima webe.

Danyele 2:30 ပူးပေါင်းရင်းမြစ်များ

Genese 41:16

Yozefe kuandamuna ne: — Meme tshiena mua kuenza nanku to. Amu Mvidi Mukulu nkayende ke udi mua kujingulula ndota yebe biakane.

Misambu 139:2

Udi mumanye pandi nsomba nansha mbika, majinga anyi udi muamanye kale.

Yeshaya 45:4

Bu mundi munange bantu banyi bena Izrayele, bena mudimu banyi bandi musungule, ndi nkuangata bu muena mudimu wanyi. Nenku meme ndi nkupesha lumu, nansha wewe kuyi mummanye.

Danyele 1:17

Mvidi Mukulu kupesha bansongalume banayi aba disunguluja dia malu ne dimanya diwle mu miakulu ne mu meji a bantu. Daniyele uvua ne lungenyi lua kujingulula malu adi Mvidi Mukulu uleja, kabidi ne bilota.

Danyele 2:47

Pashishe mukalenga kuambila Daniyele ne: — Bulelela, Mvidi Mukulu webe udi munene mupite mvidie yonsu, udi mfumu wa bakalenga. Yeye nkayende udi umanyisha malu masokome, bualu wewe nkayebe uvua mua kuntanduila bualu ebu busokome.

Danyele 2:49

Mukalenga kuteka Shadrake, Meshake ne Abede-Nego ku mutu kua midimu minene ya mu buloba bua bena Babilone, muvua Daniyele mumulombe. Kadi Daniyele kushala mufidi wa ngenyi mu lubanza lua bukalenga.

Amosa 4:13

Vulukayi, uvua muenze mikuna, uvua mufuke lupepele, udi umanyisha bantu meji ende, udi wandamuna butuku buenza munya, udi wendakana ku nsongu ya mikuna, ke Maweja-Nangila, Mvidi Mukulu wa bukole buonsu.

Matayi 24:22

Bu Mvidi Mukulu kayi mukepeshe bungi bua matuku awu, muntu nansha umue kavua mua kupanda. Kadi mmuakepeshe, bualu bua bantu badiye musungule.

Marke 13:20

Bu Maweja-Nangila kayi mukepeshe bungi bua matuku awu, muntu nansha umue kavua mua kupanda. Kadi mmuakepeshe bua bantu bende badiye musungule.

Bienzedi 3:12

Petro umona nanku, kuambilaye bantu ne: — Nuenu bena Izrayele, nudi nukema padi muntu ewu wenda bimpe bua tshinyi? Tshinudi nututangidila ntshinyi? Bienza bu tuetu badi bendesha muntu ewu ku bukole buetu tuetu, nansha bualu tudi bantu badi bitaba Mvidi Mukulu!

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

2 Korente 4:15

Tudi tuenza bionsu abi bualu buenu, bua bantu, badi bitaba bua Mvidi Mukulu abanange, bavulangane, bamuele tuasakidila, bamutumbishe.