Danyele 2:28 - MUKANDA WA MYIDI MUKULU

²⁸ Kadi mu diulu mudi Mvidi Mukulu, udi umanyisha bantu malu masokome. Yeye ke udi mukumanyishe wewe mukalenga Nebukadnesare malu adi ne bua kuenzeka matuku atshidi kumpala. Kadi tshiuvua mulote ntshietshi.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Kadi Nzambi udiku mu diulu udi usokolola malu masokoka, ne yeye wakumanyisha mukelenge Nebukadenesâ malu akadi ha kulua mu matuku atshidi ku mpala. Tshilota tshiebe ne bikena kumona biwakumona ku mutu webe mu bulalu bidi nunku:

Danyele 2:28 ပူးပေါင်းရင်းမြစ်များ

Genese 40:8

Kumuandamunabu ne: — Tudi balote bilota, kadi tudi bapange muaba ewu muntu udi mua kutujinguluilabi. Yozefe kubambila ne: — Mvidi Mukulu nkayende ke udi mumanye mua kujingulula bilota. Kadi ndondelayi munudi balote.

Amosa 4:13

Vulukayi, uvua muenze mikuna, uvua mufuke lupepele, udi umanyisha bantu meji ende, udi wandamuna butuku buenza munya, udi wendakana ku nsongu ya mikuna, ke Maweja-Nangila, Mvidi Mukulu wa bukole buonsu.

Danyele 10:14

Mpindiewu ndi mufike bua kukujinguluila malu adi ne bua kukuata bena tshisamba tshiebe mu matuku adi kumpala. Ke bualu bukuabu butshidi Mvidi Mukulu ukuleja bua matuku adi kumpala.’

Danyele 2:22

Yeye udi utanduila bantu malu makole adi masokome. Udi mumanye malu adibu basokoke mu midima, bualu muaba udiye udi butoke.

Genese 49:1

Yakobe kubikila bana bende bonsu, ubambila ne: — Semenayi pabuipi, unumanyishe malu adi mua kunuenzekela matuku adi kumpala aa.

Yeshaya 2:2

Dituku dikuabu mukuna udibu base nzubu wa Mvidi Mukulu, neupite mikuna yonsu, neuyipite ku bule. Bisamba bionsu nebiutantshile, bibodiokamu.

Genese 41:16

Yozefe kuandamuna ne: — Meme tshiena mua kuenza nanku to. Amu Mvidi Mukulu nkayende ke udi mua kujingulula ndota yebe biakane.

2 Petro 3:3

Bangabanga numanye ne: matuku a nshikidilu nekupatuke bantu badi balonda amu majinga abu. Nebanuseke, banuebeja ne:

Matayi 6:9

Nutendelele mushindu ewu: “Tatu wetu udi mu diulu, dina diebe dia tshijila ditumbe;

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Danyele 4:5

Katupa kipi kapita, Daniyele kabidi kufika kuanyi. Ke muntu udibu binyika kabidi ne Beltashare, dina difuma ku dina dia mvidie wanyi. Daniyele udi ne mueyelu wa mvidie ya tshijila. Meme kumuambila ne:

Danyele 2:18

Kubambilaye bua balombe luse kudi Mvidi Mukulu wa mu diulu, abamanyishe tshilota tshisokome atshi, bua kabavu kubashipa pamue ne bena meji bakuabu ba mu Babilone.

Misambu 115:3

Mvidi Mukulu wetu udi mu diulu, udi wenza bionsu bidiye musue.

Ebrewu 1:1

Ku kale, Mvidi Mukulu uvua muambile bankambua hetu malu misangu ne misangu, kabidi mishindu ne mishindu kudi bambi.

Danyele 2:47

Pashishe mukalenga kuambila Daniyele ne: — Bulelela, Mvidi Mukulu webe udi munene mupite mvidie yonsu, udi mfumu wa bakalenga. Yeye nkayende udi umanyisha malu masokome, bualu wewe nkayebe uvua mua kuntanduila bualu ebu busokome.

Yezekiyele 38:16

Neufike bua kuluisha bantu banyi bena Izrayele. Neubuikile ditunga diabu bu mudi divuba dibuikila buloba. Nebienzeke kunyima kua matuku a bungi. Nenkutume wewe Ngoge bua kuluisha bena mu ditunga dianyi, bua bantu ba mu matunga a bende bamanye ne: ndi Mvidi Mukulu wa tshijila. Nembaleje malu onsu aa bualu wewe newikale muntu wanyi.

Yirmeya 30:24

Tshiji tshikole tshia Maweja-Nangila, katshiena tshijika, kayi muanji kuenza bionsu bivuaye muambe. Dituku dikuabu nenujingulule mudi Maweja-Nangila wenza nanku.

Dielulula 31:19

Mpindiewu wewe Moshe, ndi nkulongesha musambu, uufunde, ulongeshe bena Izrayele, baumanye, bua padibu bawimba, bajadike ne: meme Maweja-Nangila Mvidi Mukulu wabu ndi munkatshi muabu. Malu adi mu musambu awu neanusonguele.

Dielulula 4:30

Pikala malu onsu andi mmuambile manuenzekele, nuenu babuele mu dikenga, nenupingane kudi Maweja-Nangila Mvidi Mukulu wenu, bua kumutumikila.

2 Timote 3:1

Uvuluke bimpe ne: mu matuku a nshikidilu nemuikale dikenga dikole.

Yezekiyele 38:8

Padi bidimu bia bungi bipita, nenkutume bua kuluisha bena Izrayele. Bena Izrayele batua bapanduke ku mvita, nebumuke mu matunga mashilangane atuabu basombe. Nebaye kusomba pa mikuna ya Izrayele itua mishale munda mutupu bidimu bia bungi. Katshia bena Izrayele bumuke munkatshi mua bisamba bikuabu, batua basomba amu talala.

Yirmeya 48:47

“Kadi dituku dikuabu, ditunga dia Mowabe nedipete kabidi diakalenga kundi. “Meme Maweja-Nangila ndi njadika bualu ebu.” Ke muvua Maweja-Nangila mukose tshilumbu tshia bena Mowabe nanku.

Dibadika 24:14

Nanku, mpindiewu ndi mpingana kuetu. Kadi semena apa, nkumanyishe muakengeshabu bana benu kudi bena Izrayele matuku adi kumpala!

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.

Genese 41:25

Yozefe kuambila mukalenga ne: — Bilota biebe bibidi bidi bileja bualu bumue. Mvidi Mukulu udi ukumanyisha malu adiye musue kuenza.

Yirmeya 10:7

Nanku bantu bonsu badi ne bua kukunemeka, wewe mukalenga wa bisamba bionsu bia pa buloba. Bualu bukalenga buonsu mbuebe wewe. Munkatshi mua bena meji bonsu ba pa buloba, munkatshi mua bakalenga bonsu, kamuena mukuabu bu wewe.

Yezekiyele 28:3

Ndi mvidie. Bu mudi mvidie yonsu, ndi nsomba mu nkuasa wa bukalenga munkatshi mua mayi manene’. Udi uditeka mulongu umue ne mvidie. Kadi udi amu muntu. Kuena mvidie nansha kakese to. Adi wela meji ne: ndi mupite Danele ku meji; ndi mua kumvua malu masokome onsu.

Danyele 1:20

Pa malu onsu avua mukalenga ubakonka, avua atangila meji ne lungenyi, uvua ubasangana bapite misangu dikumi bena majimbu ne bena mbuku ba mu bukalenga buende.

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Danyele 2:45

Uvua mumone dibue dilamuka ku mukuna, kadiyi dinyungisha kudi muntu, bua divue kusunsula tshiamu tshifiike, tshikunze, buloba bosha, tshiamu tshitoke tshia mushinga mukole, ne tshiamu tshia mpawungi bivua ku lupingu. Mvidi Mukulu udi nkumanyisha wewe, Mukalenga, malu adi ne bua kuenzeka matuku adi kumpala. Tshilota tshiebe mbualu budi Mvidi Mukulu mukuleje bulelela. Dijingulula dindi mukuambile didi pa diodi.”