Danyele 2:20 - MUKANDA WA MYIDI MUKULU

²⁰ wamba ne: “Tuelayi Mvidi Mukulu tuasakidila diba dionsu! Yeye udi ne meji ne bukole.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Danyele wakamba ne, Dina dia Yehowa ditumbishibue kashidi ne kashidi, bualu bua meji ne bukole mbiandi.

Danyele 2:20 ပူးပေါင်းရင်းမြစ်များ

Genese 14:20

Mvidi Mukulu muena kulu uvua mukuambuluishe bua wewe kutshimuna baluishi bebe atumbe! Abrame kulambula Melkisedeke tshia dikumi tshia bintu biende bionsu bivuaye munyenge mu mvita.

1 Bakalenga 8:56

— Ndi ngela Maweja-Nangila tuasakidila. Yeye ke udi mufile ditalala kudi bantu bende bena Izrayele, bu muvuaye mubalaye. Maweja-Nangila ke udi muenze bionsu ebi bua kujikija bivuaye mulaye mukana mua muntu wende Moshe.

1 Kulondolola 29:20

Davide kuambila kabidi bantu bonsu ne: — Elayi Maweja-Nangila, Mvidi Mukulu wetu tuasakidila. Bantu bonsu kuela Maweja-Nangila tuasakidila, Mvidi Mukulu wa bankambua babu. Kutuabu binu, kutua ne mpala panshi, batumbisha Maweja-Nangila, kabidi ne mukalenga Davide.

2 Kulondolola 20:21

Yosafate kumyuangana ne bantu, kuteka bena misambu kumpala kua bena mvita. Bena misambu bavua bavuale bilamba bia tshijila, batumbisha Maweja-Nangila, bamba ne: “Tumbishayi Maweja-Nangila, bualu dinanga diende ndia kashidi!”

Nehemya 9:5

Pashishe, bena Levi aba: Yeshuwa, Kadmiyele, Bani, Ashabneya, Sherebiya, Odya, Shebanya ne Petakiya, ba-vua bela mbila mikole ne: — Jukayi kulu! Tumbishayi Maweja-Nangila Mvidi Mukulu wenu. Numutumbishe matuku onsu! “Maweja-Nangila, bantu bonsu batumbishe dina diebe dia lumu. Miaku itudi mua kuamba bua kukutumbisha nayi idi amu mikese.

Yobe 12:13

Kadi udi ujingulula malu, udi lungenyi lutue, udi amu Mvidi Mukulu. Yeye udi kabidi ne bukole ne meji, bidiye ne bua kukumbaja.

Misambu 113:1

Tumbishayi Maweja-Nangila, Aleluya! Nuenu badi benzela Maweja-Nangila mudimu, tumbishayi Maweja-Nangila.

Misambu 113:2

Bantu bele Maweja-Nangila tuasakidila lelu too ne matuku onsu!

Misambu 115:18

Kadi tuetu, netuele Maweja-Nangila tuasakidila, mpindiewu ne kashidi. Tutumbishayi Maweja-Nangila, Aleluya!

Misambu 147:5

Maweja-Nangila wetu mmunene. Udi ne bukole buonsu, lungenyi luende kaluena kuamba.

Misambu 41:13

Bu mundi tshiyi ne bualu, neutue ku tshianyi, newanyishe bua meme kushala pabuipi nebe kashidi.

Misambu 50:23

Muntu udi ungela tuasakidila, ke udi untumbisha! Udi untumikila, ke undi mpandisha!

Misambu 62:11

— Kukebi buneme ku tshinyangu, kutekemenyi makasa ku buivi. Nansha bubanji buebe buvulangane, kutekiku muoyi.

Nsumuinu 8:14

Mudimu wanyi nkubela ne kudimujangana. Ndi lungenyi mene. Meme ke udi upeshangana bukole.

Yirmeya 32:19

Udi wela meji ku malu manene audi musue kuenza. Kabidi udi ne bukole bua kuakumbaja. Udi utangila bimpe malu adi bantu benza. Udi ufuta muntu yonsu bilondeshile bidiye wenza.

Yezekiyele 28:3

Ndi mvidie. Bu mudi mvidie yonsu, ndi nsomba mu nkuasa wa bukalenga munkatshi mua mayi manene’. Udi uditeka mulongu umue ne mvidie. Kadi udi amu muntu. Kuena mvidie nansha kakese to. Adi wela meji ne: ndi mupite Danele ku meji; ndi mua kumvua malu masokome onsu.

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

Yuda 1:24

Mvidi Mukulu udi mua kunulama bimpe, bua kanuponyi mu bubi. Udi mua kunufikisha kabidi, kanuyi kalema, muoyi muwule tente ne musangelu, muaba unudi mua kumona butumbi buende.

Didimanyisha 5:12

Bavua bimba ne diyi dikole ne: “Muana wa mukoku uvuabu bashipe, udi muakanyine kupeta bumfumu, bubanji, meji ne bukole, kanemu, lumu ne butumbi!”