Danyele 2:18 - MUKANDA WA MYIDI MUKULU

¹⁸ Kubambilaye bua balombe luse kudi Mvidi Mukulu wa mu diulu, abamanyishe tshilota tshisokome atshi, bua kabavu kubashipa pamue ne bena meji bakuabu ba mu Babilone.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ bua bobo balombe luse kudi Nzambi wa mu diulu mu bualu ebu busokoka; bua Danyele ne balunda bandi kabafu diatshimue ne bena meji bakuabo ba mu Babulona.

Danyele 2:18 ပူးပေါင်းရင်းမြစ်များ

Genese 18:28

Kadi bu wewe mua kupeta bantu bakane anu makumi anayi ne batanu, batanu bakuabu kabayiku, neubutule tshimenga tshijima bua batanu abu anyi? Mvidi Mukulu kuandamuna ne: — Meme musangane bantu bakane makumi anayi ne batanu, tshiakubutula tshimenga to.

Misambu 136:26

Tuelayi Mvidi Mukulu wa mu diulu tuasakidila, bualu dinanga diende ndia kashidi!

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 91:15

Pambikilaye bua kumuambuluisha, nemmuambuluishe, mu dikenga nengikale pabuipi nende, nemmusungidile, nemmutumbishe.

Yeshaya 37:4

Mukalenga wa bena Ashure, mmutume mulombodi wa bena mvita, mumuambuluishi, bua kupendabu Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua mumupende! wewe lombaku Maweja-Nangila, akuile bantu bende badi bashala ne muoyi.”

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

Yezekiyele 36:37

“Meme Maweja-Nangila Mvidi Mukulu, ndi ngamba ne: Nengitabe bua bena Izrayele basengelele bua meme kubambuluisha. Nembavudije, bikale bungi bu tshisumbu tshia mikoku.

Danyele 2:23

Mvidi Mukulu wa bankambua banyi, ndi nkuanyisha, nkutumbisha. Udi mumpeshe meji ne bukole. Udi mummanyishe bualu butuvua bakulombe, mututanduile bualu buvua butatshisha mukalenga.”

Danyele 3:17

Kadi umanye ne: Mvidi Mukulu wetu, Mvidi Mukulu utudi tukuatshila mudimu, udi mua kutusungidila. Eyowa, udi ne bukole bua kumpatula mu tshikutu tshia kapia, kutunyenga mu bianza biebe.

Danyele 4:26

Tshidimu tshijima tshimane kupita, mukalenga uvua wendakana pa musaka wa nzubu wa bukalenga wa mu Babilone.

Yona 1:9

Yona kubandamuna ne: — Ndi muena Ebrewu, ndi nnemeka Maweja-Nangila, Mvidi Mukulu wa mu diulu, uvua mufuke mayi manene, ne buloba.

Malaki 3:18

Pashishe nenumone dishilangana didi pankatshi pa bantu bimpe ne bantu babi, pankatshi pa badi benzela Mvidi Mukulu mudimu ne badi kabayi bamuenzela mudimu.

Matayi 18:12

Nudi nuamba penu bishi? Padi muntu ne mikoku lukama, umue mujimina, kena ushiya mikuabu makumi tshitema ne tshitema pa mukuna, uya kukeba udi mujimina anyi?

Matayi 18:19

Ndi nnujadikila kabidi ne: padi babidi ba kunudi pa buloba bumvuangane bua kulomba tshintu mu ditendelela, Tatu wanyi udi mu diulu neabapetshi.

Bienzedi 12:4

Bamane kukuata Petro, Erode kumuelesha mu lukanu. Kutekaye basolayi bisumbu binayi, basolayi banayi banayi ku tshisumbu, bua bamulame, bakombolangana. Uvua musue kumulumbuluisha ku mesu a bantu, pajika tshibilu tshia Dipita dia Maweja-Nangila.

Rome 15:30

Kadi, bana hetu, ndi nnulomba ne: mu dina dia Mfumu wetu Yezu Kristu, ne ku bukole bua dinanga didi Mueyelu wa Tshijila utupa: luanganayi nanyi. Nutendelele, nundombele kudi Mvidi Mukulu.

2 Petro 2:9

Bualu Mfumu udi mumanye mua kupatula mu makenga bantu badi bamutumikila. Udi mumanye kabidi mua kulama bantu badi benza bibi, bua kubanyoka dituku dia kubalumbuluisha.

1 Samuele 17:37

Maweja-Nangila uvua mumpandishe ku nzadi ya nyama ya ntambue, ne ya nkashama, neampandishe kabidi ku bianza bia muena Peleshete ewu. Shawule kumuambila ne: — Ndaku, Maweja-Nangila ikale nebe.