Danyele 11:4 - MUKANDA WA MYIDI MUKULU

⁴ Kadi pajadikaye bukokeshi buende, nebatshibule bukalenga buende. Nebabuabanye mu ntengu inayi ya buloba. Ndelanganyi yende kayena imupingana mu bukalenga to. Bukalenga buende nebabuabanyine bantu bakuabu. Kadi bantu aba kabena bapeta bukole buvuaye nabu nansha.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hatantamaneye, nebanyenge bukelenge buandi, nebabutahulule tô ne ku mpehele inai ya mu diulu; kadi kabena babuhiana kudi bana bandi, kabuena buikala ne bukole buakadibu nʼabu hakadiye ubukokeshe; bualu bua nebabuangate, nebabuheshe banga bantu badi kabayi ba munkatshi mua bantu bandi.

Danyele 11:4 ပူးပေါင်းရင်းမြစ်များ

Misambu 39:6

Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.

Muambi 4:8

ke muntu udi amu nkayende, kayi ne mumuambuluishi, kayi mulele muana wa balume, kayi nansha ne muanabu wa balume. Kadi udi ukuata mudimu kayi wikisha to. Nansha yeye udikonka ne: undi mua kushila bindi mpeta ku mudimu wanyi ebi, tshiyi nsanka nabi nnganyi? Udi ukeba amu kukeba biuma bivule. Abi bidi amu patupu, kabidi ntshidimudimu tshia tshianana.

Yirmeya 12:15

Pashishe, nemfuile tshiakabidi bantu banyi aba luse. Nempingaje muntu yonsu kuabu. Nemmupingajilamu ne bintu biende.

Yirmeya 12:17

Kadi padi tshisamba kampanda tshia bena mutumba aba tshibenga kunteleja, nentshipate bua tshibutuke kashidi. Meme Maweja-Nangila ndi njadika nanku.

Yirmeya 18:7

Musangu mukuabu ndi musue kubutula, kunyanga, nansha kushimbula ditunga anyi tshisamba.

Yirmeya 31:40

“Tshibandabanda tshijima, muaba udibu bajika bitalu, udibu bela butu bua milambu, netshikale tshianyi meme. Mpata yonsu too ne ku Kedrone, musulu wa muenji mukole, too ne ditunga dia ku tshiibi tshia Nyama ya tubalu, luseke ludi diba dipatukila, neyikale yanyi meme. Kabena mua kunyenga, kabena mua kubutula kabidi tshimenga to.

Yirmeya 45:4

Nanku Maweja-Nangila mmungambile bua kukumanyisha ne: “Ndi nshimbula tshimvua muibake, ndi njuula tshimvua mukune. Ndi mbondakaja ditunga dijima.

Yirmeya 49:36

Ndi ntumina bena Elame mpepele musangu umue, ifuma ku ntengu yonsu inayi ya buloba. Nanku nembatangalaje nseke yonsu. Bena tshimuangi ba bena Elame nenubasangane mu matunga onsu.

Yezekiyele 37:9

Nanku Maweja-Nangila kungambila ne: — Muntu, bikila mueyelu wa muoyi, uwambile ne: “Mueyelu wa muoyi, Maweja-Nangila udi ukutumina diyi ne: Ufumine ku nseke yonsu, ubuele munda mua bitalu ebi bua bipete muoyi.”

Danyele 7:2

“Butuku mvua mumone Mvidi Mukulu undeja lupepele lufumina ku ntengu inayi ya buloba, lupepa pa mayi manene.

Danyele 7:6

Pashishe meme kumona nyama mukuabu, uvua mufuanangane ne nkashama. Uwa ne mapuapua anayi bu a nyunyi panyima pende, kabidi ne mitu inayi. Kupetaye bumfumu.

Danyele 7:8

Pamvua nkenketa nsengu eyi bimpe, lusengu lupialupia lupite bukese, kumenalu munkatshi mua mikuabu. Kutulalu nsengu isatu mikuabu. Lusengu lupialupia luvua ne mesu bu a muntu, luvua ne mukana, luakula malu a ditambisha.

Danyele 8:22

Pakatshibuka lusengu, nsengu mikuabu inayi kumena pa muaba walu. Nsengu ayi ke makalenga makuabu anayi avua apingana pa muaba wa bukalenga bua kumpala. Kadi kabuakuikala ne bukole buvua nabu bukalenga bua kumpala nansha.

Danyele 8:8

Bukole bua mbuji wa mpumbu kudiunda. Kadi papitshi bukole buende, lusengu lunene elu kutshibuka diakamue. Pa muaba uvualu, kumenapu nsengu mikuabu minene inayi, mitangilangane ku nseke inayi ya buloba.

Zekâya 2:6

Meme kumukonka ne: — Udi uya penyi? Kungandamunaye ne: — Ndi nya kupima bule ne butshiama bua Yerushalayime.

Zekâya 6:5

Kungandamunaye ne: — Matempu aa adi mpepele inayi: ivua mimane muaba udi Maweja-Nangila wa buloba bujima; mmiumuke muaba awu amu mpindiewu.

Matayi 12:25

Kadi Yezu uvua mujingulule lungenyi luabu. Nanku kubambilaye ne: — Bukalenga buonsu budi benabu baluishangana nkayabu, nebunyanguke lukasa. Tshimenga tshionsu tshidi benatshi baluishangana, nansha diku dionsu didi benadi benza nanku, tshimenga atshi, nansha diku adi, kabiakutungunuka nansha.

Luke 12:20

Kadi Mvidi Mukulu kumuambila ne: “Udi muntu mutshimbakane! Butuku ebu neufue! Kadi bintu biuvua mudilamine, nebishale bia nganyi?”

Didimanyisha 7:1

Malu aa mamane kupita, meme kumona batumibue banayi bimane ku ntengu inayi ya buloba. Bavua bimanyike mpepele inayi ya buloba, bua lupepele nansha lumue kalututshi pa buloba, nansha pa mayi manene, nansha ku mitshi.