Danyele 11:30 - MUKANDA WA MYIDI MUKULU

³⁰ Bantu ba ku luseke ludi diba dibuelela nebafike ne majuwa a mayi. Nebamuluishe mvita. Neatekete mu maboku. Neapingane tshianyima. Nealuishe tshiakabidi tshisamba tshidi tshitue ndondu wa tshijila, bualu neumvuangane ne bantu badi babenga ndondu awu.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Bualu bua matu a ku Kitima nealue kudiye ne nvita, ne mutshima wandi neuneme bujitu. Bua muanda eu neahidie tshihungidi tshia tshijila, nênze bu mudiye musue. Nealukile kuabo neunvuangane ne bantu aba badi bahidia tshihungidi tshia tshijila.

Danyele 11:30 ပူးပေါင်းရင်းမြစ်များ

Genese 10:4

Yavane kulela bana ba balume aba: Elisha, Tarshishe, Kitime ne Rodanime.

1 Kulondolola 1:7

Bana ba balume ba Yavane badi nenku: Elisha, Tarshishe, Kitime ne Rodanime.

Nehemya 6:12

Meme kumona bimpe ne: kena ungambila malu a kudi Mvidi Mukulu to. Kadi Tobiya ne Sanebalate mbamupeshe makuta, bua kungambilaye malu awu.

Yeshaya 23:1

Badi bamanyisha malu adi atangila tshimenga tshia “Tire”. “Nuenu badi benda ne matu mu mayi manene, asayi muadi, bualu bavua babutula tshisabu tshienu, ne nzubu inuvua mua kunyemena, kuikishila.” Amu matu afika, afuma ku tshidiila tshia Kitime, ke bobu kushisha kumanya bualu ebu.

Yeshaya 23:12

Maweja-Nangila uvua muambe ne: “Nuenu bena Sidone, kanuena mua kusanka kabidi to. Tshimenga tshienu tshidi bu nsongakaji, udibu babuelela mu nzubu ku bukole. Nansha nuenu baye, basabuke mayi manene, bafike ku tshidiila tshia Kitime, kanuakupeta dikisha nansha kakese.

Yirmeya 2:10

Nanku, nuye kukonka bantu badi mu bidiila bia bena Ngreke, banuambile. Nuye kukonka bena Arabe badi mu Kedare. Nenujadike ne: bobu kabena benza bibi, munudi nuenu nuenza to.

Yezekiyele 27:6

Bavua benza mibambu ne mabaya a lusanga lua mu Bashane. Bavua bibake majuwa, benza ne bisasa, ne mitshi ya Sedre ya mu bidila bia bena Ngreke, balamikaku mibanga.

Danyele 11:28

Mukalenga wa ditunga dia ku mutu neaye mu ditunga diende ne bubanji bua bungi. Mu luendu alu neenzele tshisamba tshidi tshitue ndondu wa tshijila mudiye musue. Pashishe neapingane mu ditunga diende.

Danyele 11:29

“Pakumbana tshikondu tshivuabu bajadike, mukalenga wa ditunga dia ku mutu neaye tshiakabidi mu bukalenga bua kuinshi. Kadi malu a mu tshikondu etshi kaakuenzeka muvua malu a mu tshikondu tshia kumpala nansha.

Danyele 7:25

Neadiwule Mvidi Mukulu, Muena kulu, ne meyi a kapeja. Neakengeshe tshisamba tshia tshijila. Neapangidije bua kushintulula bikondu ne mikenji bia tshisamba tshia tshijila. Nebafile tshisamba tshia tshijila mu bianza biende, bua atshikokeshe bidimu bisatu ne tshitupa.

Dibadika 24:24

Majuwa adi afumina ku Kitime. Badi babuela mu ditunga nebakengeshe bena Ashure, kabidi ne ndelanganyi ya Ebere. Kadi nansha bobu badi babuela nebabutuke.”

Matayi 24:10

Tshikondu atshi bavule nebavile ditaba. Nebelelangane tshitungu, bakinangane.

Didimanyisha 12:12

Nanku nuenu, diulu ne badi basombamu, tuayi tshianga! Kadi nuenu, buloba ne mayi manene, nudi bena diakabi! Bualu diabolu mmupueke kunudi. Udi ne tshiji tshikole, bualu udi mumanye mudi matuku ende mashale makese.”